Luke 21:23 - Chishemanituu Utayimuwin: Kaa Uskaach Testament

²³ Taapwe kata aayimihuch anichii mekwaach kaa kanuweyimaasutwaau kaye anichii kaa nuushaanihaausutwaau aniyuuh e chiishikaayikwaauh. Nuwach chika aayimaniyuu anichii iinuuch utah aschiihch kaa ihtaatwaau. Wesh Chishemanituu utaahkuyuwesuwin mitun chika maahtakushkaakuuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²³ ᑖᐺ ᑲᑕ ᐋᔨᒥᐦᐅᒡ ᐊᓂᒌ ᒣᒀᒡ ᑳ ᑲᓄᐌᔨᒫᓱᑣᐤ ᑲᔦ ᐊᓂᒌ ᑳ ᓅᔖᓂᐦᐋᐅᓱᑣᐤ ᐊᓂᔫᐦ ᐁ ᒌᔑᑳᔨᒀᐤᐦ᙮ ᓄᐗᒡ ᒋᑲ ᐋᔨᒪᓂᔫ ᐊᓂᒌ ᐄᓅᒡ ᐅᑕᐦ ᐊᔅᒌᐦᒡ ᑳ ᐃᐦᑖᑣᐤ᙮ ᐌᔥ ᒋᔐᒪᓂᑑ ᐅᑖᐦᑯᔪᐌᓱᐎᓐ ᒥᑐᓐ ᒋᑲ ᒫᐦᑕᑯᔥᑳᑰᒡ᙮

Luke 21:23 Iomraidhean Croise

Matthew 21:16

Ekw kaa itaatwaau aniyuu Jesus, “Chipehtawaauch aa taan e itwetwaau.” Jesus kaa itaat, “Nipehtuwaauch, namui aa wiiskaat chuuhchi ayimihtaanaawaau Chishemanituu utayimuwinihch anit kaa itashtech, Chishemanituu chii ihtuutaweu awaasha kaye apishtawaasha chechii miyu maamihchimikut.”

Matthew 21:41

Ekw kaa itikut aniyuu kaa tipaachimushtuwaat iinuu, “Takushihke an uchimaau chika nipaheu aniyuuh machi aapachihaakanh ekw che miyaat kutak aweyuu chechii naanaakachihtaayich aniyuu unihtaauchihchikan aschii, eukw maak uyuuh che miikut wiya taan e ishi tipiyeusiit iskutak chiishi nihtaauchiniikwaawenh aniyuu unihtaauchihchikan.”

Matthew 21:44

Wesh itashteu anite Chishemanituu utayimuwinihch, ‘Awen e pisusimikut aniyuu asinii mitun chika piikushin, ekw maak maahtakuhukute aniyuu asinii mitun tekash kata pichischishkaakuu.’ ”

Matthew 24:19

Taapwe kata aayimihuch anichii mekwaach kaa kanuweyimaausutwaau kaye anichii kaa nuushaanihaausutwaau aniyuuh e chiishikaayikwaauh.

Mark 13:17

Taapwe kata aayimihuch anichii mekwaach kaa kanuweyimaasutwaau kaye anichii kaa nuushaanihaausutwaau aniyuuh e chiishikaayikwaauh.

Luke 19:27

Ekw maak peshuwaahkuch anichii kaa uhkaasitwaau anichii ekaa kaa nituweyimitwaau chechii chisheuchimaauch, chechii nipahaakanuutwaau utah e ihtaauch.’ ” Eukw uyuu chischinuhamaacheu tipaachimuwiniyuu Jesus kaa wiihtahk mekwaach e ati pimuhtetwaau Jerusalemihch ishi.

Luke 19:43

Chika utihchipayuu anichii kaa uhkaatitaakuch che chipunitaakuch anit an utenaau kaa ihtaayekw, chika chipunikuwaauch ekaa chechii wiiwiyekw.

Luke 23:29

Wesh eshkw etituu chika aayiman ekut maak che iinaanuuhch, ‘Shaweyihtaakusuuch anichii iskweuch ekaa nihtaa uhchi ayaawaatwaau awaasha, anichii ekaa nihtaa uhchi nuushaanihaausutwaau.’

1 Corinthians 7:26

Anuhchiish kiipaa e ishpish mistahii aayimuhunaanuuhch uste chipaa miywaayuu awen ekaa kaa niipuut ekaa chechii niipuut, maak anichii kaa niipuutwaau ekaa chechii nakatitutwaau.

1 Thessalonians 2:16

Waawaach nichii wii chipihchihiikunaanich e waawiihtamuumichiht aniyuuh ekaa Jewa kaa itiskaanesiyich aniyuu miywaachimuwiniyuu che pimaachihiikuyich. Ekut wehchi tepipayihtaatwaau taan muush kaa ishi pechi wanituutahkwaau. Ekw maak wetihchipayiyich chechii chishuwaahaatwaau kaye chechii waweshihiikutwaau Chishemanituuh.

Hebrews 13:16

Ekaawii puuniikw e miyutuutamaacheyekw kaye e maatinuwepayihtaatuyekw taan e ishi ayaayekw. Wesh tekash e pachishteyimisut awen uyuu chechii ihtit naheyihtamiheu Chishemanituuh.

James 5:1

Nituhtuukw chiyawaau kaa miisitisiyekw. Maatukw kaye nanehkaateumukw wesh chika ihtakun taan che ishi machipayekw.

1 Peter 4:17

Wesh shaash utihchipayuu che wiyaaskunaat Chishemanituu utiiniim. Chiishpin maak chiyaanuu kaa taapwehtamukw niishtam che wiyaaskunikuwaauhkwe, eishimaa kata ispayuuch anichii ekaa kaa wii nanihiihtamuwaatwaau Chishemanituu umiywaachimuwiniyuu.