Luke 2:40 - Chishemanituu Utayimuwin: Kaa Uskaach Testament

⁴⁰ Jesus maak chii ati miyu nihtaauchuu kaye chii mista kachehtaaweyihtam. Naashch maak chii shaweyimikuu Chishemanituu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁰ ᒌᓴᔅ ᒫᒃ ᒌ ᐊᑎ ᒥᔪ ᓂᐦᑖᐅᒎ ᑲᔦ ᒌ ᒥᔅᑕ ᑲᒉᐦᑖᐌᔨᐦᑕᒻ᙮ ᓈᔥᒡ ᒫᒃ ᒌ ᔕᐌᔨᒥᑰ ᒋᔐᒪᓂᑑ᙮

Luke 2:40 Iomraidhean Croise

Luke 1:80

Uu maak awaash John chii ati suuhchinihtaauchuu wiiyuuhch kaye utahchaahkuhch. Ekw maak iskutak kaa chiishi nihtaauchit ekw muush pahkaan kaa wiichit, paatish wetihchipayiyich che kacheschimaat Israel iinuu. Anite maak chii papaa ihtaau pakwaatiskamikaahch anite ekaa nihtaauchiniyich chekwaayuu.

Luke 2:47

Misiwe maak aweyuu kaa pehtaakut naashch chii maamishkaateyihtamihiikuyuu ukachehtaaweyihtamuwin kaye aniyuu naashch e kaschihut e ishi nishkweushihtwaat chekwaayuu e kakwechimaakanuut.

Luke 2:52

Jesus maak chii ati nihtaauchuu eyuu wetaach chii ati kachehtaaweyihtam. Naashch maak chii naheyihtamiyuu Chishemanituu kaye iinuuh, aniyuu taan kaa ishi pimaatisiit.

John 1:14

An maak Ayimuwin iinuu chii ishinaakuhaakanuu. An kaa saakaschineshkaakut chishewaatisiiwiniyuu kaye taapwewiniyuu, chichii wiichimikunuu utah aschiihch. Chichii waapamaanuu maak e chisteyihtaakusit mwehch e ishpish chisteyihtaakusiyich Chishemanituuh aniyuuh Uhtaawiih wesh wiya mikw peyakushuu e Ukusiitutaakut Chishemanituu.

ᐊᐸᔅᑕᓚᒡ 4:33

Chii suuhchihtaakusuuch kaye chii mista miyuuhtaakusuuch anichii apastalach e waawiihtahkwaau Utipeyihchikeu Jesus kaau kaa wanishkaayich nipuwinihch uhchi, ekw maak Chishemanituu chii mista shaweyimikuuch misiwe e tashitwaau.

Ephesians 6:10

Eukw maahchishtai che ititakuch chekwaan, niichishaanitikw. Anite Utipeyihchikeu usuuhkaatisiiwinihch kaye umaskuusiiwinihch ekute wii ishi yaaichikaapuukw.

2 Timothy 2:1

Chiya, nikusihkaatimaawin Timothy, suuhk wii suuhkaatisiih Christ Jesus uchishewaatisiiwinihch uhchi.