Luke 21:21 - Chishemanituu Utayimuwin: Kaa Uskaach Testament

²¹ Ekw maak anichii iinuuch kaa ihtaatwaau anite Judea aschiihch, anite wachiihch chika itishimuuch. Ekw anichii anit Jerusalemihch kaa ihtaatwaau cheshtinuu chika wii nakatamuch aniyuu ihtaawiniyuu. Ekw anichii ekaa mekwaach ihtaatwaawenich anit aniyuu ihtaawiniyuu, ekaawii miin chika uhchi ituhteuch anite.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᐁᒄ ᒫᒃ ᐊᓂᒌ ᐄᓅᒡ ᑳ ᐃᐦᑖᑣᐤ ᐊᓂᑌ ᒎᑎᔭ ᐊᔅᒌᐦᒡ, ᐊᓂᑌ ᐗᒌᐦᒡ ᒋᑲ ᐃᑎᔑᒨᒡ᙮ ᐁᒄ ᐊᓂᒌ ᐊᓂᑦ ᒉᕉᓴᓚᒥᐦᒡ ᑳ ᐃᐦᑖᑣᐤ ᒉᔥᑎᓅ ᒋᑲ ᐐ ᓇᑲᑕᒧᒡ ᐊᓂᔫ ᐃᐦᑖᐎᓂᔫ᙮ ᐁᒄ ᐊᓂᒌ ᐁᑳ ᒣᒀᒡ ᐃᐦᑖᑣᐌᓂᒡ ᐊᓂᑦ ᐊᓂᔫ ᐃᐦᑖᐎᓂᔫ, ᐁᑳᐐ ᒦᓐ ᒋᑲ ᐅᐦᒋ ᐃᑐᐦᑌᐅᒡ ᐊᓂᑌ᙮

Luke 21:21 Iomraidhean Croise

Matthew 2:1

Anite maak Bethlehem kaa ishinihkaateyich ihtaawiniyuu anite Judea aschiihch kaa ihtakuniyich ekute kaa pimaatisiit Jesus. Mekwaach Herod chii chisheuchimaawiyuuh. Chii uhchi takushinuuch maak naapeuch kaa kachehtaaweyihtahkwaau anit Jerusalemihch waapanuutaahch e uhtuhtetwaau.

Matthew 24:16

Waapahtamekwe maak uu e ispayihch, anichii iinuuch anit Judea aschiihch kaa ihtaatwaau, ekush pachishtinaahkuch anite e wachuuniyich chechii itishimutwaau.

Mark 13:15

Kaye an awen tahkuhch wiichihch kaa ihtaat ekaawii pachishtinaahkw chechii piihchet uwaaskaahiikanim chechii nitawaahtahk chekwaayuu.

Revelation 18:4

Ekw miin kutak awen kaa pehtuuk kihchikiishikuhch e uhchi ayimit e itwet, “Chiyawaau nitiinimitikw anit kaa ihtaayekw wiiwiikw an ihtaawin ekaa kaye chiyawaau che machituutamekw muyaam taan e ihtitwaau anichii anit kaa ihtaatwaau kaye maak ekaa chechii asich waweshihiikuyekw iskutak waweshihaakanuutwaawenich.