Luke 21:28 - Chishemanituu Utayimuwin: Kaa Uskaach Testament

²⁸ Iskutak maak chihchipayihche e ispayihkwaau uyuu chekwaayuu, suuhk ishpimihch iitaapikw, wesh shaash peshunaakun che pimaachihiikuyekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁸ ᐃᔅᑯᑕᒃ ᒫᒃ ᒋᐦᒋᐸᔨᐦᒉ ᐁ ᐃᔅᐸᔨᐦᒀᐤ ᐅᔫ ᒉᒀᔫ, ᓲᐦᒃ ᐃᔥᐱᒥᐦᒡ ᐄᑖᐱᒄ, ᐌᔥ ᔖᔥ ᐯᔓᓈᑯᓐ ᒉ ᐱᒫᒋᐦᐄᑯᔦᒄ᙮

Luke 21:28 Iomraidhean Croise

Luke 13:11

Iskweu maak chii ihtaau anit machiahchaahkwa e chii piihchishkaakut e chii ihtuutaakut yaanaaneushaap pipun chechii ishpish aahkusit e chii maaskaachipiskunet ekaa uhchii kuiskukaapuut.

Luke 18:7

Namui aa maak etituu Chishemanituu suuhk kata wiichiheu aniyuu utiiniim kanawaach kaa ayimihaayich e chiishikaayich kaye e tipiskaayich e nitutamaakut chechii naatamuwaat. Taapaa kata uhchi pwaashtawiyuu chechii naatamuwaat.

Luke 21:29

Ekw Jesus kaa wiihtamuwaat uyuu chischinuhamaacheu tipaachimuwiniyuu e itwet, “Maamituneyimaahkw maa uu misishuuminaahtikw, kaye misiwe nanaahkuu mistikw.

Romans 8:19

Misiwe chekwaayuu taan kaa ishi ushihtaat Chishemanituu naashch pukweyihtamuumakaniyuu e ashuwaapahtamumakaniyich che ishpish mushe nuukuhaat utawaashiim.

Romans 8:23

Namui maak mikw uyuuh chekwaayuuh nanehkaateyimuumakanh. Chiyaanuu kaye Chishemanituu kaa utawaashiimitutaatahkw chinanehkaateumunaanuu chitehiinaahch mekwaach e ashuwaapatamahkw Chishemanituu utawaashiimh chechii ishi nuukuhiikuyihkw kaye chechii ishihiikuyihkw ekaa nihtaa miin chechii nanehkaateyimuwiihkw, kaachiche chechii pimaatisiihkw. Shaash maak chichii miikunuu Chishemanituu Utahchaahkwa chechii uhchi chischeyihtamuhkw misiwe taapwe che ispayiyich uyuu.

Ephesians 1:14

Uu maak Kaa payehchisiit Ahchaahkw e chii miikuyihkw ekut wehchi cheshtinaahuyihkw Chishemanituu taapwe che miyaat utiiniim aniyuu taan kaa itaat che miyaat. Chicheshtinaahunaanuu tekash che aapihkunaat Chishemanituu misiwe aniyuu kaa utiiniimit. Eukw uyuu che ishi ihtuutamuwaat chechii uhchi maamihchimaakanuut e chisteyihtaakusit.

Ephesians 4:30

Ekaawii misimeyihtamahiimaakw Chishemanituu Upayehchii Ahchaahkwa. Uu Ahchaahkw e ayaauhkw ekut e nuukuhch Chishemanituu e tipeyimitahkw. Cheshtinaateyihtaakun maak utihchipayihche an e chiishikaach taapwe che aapihkunitahkw Chishemanituu.