Luke 20:44 - Chishemanituu Utayimuwin: Kaa Uskaach Testament

⁴⁴ Mechim David ‘Nitipeyihchikem’ chii ishinihkaateu Utipeyihchikeu. Taanite maak chechii uhchi ukusiitutawaat.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁴ ᒣᒋᒻ ᑌᐱᑦ ᓂᑎᐯᔨᐦᒋᑫᒻ ᒌ ᐃᔑᓂᐦᑳᑌᐤ ᐅᑎᐯᔨᐦᒋᑫᐤ᙮ ᑖᓂᑌ ᒫᒃ ᒉᒌ ᐅᐦᒋ ᐅᑯᓰᑐᑕᐙᑦ᙮

Luke 20:44 Iomraidhean Croise

Matthew 1:23

“Ishkwesh ekaa wiiskaat uhchi chischeyimakut naapeu chika ayaaweu awaasha, chika naapeshiiwiyuuh maak, Immanuel chika ishinihkaataakanuu.” Chishemanituu e pechi ihtaat utah e ihtaayihkw ishi itweshtamuwaataakanuu uu ishinihkaasuwin.

Luke 2:11

Anite ihtaawinihch kaa uhchiit aniyaa chisheuchimaau David, chiyawaau chipimaatisiistamaakunaawaau awaash, eukun Utipeyihchikeu Christ.

Luke 20:43

paatish chii ashpashihiikwaawenich anichii kaa uhkaatiskwaau.

Luke 20:45

Mekwaach maak e pehtaakut misiwe aniyuu iinuu, Jesus chii iteu aniyuu uchischinuhamuwaakan,

Romans 9:5

Aniyehkaanaanich aanische chiwaahkumaakanuuh Abrahamh, Isaac ekw maak Jacob e ihtaayihch chii uhchi aanische pimaatisiyuuch. Ekute kaye wiya Jesus Christ kaa uhchi aanische pimaatisiit iskutak naapeu kaa ishihaakanuut. Chishemanituu an misiwe chekwaayuu kaa pimipayihtaat, kaachiche katawii maamihchimaakanuu. Amen.

Galatians 4:4

Iskutak maak taapwe wetihchipayiyich anit kaa iteyihtamikupane Chishemanituu chechii pechi itishahwaat Ukusisa, chii pechi itishahweu utah aschiihch. Iskweu e ihtaayich chii uhchi pimaatisiyuu. Jewa chii itiskaanesuu ekw maak kaa nituweyihtaakusit chechii nanihiihtahk Jewa ayimiheu wiishuwewinh.

1 Timothy 3:16

Nuwach kiipaa chisteyihtaakun an taan e ishi miskaateyihtaakuch chitaapwehtamuwinuu. Chishemanituu wiyaasuwinihch e chii ishi nuukuhiisut. Chii cheshtinaateyihtaakuhiikuu Kaa payehchisiyich Ahchaahkwa taapwe Chishemanituu e chii pechi itishahukut. Chii waapamikuu enchil. Chii aayimuumaakanuu e kacheskwaanuyich anite nanaahkuu e itiskaanesinaanuyich. Chii taapweyimikuu aweyuuh utah aschiihch. Ekw maak kihchikiishikuhch kaa ishi uhpiskaat chechii chisteyihtaakuhaakanuut.

Revelation 22:16

Niya, Jesus, nichii itishahwaau nitenchilam taanite e ati ihtaayekw chechii wiihtamaataakw uyuuh chekwaayuuh, chiyawaau umaamuuayimihaautikw. David e ihtaat nuuhchi aanische pimaatisiin. Eukw niya an waapan achahkush naashch kaa chiihkaayaashtuwet.” Eukw uyuu kaa itwet Jesus.