Luke 20:35 - Chishemanituu Utayimuwin: Kaa Uskaach Testament

³⁵ mikw maak anite niishtamihch iskutak utihchipayihche che wanishkaanaakanuutwaau anichii kaa tepicheyihtaakusitwaau miin chechii pimaatisiitwaau, namui chika uhchi ihtakun e niipuunaanuuhch kaye e niipuuhiiwaanuuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁵ ᒥᒄ ᒫᒃ ᐊᓂᑌ ᓃᔥᑕᒥᐦᒡ ᐃᔅᑯᑕᒃ ᐅᑎᐦᒋᐸᔨᐦᒉ ᒉ ᐗᓂᔥᑳᓈᑲᓅᑣᐤ ᐊᓂᒌ ᑳ ᑌᐱᒉᔨᐦᑖᑯᓯᑣᐤ ᒦᓐ ᒉᒌ ᐱᒫᑎᓰᑣᐤ, ᓇᒧᐃ ᒋᑲ ᐅᐦᒋ ᐃᐦᑕᑯᓐ ᐁ ᓃᐴᓈᓅᐦᒡ ᑲᔦ ᐁ ᓃᐴᐦᐄᐙᓅᐦᒡ᙮

Luke 20:35 Iomraidhean Croise

Matthew 12:32

Misiwe awen kaa maayeyimaat Iinuu Ukusisa katachii wepeyihtamuwaakanuu. Namui wiiskaat katachii wepeyihtamuwaakanuu awen maayeyimaate Kaa payehchisiyich Ahchaahkwa.”

Matthew 22:29

Ekw Jesus kaa itaat, “Chiwanipayinaawaau. Namui chichischeyihtenaawaau taan e itashteyich Chishemanituu utayimuwin kaye namui chichischeyihtamuwaanaawaau Chishemanituu umaskuusiiwin uu kaa ishi kakwechimiyekw.

Mark 10:42

Ekw Jesus misiwe kaa wiishaamaat kaa itaat, “Anichii kaa uchimaautwaau kaa iteyimaakanuutwaau naashch wii katipeyimeuch aniyuu iinuuh kaa niikaanishkuwaatwaau. Uchii maak kaa uchimaaweyimaakanuutwaau ihtaayuuh uchimaamuwaauh naashch e suuhcheyihtaakusiyich e niikaanishkaacheyich, mitun tekash e wii wiishuwaatikutwaau.

Mark 12:24

Ekw Jesus kaa itaat, “Namui chichischeyihtenaawaau taan e itashteyich Chishemanituu utayimuwin kaye namui chichischeyihtamuwaanaawaau Chishemanituu umaskuusiiwin uu kaa ishi kakwechimiyekw.

Luke 16:8

Iskutak an uchimaau piyehtahk taan kaa ihtiyich aniyuu uchimaashiim chii maamihchihiikuu, iipwaahkaau e iteyimaat ekaa maak kuiskw uhchi ihtiyich. Wesh anichii ekaa kaa kuiskutaatisiitwaau utah aschiihch naashch taapwe kaschihuuch e wiihkuchihtamaasutwaau chekwaayuu ishpishaat wii anichii kaa kuiskutaatisiitwaau.”

Luke 21:36

Yaakwaamiikw. Ekaawii puuniikw e ayimihaayekw e nitutamaayekw chechii yaaichikaapuyekw kaye chechii shaapushkamekw misiwe taan che ispayihch. Kaye maak ekaa chechii aatuweyimitaakw Iinuu Ukusisa iskutak uhchishkuukaapuushtawekwe.” Eukw maak uyuu kaa ishi wiihtamuwaat Jesus aniyuu uchischinuhamuwaakan.

John 5:29

ekw maak che wanishkaatwaau nipuwinihch uhchi. Ekw anichii kaa kuiskutaatisiitwaau kaachiche kata pimaatisiyuuch. Ekw anichii kaa machaatisiitwaau chika wanishkaanaakanuuch nipuwinihch uhchi chechii wiyaaskunaakanuutwaau.

ᐊᐸᔅᑕᓚᒡ 24:15

Nitaapwehten kaye niya kaau che wanishkaatwaau misiwe kaa nipitwaau, anichii kaa machituutahkwaau kaye anichii kaa miyutuutahkwaau. Eukw maak uyuu e ishi taapweyimak Chishemanituu che ihtuutahk muyaam kaye wiyawaau uchii Jewa iinuuch e ishi taapwehtahkwaau.

ᐊᐸᔅᑕᓚᒡ 5:41

Anichii maak apastalach chii chistuhteuch anit kaa nishtuwiyiich aniyuu kaa maamuupishtamiyich wiyaaskunichewiniyuu e sichiyesitwaau e chii tepicheyimikutwaau Chishemanituu chechii nanehkaateyimutwaau Jesus utishinihkaasuwiniyuu uhchi.

2 Thessalonians 1:5

Ekut maak utah che uhchi chischeyihtamekw taan e ishpish kuiskw ihtit Chishemanituu e wiyaaskunichet. An maak taan e ispayekw chika tepicheyihtaakusinaawaau chechii wiichihiiweyekw anite Chishemanituu uchisheuchimaawinihch.

Hebrews 11:35

Chii ihtaauch kaye iskweuch e taapweyimaatwaau Chishemanituu ekw maak aniyuu uhchi chii waapameuch aniyuu utiiniimuwaau kaa nipiyich kaau e wanishkaanaakanuyich nipuwinihch uhchi. Kaye kutakach chii ihtaauch e chii taapweyimaatwaau Chishemanituu aat maak e chii ishpish taapweyimaatwaau yaapach chii nanehkaachihaakanuuch piihiim kaa ati nipahaakanuutwaau, wesh namui uhchi wii itweuch ekaa chischeyimaatwaau Chishemanituu chechii uhchi pachishtinaakanuutwaau. Niikaan chii ishi pukuseyihtamuch uste e miywaayich pimaatisiiwiniyuu chechii ayaatwaau iskutak wanishkaanaakanuutwaawenich nipuwinihch uhchi.

Revelation 3:4

Ihtaauch kiipaa pasch awenichii anite Sardis e chii kanuweyimisutwaau ekaa uhchi wiinaakutaatwaau uchekwaanimuwaauh. Eukunich maak uchii che papaawiicheutwaau e waapaaspisutwaau wesh tepicheyihtaakusuuch.