Luke 20:16 - Chishemanituu Utayimuwin: Kaa Uskaach Testament

¹⁶ “Kiipaa che chiiwet an uchimaau che nipahaat aniyuuh naapeu ekw che miyaat kutak aweyuu chechii naanaakachihtaayich aniyuu nihtaauchihchikanh.” Iskutak maak anichii iinuuch piyehtahkwaau uyuu, chii iteuch, “Kamaa ekaa wiiskaat chii ispayihch uu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᑮᐹ ᒉ ᒌᐌᑦ ᐊᓐ ᐅᒋᒫᐤ ᒉ ᓂᐸᐦᐋᑦ ᐊᓂᔫᐦ ᓈᐯᐤ ᐁᒄ ᒉ ᒥᔮᑦ ᑯᑕᒃ ᐊᐌᔫ ᒉᒌ ᓈᓈᑲᒋᐦᑖᔨᒡ ᐊᓂᔫ ᓂᐦᑖᐅᒋᐦᒋᑲᓐᐦ᙮ ᐃᔅᑯᑕᒃ ᒫᒃ ᐊᓂᒌ ᐄᓅᒡ ᐱᔦᐦᑕᐦᒀᐤ ᐅᔫ, ᒌ ᐃᑌᐅᒡ, ᑲᒫ ᐁᑳ ᐐᔅᑳᑦ ᒌ ᐃᔅᐸᔨᐦᒡ ᐆ᙮

Luke 20:16 Iomraidhean Croise

Matthew 21:34

Iskutak maak wetihchipayiyich che maamuushtinikanuuyikwaau aniyuuh miinisha anit mistikuhch kaa nihtaauchihkwaau chii itishahweu utaapachihaakanh chechii nituwaapamaatwaau aniyuuh kaa naanaakachihtaayitwaau aniyuu utaschii chechii miikut wiya taan chipaa ishi ayaau.

Matthew 21:41

Ekw kaa itikut aniyuu kaa tipaachimushtuwaat iinuu, “Takushihke an uchimaau chika nipaheu aniyuuh machi aapachihaakanh ekw che miyaat kutak aweyuu chechii naanaakachihtaayich aniyuu unihtaauchihchikan aschii, eukw maak uyuuh che miikut wiya taan e ishi tipiyeusiit iskutak chiishi nihtaauchiniikwaawenh aniyuu unihtaauchihchikan.”

Matthew 22:7

Iskutak maak an chisheuchimaau chescheyihtahk uyuu e chii ihtinaanuyich chii mistachishuwaasuu. Ekw kaa itishahwaat ushimaakanishim chechii nituu nipahaayich aniyuu kaa nipahaayich utaapachihaakan ekw kaye kaa ati ishkwaasamuwaat aniyuu utihtaawiniyuu.

Mark 12:9

“Taan maak che ihtit an kaa tipiyeusiit uyuu nihtaauchihchikan aschiiyuu. Kata nituwaapameu aniyuuh kaa naanaakachihtaayich uyuu utaschii ekw che nipahaat. Kutak aweyuuh che miyaat uyuu utaschii che naanaakachihtaayich.

Luke 19:27

Ekw maak peshuwaahkuch anichii kaa uhkaasitwaau anichii ekaa kaa nituweyimitwaau chechii chisheuchimaauch, chechii nipahaakanuutwaau utah e ihtaauch.’ ” Eukw uyuu chischinuhamaacheu tipaachimuwiniyuu Jesus kaa wiihtahk mekwaach e ati pimuhtetwaau Jerusalemihch ishi.

Luke 20:15

Ekw maak kaa wiiwiitishinaatwaau anit uhchi shuuminaahtikw nihtaauchihchikan aschiihch kaa nituu nipahaatwaau.” Ekw Jesus kaa kakwechimaat aniyuuh kaa tipaachimushtuwaat, “Taan maak che ihtuutawaat an uchimaau aniyuu kaa naanaakachihtaayich unihtaauchihchikanh.”

ᐊᐸᔅᑕᓚᒡ 13:46

Mikw maak Paul ekw maak Barnabas aahch chii suuhcheyimuuch e itwetwaau, “Chishemanituu nichii nituweyimikunaan chiyawaau Jewa iinuuch niishtam chechii wiihtamaataahch utayimuwin. Mikw maak e aanuwehtamekw ekut wehchi nuukuhch ekaa tepicheyihtaakusiyekw chechii ayaayekw kaachiche pimaatisiiwin. Ekw maak che nakatitaahch, che nituu wiihtamuwachihtwaau Chishemanituu utayimuwiniyuu anichii ekaa Jewa kaa itiskaanesitwaau.

Romans 11:1

Miin kutach chekwaan niwii kakwechihcheyimun. Chii wepineu aa Chishemanituu utiiniim. Namui kiipaa uhchi wepineu. Israel iinuu kaye niya. Abraham e ihtaat nichii uhchi aanische pimaatisiin. Benjamin kaa ishinihkaasutwaau upeyakuteusiyuuch ekut wehchiyaan.

Romans 11:11

Miin kutach chekwaan niwii kakwechihchemun. Iskutak kaa aataweyimaatwaau Chishemanituuh anichii Jewa kaa itiskaanesitwaau, chii naaspich pahchishinuuch aa aniyuu kaa pahchishihkwaau. Namui uhchi naaspich pahchishinuuch. Aniyuu e aataweyimaatwaau Chishemanituuh ekut kaa uhchi nihiipayihtaayich chechii pimaachihaayich aniyuuh ekaa Jewa kaa itiskaanesiyich. Chii pimaachiheyuuh maak aniyuu ekaa Jewa kaa itiskaanesiyich chechii uhteyihtahkwaau anichii Jewa kaa itiskaanesitwaau.

Romans 3:31

Ekw aa maak wiyepinamuhkw wiishuwewin e itweyihkw mikw e taapweyimaat awen Jesus e uhchi kuiskunaakuhaakanuut Chishemanituu ishi e ihtaayich. Namui kiipaa. Teyakuch chichiihkaayeyihtaakuhtaanaanuu taan chihchiwe e itaapatahch an wiishuwewin.

Romans 3:4

Namui kiipaa, namui mitun chika chii ishinaakuniyuu ekaa maamuyaam chechii ihtit Chishemanituu. Taapweu wiya Chishemanituu aat misiwe awen e nanatayit. Itashteu Chishemanituu utayimuwinihch wiya Chishemanituu e aayimuumaakanuut, Ayimiine misiwe awen chika chischeyihtam e taapweyin. Ekw maak mamishimikuyine e itikuyin e machituutaman chika nuukun taapwe ekaa uhchi ihtuutaman taan e ishi mamishimikuyin.

Romans 3:6

Namui maak mechim uu chipaa uhchi ishi ayiminaanuu. Ekaa waweshihaate Chishemanituu aweyuu e machituutamiyich katachii aa wiyaaskunam uyuu aschiiyuu.

Romans 6:15

Taan maak chechii ihtiihkw. Yaapach aa chika machituutenaanuu wii machituutamuhkwe e chischeyihtamuhkw ekaa wiishuwewin tipeyimikuyihkw, teyakuch Chishemanituu ushaweyihchichewinihch e ishi kanuweyihtaakusiihkw. Namui kiipaa ishinaakun uu chechii ihtiihkw.

Romans 6:2

Namui chika chii ishinaakun uu. Namui mechim chipaa uhchi ishi maamituneyihtam awen. Chipaa ishi kanawaapamisunaanuu mwehch e chii nipistamuhkw taan kaa ishi tipeyimikuyihkw machihtwaawin. Namui ekw machihtwaawinihch chipaa uhchi ishi pimaatisiinaanuu.

Romans 7:13

Euhaa maak e ishinaakuhch an kaa miywaashich nipuwinihch chechii ituhtahiikuyaan. Namui kiipaa. Machihtwaawin eukw nipuwinihch kaa ituhtahiikuyaan. An chekwaan e miywaashich ekut kaa uhtaapachihuumakahch machihtwaawin nipuwinihch chechii ituhtahiikuyaan. Ekut maak kaa uhchi nuukuhtaakanuuhch taan nihaau e iteyihtaakuhch machihtwaawin. Wiishuwewinihch ekut kaa uhchi nuukuhtaakanuuhch taan e ishpish etituu maayaatahch machihtwaawin.

Romans 7:7

Itwet aahch awen, maayaatanuuche an wiishuwewin wesh ekut kaa uhchipayihch aahch chechii machituutamaan. Mwaau nipaa ishi nishkweushihaau uu awen, taapaa namayeu an wiishuwewin kaa ihtuutaakuyaan chechii machituutamaan. Mikw maak ekut kaa uhchi chischeyihtamaan taapwe e machituutamaan anite uhchi taan e itashuwemakahch an wiishuwewin. Mwehch anit an kaa itashtech, “Ekaawii machi mushteneyihche,” ekut kaa uhchi chischeyihtamaan e machituutamaan e machi mushteneyihcheyaan.

Romans 9:14

Taan maak che itweyihkw, chika chii itwenaanuu aa ekaa maamuyaam ihtit Chishemanituu. Namui kiipaa.

1 Corinthians 6:15

Namui aa chichischeyihtenaawaau uyuuh chiiyuunuuh Christ e ihtaat e ishi tipeyihtaakuhkwaauh. Eukw uu che uhchi ekaa wiiskaat aapachihtaayaan niyuu chechii wiihpemak ishkwesh kaa chiishiihkuwaakanuut e wiihpemaakanuut.

Galatians 2:17

Mekwaach kaa naanituweyihtamaahch taanite chechii uhchi naniheyihtamihiichiht Chishemanituu, iskutak tiyaapweyimachiht Christ, ekut kaa uhchi chischeyihtamaahch kaye niyaan e machaatisiyaahch muyaam taan e ishi machaatisiitwaau anichii ekaa Jewa kaa itiskaanesitwaau. Christ aa maak ihtuutuweu aweyuu chechii machaatisiyich. Namui kiipaa.

Galatians 3:21

Aahchiiuh aa maak itwemakanh aniyuu Jewa ayimiheu wiishuwewinh taan kaa itwet Chishemanituu che ihtit iskutak kaa wiihtahk che ishi niskumut. Namui mitun aahchiiuh itwemakanh. Chiishpin e ihtakunuwaakupanenh wiishuwewinh anit chechii uhchi pimaachihutwaau awenichii kiipaa ukuiskutaatisiiu chipaa ishi kanawaapameu Chishemanituu aniyuuh aweyuuh kaa nanihiihtamiyich aniyuuh wiishuwewinh.

Galatians 6:14

Niya maak wii mikw peyakw chekwaan nimaamihchihiikun, eukw Utipeyihchikeu Jesus Christ utaashiteyaahtikum. Wesh aniyuu taan kaa ihtit Christ aashiteyaahtikuhch eukw wehchi ekaa aapateyihtamihiikuyaan aniyuuh chekwaayuuh anichii ekaa kaa taapweucheyimaatwaau Jesus naashch chihchiwe kaa iteyihtamihiikutwaau. Kaye wiyawaau maak namui mitun aapateyihtamuch aniyuuh chekwaayuuh naashch chihchiwe kaa iteyihtamihiikuuch.