Luke 20:36 - Chishemanituu Utayimuwin: Kaa Uskaach Testament

³⁶ Wesh mwehch enchilich chika iteyihtaakusuuch uchii namui wiiskaat chika chii puunipimaatisiyuuch. Chishemanituu utawaashiimitutaakuuch anichii che wanishkaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁶ ᐌᔥ ᒬᐦᒡ ᐁᓐᒋᓕᒡ ᒋᑲ ᐃᑌᔨᐦᑖᑯᓲᒡ ᐅᒌ ᓇᒧᐃ ᐐᔅᑳᑦ ᒋᑲ ᒌ ᐴᓂᐱᒫᑎᓯᔫᒡ᙮ ᒋᔐᒪᓂᑑ ᐅᑕᐙᔒᒥᑐᑖᑰᒡ ᐊᓂᒌ ᒉ ᐗᓂᔥᑳᑣᐤ᙮

Luke 20:36 Iomraidhean Croise

Matthew 22:30

Wesh iskutak utihchipayihche che wanishkaatwaau anichii kaa puunipimaatisiitwaau, taapaa kata uhchi niipuuch kaye namui kata uhchi niipuuhaakanuuch, wesh aniyuu e iteyihtaakusiyich Chishemanituu utenchilimh kihchikiishikuhch kaa ihtaayich ekun mwehch che iteyihtaakusitwaau.

Mark 12:25

Wesh uhpiskaatwaawenich anichii kaa nipitwaau, taapaa kata uhchi niipuuch kaye namui kata uhchi niipuuhaakanuuch, wesh aniyuu e iteyihtaakusiyich enchilh kihchikiishikuhch kaa ihtaayitwaauh ekun mwehch che iteyihtaakusitwaau.

Romans 8:16

Kaa payehchisiit Ahchaahkw chichischeyihtamihiikunuu chitehiinaahch taapwe Chishemanituu e utawaashiimitutaatahkw.

1 Corinthians 15:26

An maahchishtai chekwaan che wanaachihtaakanuuch eukw nipuwin.

1 Corinthians 15:42

Ekun mwehch e ishinaakuhch miiyuu, iskutak kaa nahiihkaakanuuhch ati wiinipayuu an miiyuu. Iskutak maak wanishkaanaakanuute nipuwinihch uhchi, aniyuu wiiyuu kaachiche chika pimaatisiimakaniyuu.

1 Corinthians 15:49

Mwehch maak e ishi nispituuhkw an sischuuhch kaa uhchi ushihaakanuut cheshtinaash kaye chika nispituwaanuu an kihchikiishikuhch kaa uhtuhtet.

Philippians 3:21

Aahchiiuh e iteyihtaakaniyikwaauh miiyuuh chika miikunuu. Anuhchiish namui saapisiimakanh uyuuh chiiyuunuuh kaye chika nipiimakanh. Jesus maak aniyuu maskuusiiwiniyuu kaa ayaat misiwe chekwaayuu chechii tipeyihtahk eukw uyuu che aapachihtaat chechii miiskutuunaakuhtaat chiiyuunuuh. Muyaam wiya wiiyuu kaa ishpish miyunaakuniyich iskutak kaa wanishkaat nipuwinihch uhchi ekun che ishinaakuhtaat uyuuh chiiyuunuuh.

Revelation 20:6

Shaweyihtaakusuuch kaye nuwach payehchisiyuuch anichii kaa wiichihiiwetwaau anite niishtam kaa wanishkaanaakanuyich kaa nipiitwaauh. Namui machi ishkuteu saakahiikaniyuu chika uhchi tipeyimikuuch wiyawaau. Chika atushkuweuch Chishemanituuh ekw maak Jesus Christ kaye chika wiich tipeyihchikemeuch Jesus Christ peyakwaau chishemitaahtumitanuu pipun ishpish.

Revelation 21:4

Chika kaasiichaapahweu maak tahtwaau e uhchikuwaapiyich. Namui ekw kata uhchi ihtakuniyuu nipuwiniyuu maak misimeyihtamuwiniyuu. Namui kaye ekw kata uhchi ihtakuniyuu maatuuwiniyuu maak e wiisacheyihtaakanuyich. Wesh misiwe an weskach kaa ispayihch chekwaan namui shaash ihtakun.”

Revelation 22:9

Mikw maak nichii itikw, “Ekaa pechi nuuchiishtuuh. Wesh kaye niya nitatushkuwaau Chishemanituu mwehch chii e ihtiyin kaye maak mwehch e ihtitwaau chiichishaanich, anichii kaa chischiwehiichetwaau ekw maak anichii kaa nanihiihtahkwaau taan e itashteyich utah masinahiikanihch. Chishemanituu eukw nuuchiishtuu.”