Luke 20:46 - Chishemanituu Utayimuwin: Kaa Uskaach Testament

⁴⁶ “Yaakwaamiishtuwaahkuch anichii kaa chiskutamaachetwaau wiishuwewiniyuu wesh nituweyihtamuch chechii chisteyimaakanuutwaau. Miyeyihtamuch e pushchishkahkwaau kaa chinwekaniyikwaau akuhpa, kaye miyeyihtamuch e utinischenaakanuutwaau anite e mihchetinaanuyich. Kaye nituweyihtamuch anite maauch e paihtepitwaau chechii apihaakanuutwaau ayimiheukamikuhch, kaye e makushaanuyich chechii apihaakanuutwaau anite e uchimaaupinaanuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁶ ᔮᒀᒦᔥᑐᐙᐦᑯᒡ ᐊᓂᒌ ᑳ ᒋᔅᑯᑕᒫᒉᑣᐤ ᐐᔓᐌᐎᓂᔫ ᐌᔥ ᓂᑐᐌᔨᐦᑕᒧᒡ ᒉᒌ ᒋᔅᑌᔨᒫᑲᓅᑣᐤ᙮ ᒥᔦᔨᐦᑕᒧᒡ ᐁ ᐳᔥᒋᔥᑲᐦᒀᐤ ᑳ ᒋᓉᑲᓂᔨᒀᐤ ᐊᑯᐦᐸ, ᑲᔦ ᒥᔦᔨᐦᑕᒧᒡ ᐁ ᐅᑎᓂᔅᒉᓈᑲᓅᑣᐤ ᐊᓂᑌ ᐁ ᒥᐦᒉᑎᓈᓄᔨᒡ᙮ ᑲᔦ ᓂᑐᐌᔨᐦᑕᒧᒡ ᐊᓂᑌ ᒫᐅᒡ ᐁ ᐸᐃᐦᑌᐱᑣᐤ ᒉᒌ ᐊᐱᐦᐋᑲᓅᑣᐤ ᐊᔨᒥᐦᐁᐅᑲᒥᑯᐦᒡ, ᑲᔦ ᐁ ᒪᑯᔖᓄᔨᒡ ᒉᒌ ᐊᐱᐦᐋᑲᓅᑣᐤ ᐊᓂᑌ ᐁ ᐅᒋᒫᐅᐱᓈᓄᔨᒡ᙮

Luke 20:46 Iomraidhean Croise

Matthew 16:6

Ekw Jesus kaa itaat, “Yaakwaah, ayaakwaamiistamuwaahkw uhpisikanawaau anichii Phariseech ekw maak anichii Sadduceech.”

Matthew 23:1

Ekw Jesus kaa ayimihaat aniyuu iinuu kaye aniyuu uchischinuhamuwaakan.

Mark 8:15

Jesus chii ishi yaakwaamimikuuch, “Yaakwaakw, ayaakwaamiishtamuwaahkw uhpisikanimuwaau Phariseech kaye maak Herod uhpisikanim.”

Luke 11:43

Chekwaan chika ishi machipayinaawaau chiyawaau Phariseech. Wesh naashch anite e chisteyihtaakuhch Jewa ayimiheukamikuhch ekute waa ahiishuyekw kaye naashch e nituweyihtamekw chechii chisteyimikuyekw e waachiyemikuyekw pepaamuhteyekw anite kaa chii mihchetinaanuuhch e ataawaanuuhch.

Luke 12:1

Mekwaach maak an e ihtinaanuuhch, mihchetwaau chishemitaahtumitanuu iinuuch chii waaskaaniipuuch e nituhtawaatwaau Jesus. Aniyuu e ishpish mihchetitwaau mitun chii katahkusiteskaatituuch. Niishtam maak Jesus chii iteu uchischinuhamuwaakan, “Yaakwaamiishtuwaahkuch Phariseech aniyuu e iteyihtaakusitwaau wesh ayimihehkaasuuch. Mwehch palet uhpisikan kaa iteyihtaakuhch ekun e iteyihtaakuniyich aniyuu e ihtitwaau.

Luke 14:7

Jesus maak chii waapameu pasch aniyuu aweyuu kaa wiishaamaakanuyich e waweyapiyich taanit anit maauch e uchimaaweyihtaakuniyich ekw kaa wiihtamuwaat uyuu chischinuhamaacheu tipaachimuwiniyuu.

Luke 20:47

Utinamuweuch kaye misiwe taan e ishi tipiyeusiyich kaa paahpeyakuyitwaauh iskweuh kaye maak e ayimihaatwaau chineush ayimihaauch, mikw maak ayimihehkaasuch uyuu e ihtitwaau. Eukunich maak uchii ushte che aahkwaateyihtaakuniyich taan che ishi wiyaaskunikutwaau Chishemanituuh.”

Romans 12:10

Saachihiitukw wesh misiwe chiwiichishaanihtunaawaau. Chisteyimitukw chitehiiwaahch.

2 Timothy 4:15

Che wii ayaakwaamiistuwat, wesh naashch chii nishkuushtam taan kaa ishi waawiihtamuwachiht miywaachimuwiniyuu.

3 John 1:9

Shaash nichii masinahamuwaauch anichii umaamuuayimihaauch, mikw maak an naapeu Diotrephes kaa ishinihkaasut eukw an naashch waa uchimaaut, namui aapatihtam taan e itweuch.