Luke 21:37 - Chishemanituu Utayimuwin: Kaa Uskaach Testament

³⁷ Eshikum chiishikaau maak chii chiskutamaacheu Jesus anite chisheayimiheukamikuhch. Ekw maak e ati utaakushiyich anite aniyuu wachiyuu Olives kaa ishinihkaateyich ekute kaa chii ituhtet, chechii ihtaat aniyuu che tipiskaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁷ ᐁᔑᑯᒻ ᒌᔑᑳᐤ ᒫᒃ ᒌ ᒋᔅᑯᑕᒫᒉᐤ ᒌᓴᔅ ᐊᓂᑌ ᒋᔐᐊᔨᒥᐦᐁᐅᑲᒥᑯᐦᒡ᙮ ᐁᒄ ᒫᒃ ᐁ ᐊᑎ ᐅᑖᑯᔑᔨᒡ ᐊᓂᑌ ᐊᓂᔫ ᐗᒋᔫ ᐊᓕᕕᔅ ᑳ ᐃᔑᓂᐦᑳᑌᔨᒡ ᐁᑯᑌ ᑳ ᒌ ᐃᑐᐦᑌᑦ, ᒉᒌ ᐃᐦᑖᑦ ᐊᓂᔫ ᒉ ᑎᐱᔅᑳᔨᒡ᙮

Luke 21:37 Iomraidhean Croise

Matthew 21:1

Jesus ekw maak aniyuu uchischinuhamuwaakan anite Jerusalemihch chii wii ituhteuch. Iskutak e ati peshuwaapahtahkwaau chii utihtamuch aniyuu ihtaawiniyuu Bethphage kaa ishinihkaateyich. Anite wachii Olives kaa ishinihkaatech ekute kaa ihtakuhch uu ihtaawin. Ekut maak utah Jesus kaa niikaanitishihwaat niishu uchischinuhamuwaakanh e itaat,

Matthew 21:17

Ekw Jesus kaa nakataat, kaa chistuhtet anit aniyuu ihtaawiniyuu ekw anite Bethanyihch ihtaawinihch kaa ituhtet, ekute anite kaa ihtaat peyakw tipiskaau.

Matthew 26:30

Iskutak maak kaa nikamutwaau ayimiheunikamuwiniyuu ekw kaa ituhtetwaau anite Olives kaa ishinihkaateyich wachiyuu.

Matthew 26:55

Ekw Jesus kaa itaat aniyuu iinuu, “Muyaam taapwe kaa aahkwaatisiit chimutisk e ihtuutuuyekw e pechi nituwaapamiyekw e tahkunamekw shimaakanishiyuu muuhkumaan kaye utaamahiikanaahtikw. Wesh shaash chipaahchii maakunaawaau anite chisheayimiheukamikuhch kaa chii ihtaayihkw eshikum chiishikaau e chiskutamaacheyaan, namui maak nihtaa kuuhchi kakweteyihtenaawaau chechii maakuniyekw.”

Mark 11:12

Miin wiyaapaniyich mekwaach e pimuhtetwaau Bethanyihch e uhtuhtetwaau ekw kaa wii miichisut Jesus.

Mark 11:19

Iskutak maak wetaakusiyich Jesus ekw maak uchischinuhamuwaakanh chii nakatamuch aniyuu utenaayuu.

Mark 14:49

Meshikum chiishikaau nichii ihtaan anite mekwesiin e ihtaayekw e chiskutamaacheyaan anite chisheayimiheukamikuhch, namui maak kuuhchi pischeyiminaawaau. Mikw maak iteyihtaakun taan e itashtech Chishemanituu utayimuwinihch che tipipayihch.”

Luke 19:29

Iskutak maak piyeshuwaapahtahkwaau aniyuuh ihtaawinh Bethphage ekw maak Bethany kaa ishinihkaateyikwaauh anite wachiyuu Olives kaa ishinihkaateyich kaa ihtakuniyikwaauh ekw kaa niikaanitishihwaat niishu uchischinuhamuwaakan e itaat,

Luke 19:37

Iskutak maak piyeshuwaapahtahk Jerusalemiyuu Jesus, e ati niihchichuwetwaau aniyuu wachiyuu Olives kaa ishinihkaateyich meskanaahch e pimuhtetwaau, misiwe aniyuu aweyuu kaa nuushuushkaakut chii uhchi maamihchimeuch Chishemanituu e chishewetwaau kaye e muuchicheyihtamihiikutwaau misiwe aniyuu taan kaa ishi waapahtahkwaau Jesus e maamishkaachihtiyich.

Luke 19:47

Meshikum chiishikaau maak chii chischinuhamaacheu Jesus anite chisheayimiheukamikuhch. Aniyuuh maak kaa niikaanapiitwaauh ayimiheuchimaauh kaye aniyuuh kaa chiskutamaacheyitwaauh wiishuwewiniyuu kaye aniyuu kaa niikaanishkuwaayich iinuu chii wii nipahiikuu.

Luke 22:39

Chii nakatam maak Jesus aniyuu utenaayuu ekw anite Olives wachiihch kaa ituhtet. Eukw uyuu kaa chii ihtikupane maan. Uchischinuhamuwaakanh maak chii wiicheukuu.

John 12:1

Kutwaashch chiishikaau chii ishpishinaakuniyuu miyaaskaacheu makushewiniyuu, Jesus kaa takushinit anite Bethanyihch anite Lazarus wiichiihch. Ekute uyuu kaa wanishkaanaat nipuwinihch uhchi.

John 18:2

Judas maak an che wiyeshipachishtinaat Jesus chii chischeyihtam taanite kaa ihtakuniyich aniyeyuu wesh mihchetwaau chii nishtawiyuuch anit Jesus ekw maak aniyuu uchischinuhamuwaakanh.

ᐊᐸᔅᑕᓚᒡ 1:12

Ekw anichii apastalach kaa chistuhtetwaau anite aniyuu wachiyuu Olives kaa ishinihkaateyich kaau kaa chiiwetwaau anite Jerusalemihch. Wiyesh aapihtuu aschiiyuu tipahiikan chii ishpishinaakuniyiche uyuu ihtaawiniyuu anit kaa uhchi chistuhtetwaau.