Luke 20:47 - Chishemanituu Utayimuwin: Kaa Uskaach Testament

⁴⁷ Utinamuweuch kaye misiwe taan e ishi tipiyeusiyich kaa paahpeyakuyitwaauh iskweuh kaye maak e ayimihaatwaau chineush ayimihaauch, mikw maak ayimihehkaasuch uyuu e ihtitwaau. Eukunich maak uchii ushte che aahkwaateyihtaakuniyich taan che ishi wiyaaskunikutwaau Chishemanituuh.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁷ ᐅᑎᓇᒧᐌᐅᒡ ᑲᔦ ᒥᓯᐌ ᑖᓐ ᐁ ᐃᔑ ᑎᐱᔦᐅᓯᔨᒡ ᑳ ᐹᐦᐯᔭᑯᔨᑣᐤᐦ ᐃᔅᑴᐤᐦ ᑲᔦ ᒫᒃ ᐁ ᐊᔨᒥᐦᐋᑣᐤ ᒋᓀᐅᔥ ᐊᔨᒥᐦᐋᐅᒡ, ᒥᒄ ᒫᒃ ᐊᔨᒥᐦᐁᐦᑳᓱᒡ ᐅᔫ ᐁ ᐃᐦᑎᑣᐤ᙮ ᐁᐅᑯᓂᒡ ᒫᒃ ᐅᒌ ᐅᔥᑌ ᒉ ᐋᐦᒀᑌᔨᐦᑖᑯᓂᔨᒡ ᑖᓐ ᒉ ᐃᔑ ᐎᔮᔅᑯᓂᑯᑣᐤ ᒋᔐᒪᓂᑑᐦ᙮

Luke 20:47 Iomraidhean Croise

Matthew 23:13

“Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech, chiyawaau kaa ayimihehkaasuyekw, chiyawaau kaa kachipiskuwekuch awenichii chechii piihchetwaau anite kihchikiishikw chisheuchimaawinihch, ekaa maak mechim chechii piihcheyekw chiyawaau. Namui chipachishtinaawaauch anichii kaa wii piihchetwaau anite kihchikiishikw chisheuchimaawinihch chechii piihchetwaau.

Matthew 23:14

Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech, chiyawaau kaa ayimihehkaasuyekw. Naashch chiwii kuiskunaakuhiisunaawaau an uhchi chineush e ayimihaayekw, mikw maak anit e utinamuwekw maan kaa paahpeyakutwaau iskweuch taan e ishi tipiyeusiitwaau ekut e nuukuhch chihchiwe taan e iteyihtaakusiyekw. Uu maak kaa ishi ihtuutamekw etituu chiyawaau chika waweshihiikunaawaau.”

Mark 12:40

Utinamuweuch kaye misiwe taan e ishi tipiyeusiyich kaa paahpeyakuyich iskweuh kaye maak e ayimihaatwaau chineush ayimihaauch, ayimihehkaasuch maak mikw uyuu e ihtitwaau. Eukunich maak uchii ushte che aahkwaateyihtaakuniyich taan che ishi wiyaaskunikutwaau Chishemanituuh.”

Luke 12:1

Mekwaach maak an e ihtinaanuuhch, mihchetwaau chishemitaahtumitanuu iinuuch chii waaskaaniipuuch e nituhtawaatwaau Jesus. Aniyuu e ishpish mihchetitwaau mitun chii katahkusiteskaatituuch. Niishtam maak Jesus chii iteu uchischinuhamuwaakan, “Yaakwaamiishtuwaahkuch Phariseech aniyuu e iteyihtaakusitwaau wesh ayimihehkaasuuch. Mwehch palet uhpisikan kaa iteyihtaakuhch ekun e iteyihtaakuniyich aniyuu e ihtitwaau.

Luke 20:46

“Yaakwaamiishtuwaahkuch anichii kaa chiskutamaachetwaau wiishuwewiniyuu wesh nituweyihtamuch chechii chisteyimaakanuutwaau. Miyeyihtamuch e pushchishkahkwaau kaa chinwekaniyikwaau akuhpa, kaye miyeyihtamuch e utinischenaakanuutwaau anite e mihchetinaanuyich. Kaye nituweyihtamuch anite maauch e paihtepitwaau chechii apihaakanuutwaau ayimiheukamikuhch, kaye e makushaanuyich chechii apihaakanuutwaau anite e uchimaaupinaanuyich.

Luke 21:1

Mekwaach maak Jesus e iitaapit anite chisheayimiheukamikuhch, chii waapameu e miisitisiitwaau aweyuu e pachishtinamiyich shuuliyaayuu anit kaa chii pachishtinikanuyich shuuliyaayuu.

1 Thessalonians 2:5

Sehchei chichii ayimihiitinaan ekaa uhchi nituweyihtamaataahch chekwaan. Chiyawaau niyaanitam chichischeyihtenaawaau uu. Chishemanituu chischeyihtam e taapweyaahch uu kaa itweyaahch.

Titus 1:16

Itweuch e chischeyimaatwaau Chishemanituuh mikw maak aniyuu e itaatisiitwaau nuukuniyuu ekaa taapwe chischeyimaatwaau Chishemanituu wesh naashch machaatisiyuuch. Namui mitun nanihiihtuweuch Chishemanituu kaye namui mitun iteyihtaakusuuch chechii miyutuutahkwaau.

James 3:1

Niichishaanitikw, ekaawii chika uhchi mihchetinaawaau e chiskutamaacheyekw. Chichischeyihtenaawaau chiyaanuu kaa chiskutamaacheyihkw uste che aahkwaateyihtaakuhch taan che ishi wiyaaskunikuyihkw.