Luke 2:49 - Chishemanituu Utayimuwin: Kaa Uskaach Testament

⁴⁹ Ekw Jesus kaa itaat, “Chekwaan wehchi naanituweyimiyekw. Namui aa chichischeyihtenaawaau ekut nipaa ihtaan utah Nuuhtaawii wiichihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁹ ᐁᒄ ᒌᓴᔅ ᑳ ᐃᑖᑦ, ᒉᒀᓐ ᐌᐦᒋ ᓈᓂᑐᐌᔨᒥᔦᒄ᙮ ᓇᒧᐃ ᐋ ᒋᒋᔅᒉᔨᐦᑌᓈᐙᐤ ᐁᑯᑦ ᓂᐹ ᐃᐦᑖᓐ ᐅᑕᐦ ᓅᐦᑖᐐ ᐐᒋᐦᒡ᙮

Luke 2:49 Iomraidhean Croise

Matthew 21:12

Ekw Jesus kaa piihchet chisheayimiheukamikuyuu. Chii waapameu maak aniyuu kaa ataaweyitwaau kaye aniyuu kaa utinaasuyitwaau anite piihtakamihch, ekw kaa wiiwiitishihwaat. Chii kwetapuwepinamuweu maak umiichisuunaahtikuyuu aniyuu kaa miiskutuunaayich shuuliyaanaapiskwa kaye utehtapuuniyuuh chii kwetapuwepinamuweu aniyuu kaa aataaweyitwaauh piyeshiisha.

Luke 2:48

Aniyuuh maak uniichihiikw kaa waapamikut chii kushkupayuu anite e miskaakut. Aniyuu maak ukaawii chii itikuu, “Nikus, chekwaan wehchi naashch aayimeyihtamihiyaahch, pisikw chichii naanituweyimitinaan kuuhtaawii e niishiyaahch.”

John 4:34

Jesus kaa itaat, “Chechii ihtuutamuch utiteyihtamuwin an kaa pechi itishahuut kaye chechii chiishihtaauch aniyuu kaa ishi nituweyimit chechii ihtuutamuch eukun an mwehch nimiichim e iteyihtamaan.

John 5:17

Ekw kaa itikutwaau Jesus, “Nuuhtaawii muush miyutuutam aat e ayimiheuchiishikaayich, kaye niya maak ekun che wii ihtiyaan.”

John 5:36

Chii taapweu John taan kaa itaachimit, mikw maak niya taan e ishi maamishkaach ihtiyaan wetaach chiihkanaakuniyuu nuuhtaawii e chii pechi itishahuut. Wesh Nuuhtaawii nichii miikw suuhkaatisiiwiniyuu chechii maamishkaach ihtuuch chechii uhchi chischeyimakuyaan niya e aawiyaan Christ, wiya Nuuhtaawii e chii pechi itishahut.

John 6:38

Wesh nichii takushin kihchikiishikuhch e uhtuhteyaan chechii ihtuutamuch Chishemanituu utiteyihtamuwin, an kaa pechi itishahuut. Namui nuuhchi takushin utah aschiihch mikw niya nititeyihtamuwin chechii ihtuutamaan.

John 8:29

An maak kaa pechi itishahuut, niwiicheukw, namui nuuhchi nikatikw mikw chechii peyakushuuch wesh muush nitutamuwaan wiya taan e ishi naheyihtamihiikut.”

John 9:4

Chipaa atushkuwaanuu an kaa pechi itishahuut mekwaach e chiishikaach wesh shaash wiipach kata tipiskaau. Taapaa aapatisinaanuu e tipiskaach.