Luke 20:26 - Chishemanituu Utayimuwin: Kaa Uskaach Testament

²⁶ Anit maak e waapamikutwaau iinuu, namui uhchii ihtuutaweuch chechii wanipayiyich chekwaayuu e itweyich ati chechii uhchi maakunaatwaau. Naashch chii miskaateyihtamihiikuuch taan kaa ishi nishkweushihiikutwaau, ekw namui miin uhchi chistuuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁶ ᐊᓂᑦ ᒫᒃ ᐁ ᐙᐸᒥᑯᑣᐤ ᐄᓅ, ᓇᒧᐃ ᐅᐦᒌ ᐃᐦᑑᑕᐌᐅᒡ ᒉᒌ ᐗᓂᐸᔨᔨᒡ ᒉᒀᔫ ᐁ ᐃᑗᔨᒡ ᐊᑎ ᒉᒌ ᐅᐦᒋ ᒫᑯᓈᑣᐤ᙮ ᓈᔥᒡ ᒌ ᒥᔅᑳᑌᔨᐦᑕᒥᐦᐄᑰᒡ ᑖᓐ ᑳ ᐃᔑ ᓂᔥᑴᐅᔑᐦᐄᑯᑣᐤ, ᐁᒄ ᓇᒧᐃ ᒦᓐ ᐅᐦᒋ ᒋᔅᑑᒡ᙮

Luke 20:26 Iomraidhean Croise

Matthew 22:12

Ekw kaa itaat aniyuu naapeu, ‘Niwiichewaakan taanite kaa uhchi piihcheyin utah uu e makusheyaan ekaa maak muyaam itaaspisuyin.’ Namui maak uhchii chistuu an naapeu.

Matthew 22:22

Iskutak maak anichii kaa pechi itishahwaakanuutwaau piyehtawaatwaau uyuu e itikutwaau, naashch chii miskaateyihtamihiikuuch taan kaa ishi nishkweushihiikutwaau, kaa nakataatwaau ekw kaa ati chistuhtetwaau.

Matthew 22:34

Iskutak maak anichii Phariseech piyehtahkwaau e chii chiputunehwaayich Jesus aniyuu Sadduceeh, ekw kaa nishtuwiitwaau maamuu kaa nituwaapamaatwaau Jesus.

Matthew 8:10

Iskutak maak Jesus piyehtawaat uyuu e itweyich naashch taapwe chii miskaateyihtamihiikuu utaapwehtamuwiniyuu. Ekw kaa itaat aniyuu aweyuuh kaa wiicheukut, “Aat maak ekaa Jewa itiskaanesit uu naapeu eshkw namui nuuhchi waapamaau Jewa e itiskaanesit awen utah Israelihch chechii ishpish suuhchitaapwehtahk.

Luke 11:54

e wii naanituu kuchihaatwaau chekwaayuu chechii wanitweyich chechii uhchi mamishimaatwaau.

Luke 13:17

Ekw maak misiwe aniyuu kaa aanuweyimikut e chii miinuwaachihaat aniyuu iskweu mekwaach e ayimiheuchiishikaayich naashch taapwe chii pimaameyimuyuuh. Ekw anichii kutakach iinuuch chii miyeyihtamuch misiwe aniyuu kaa ishi maamishkaachihtuutamiyich Jesus.

Luke 20:20

Ekw mikw kaa naanaakachihtaatwaau che ishpish miyupayich chechii maakunaatwaau. Chii itishahweuch maak naapeuh anite Jesus e ihtaayich memehch chechii ishi kakwechimaatwaau, e wii naanituu pisiiwiyaatwaau chechii itweyich chekwaayuu chechii uhchi maakunaatwaau. Ekw maak chii maakunaatwaawenich ekw anite chipaa ituhtaheuch Rome chisheuchimaau e ihtaayich, aniyuu chipaa wiyaaskunikuyuu.

Romans 3:19

Chichischeyihtenaanuu anichii kaa miyaakanuutwaau uyuu wiishuwewiniyuu chipaa nanihiihtamuch misiwe taan e itashuwemakaniyich. Eukw maak uu che uhchi ekaa mitun chii itwet awen ekaa uhchi chischeyihtahk e chii machituutahk kaye maak ekun wehchi misiwe awen utah aschiihch ishinaakuniyich chechii wiyaaskunikut Chishemanituuh.

Titus 1:10

Wesh mihchetuuch awenichii ekaa wii nanihiihtamuwaatwaau Chishemanituu utayimuwiniyuu kaye wiyeshimeuch kutak aweyuu nitamukw e ishi ayimitwaau. Etituu maak iteyihtaakusuuch anichii kaa itwetwaau misiwe awen kaa taapwehtahk chipaa nanihiihtam wiishuwewiniyuu.