Luke 21:24 - Chishemanituu Utayimuwin: Kaa Uskaach Testament

²⁴ Pasch awenich nitupayuuhkumaaniyuu chika aapataniyuu e nipahaakanuutwaau. Ekw kutakach che maakunaakanuutwaau, nanaahkuu aschiihch che ituhtahaakanuutwaau. Ekw anichii ekaa Jewa kaa itiskaanesitwaau mitun tekash kata wii nishuuwanaachihtaauch Jerusalemiyuu, paatish Chishemanituu chistahamaakutwaawenich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᐸᔅᒡ ᐊᐌᓂᒡ ᓂᑐᐸᔫᐦᑯᒫᓂᔫ ᒋᑲ ᐋᐸᑕᓂᔫ ᐁ ᓂᐸᐦᐋᑲᓅᑣᐤ᙮ ᐁᒄ ᑯᑕᑲᒡ ᒉ ᒫᑯᓈᑲᓅᑣᐤ, ᓇᓈᐦᑰ ᐊᔅᒌᐦᒡ ᒉ ᐃᑐᐦᑕᐦᐋᑲᓅᑣᐤ᙮ ᐁᒄ ᐊᓂᒌ ᐁᑳ ᒎᐗ ᑳ ᐃᑎᔅᑳᓀᓯᑣᐤ ᒥᑐᓐ ᑌᑲᔥ ᑲᑕ ᐐ ᓂᔔᓈᒋᐦᑖᐅᒡ ᒉᕉᓴᓚᒥᔫ, ᐹᑎᔥ ᒋᔐᒪᓂᑑ ᒋᔅᑕᐦᐊᒫᑯᑣᐌᓂᒡ᙮

Luke 21:24 Iomraidhean Croise

Luke 21:25

“Chika nuukun chischinuwaapahtiiwewinh anite piisimuhch, tipischipiisimuhch, kaye anite achahkushahch, e wiihtamaakuyekw chekwaan che ispayihch chechii yaakwaamiyekw. Misiwe e itiskaanesit awen utah aschiihch chika sechisuu. Chika sechihiikuuch taan che itihtaakuniyich chihchikamiyuu.

Romans 11:25

Niichishaanitikw, chinituweyimitinaawaau chechii nisituhtamuwekw uyuu kaa ishi chischeyihtaakuhtaat Chishemanituu ekw maak namui chika uhchi iteyihtenaawaau naashch e iipwaahkaayekw. Anuhchiish mekwaach mihchetu anichii Jewa kaa itiskaanesitwaau wii suuhchitamuch. Namui wii taapweucheyimeuch Chishemanituuh. Mikw maak chika utihchipayuu taanit che taapwehtahkwaau. Eshkw maak ekaa utihchipayihch uu misiwe anichii ekaa Jewa kaa itiskaanesitwaau tahtu mikw che wiyaapamikuwaakwenich Chishemanituuh chechii pimaachihutwaau, chika pimaachihuuch.

Hebrews 11:34

Namui uhchii wanaachihiikuuch ishkuteyuu, kaye chii ushimututamuch chechii nipahaakanuutwaau nitupayuuhkumaaniyuu e aapataniyich. Chii miinuwaachihaakanuuch aahkusuwinihch uhchi, kaye chii shaakuuchiheuch kutak shimaakanisha e chii nitupayihkahtaakutwaau.

Revelation 11:2

Mikw ekaawii tipaaskunh anit e pwaahchihch waaskaa an chisheayimiheukamikw. Ekaawii tipaaskunh wesh anichii ekaa Jewa kaa itiskaanesitwaau chii miyaakanuuch aniyuu. Eukunich uchii che taahtahkushkaatahkwaau aniyuu ihtaawiniyuu kaa payehchisiimakaniyich nemitanuu niishu piisim ishpish.”