Luke 21:17 - Chishemanituu Utayimuwin: Kaa Uskaach Testament

¹⁷ Misiwe awen chika uhkaatikuwaau e nuushuushkuwiyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᒥᓯᐌ ᐊᐌᓐ ᒋᑲ ᐅᐦᑳᑎᑯᐙᐤ ᐁ ᓅᔔᔥᑯᐎᔦᒄ᙮

Luke 21:17 Iomraidhean Croise

Matthew 10:22

Misiwe awenichii chika uhkaatikuwaauch e nuushuushkuwiyekw. An maak awen ekaa che nuuhtipuuniyikwe e pechi nuushuushkuut eukw an che pimaachihaakanuut.

Matthew 24:9

“Ekw maak che maakunikuyekw kaye chika nanehkaachihiikunaawaau. Waawaach chika nipahiikunaawaau. Misiwe e itiskaanesitwaau awenichii chika uhkaatikuwaauch e nuushuushkuyekw.

Matthew 5:11

“Chishaweyihtaakusinaawaau e maayeyimikuyekw, maak e nanehkaachihiikuyekw kaye e nanatayaachimikuyekw niya uhchi e pechi nuushuushkuuyekw.

Mark 13:13

Misiwe awen chika uhkaatikuwaau e nuushuushkuwiyekw. Mikw maak an awen che yaaichikaapuukwe che ishpish pimaatisiikwe eukuu che pimaachihaakanuut.”

Luke 21:16

Waawaach chiniichihiikuwaauch, chiichishaanuwaauch chiwaahkumaakanuwaauch, kaye chiwiichewaakanuwaauch chika ituhtahiikuwaauch wiyaaskunicheukamikuhch, chika ihtuutaakuwaauch pasch anit e tashiyekw chechii nipahiikuwekw.

Luke 21:18

Mikw maak yaapach chika miyupayinaawaau, namui waawaach peyakwaapechi chistikwaaniyaapiiwaauh chika uhchi wanihtaanaawaau.

Luke 6:22

Chishaweyihtaakusinaawaau chiyawaau kaa uhkaateyimikuyekw, ekaa piskaatikuyekw, e maayeyimikuyekw kaye e machaayimuumikuyekw niya uhchi e nuushuushkuuyekw, Iinuu Ukusisa.

John 15:19

Iteyihtaakusiyekw maak taan e iteyihtaakusitwaau chipaa saachihiikuwaauch mwehch e ishi sasaachihiitutwaau wiyawaau. Mikw maak e chii wiyaapamitakuch eukw wehchi uhkaatitaakuch, wesh taapaa anite e ihtaatwaau chit ishi wiichihiiwenaawaau ekw.

John 15:21

Misiwe uu kaa ishi aayimuutamaatakuch che ihtuutaataakuch niya aniyeyuu che uhchi ihtuutaataakuch wesh taapaa uhchi chischeyimeuch aniyuu kaa pechi itishahuyich.

John 17:14

Nichii wiihtamuwaauch taan kaa ishi miyin chechii wiihtamuukwaau. Chii uhkaatikuch maak aweyuu utah aschiihch kaa ihtaayich wesh taapaa utah aschiihch ishi tipeyihtaakusuuch mwehch niya e ishi ekaa tipeyihtaakusiyaan utah aschiihch.

John 7:7

Taapaa ihtakuniyuu chekwaayuu chechii uhchi uhkaatitaakuch awenich utah aschiihch kaa ihtaatwaau ekaa kaa taapweyimaatwaau Chishemanituu, mikw maak nuuhkaatikuch niya wesh niwiihten taan e ishpish machaatisiinaanuuhch.

ᐊᐸᔅᑕᓚᒡ 9:16

Wesh niya nika waapahtiyaau taan che ishi nanehkaateyimut niya uhchi,” chii itikuu Utipeyihchikeu Ananias.

2 Corinthians 12:10

Ekun kaye wehchi yaapach sichiyesiyaan taan e ishpish ekaa saapisiyaan utah niyuuch e nuushuushkuukw Christ, kaye taan e ishi maayeyimikuyaan, taan e ishpish aayimuhuyaan maanh, taan e ishpish nanehkaachihiikuyaan, kaye taan e ishi nanehkaateyimuyaan. Yaapach nisichiyesin uu e ishi aayimuhuyaan wesh ekut wehchi chischeyihtamuch Christ usuuhkaatisiiwin. Anit ekaa saapisiyaan ekut e suuhcheyihtaakusiyaan.

2 Corinthians 4:11

Nipimaatisiinaan kiipaa anuhchiish mikw maak muush kushpanaateyihtaakun chechii wanihtaayaahch nipimaatisiiwinaanh e taapweyimachiht Jesus. Ekw maak chechii nisituunaakuniyich Jesus upimaatisiiwin utah uyuuh niyuunaahch che nipiimakaniyikwaauh.

2 Corinthians 4:5

Iskutak e kacheskweyaahch namui niyaan nitaayimuumisunaan. Jesus Christ nitaayimuumaanaan wiya e Utipeyihchikeut. Jesus nichii pechi itishahukunaan chechii atushkaataahch.

Philippians 1:29

Chishemanituu maak chichii wiyeyimukuwaau namui mikw chechii taapweyimekw Christ, chichii wiyeyimikuwaau kaye chechii nanehkaachihiikuyekw Christ uhchi.

1 Peter 4:14

Wesh chiishpin maayeyimikuyekwe Christ e nuushuushkuwekw, chishaweyihtaakusinaawaau wesh ekut wehchi chischeyihtaakuhch taapwe e wiicheutaakw kaa chisteyihtaakusit Ahchaahkw, Chishemanituu Utahchaahkwa.

Revelation 2:3

Muush chichii siipiiwesiinaawaau e nachishkamekw chekwaan. Chichii aayimuhunaawaau kaye e nuushuushkuuyekw. Namui maak kuuhchi nuuhtipuuniinaawaau e taapwehtamekw.