Luke 2:4 - Chishemanituu Utayimuwin: Kaa Uskaach Testament

⁴ Joseph maak anite chii uhchi chistuhteu Nazareth kaa ishinihkaateyich ihtaawiniyuu anite Galilee aschiihch kaa ihtakuniyich, Bethlehemihch kaa ituhtet, anite Judea aschiihch. Wesh eukw uyuu ihtaawiniyuu ekute kaa pimaatisiikupanen aniyaa utaanische umushuum chisheuchimaau David kaa ishinihkaasuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᒞᓴᕝ ᒫᒃ ᐊᓂᑌ ᒌ ᐅᐦᒋ ᒋᔅᑐᐦᑌᐤ ᓈᓴᕆᑦ ᑳ ᐃᔑᓂᐦᑳᑌᔨᒡ ᐃᐦᑖᐎᓂᔫ ᐊᓂᑌ ᑲᓕᓖ ᐊᔅᒌᐦᒡ ᑳ ᐃᐦᑕᑯᓂᔨᒡ, ᐯᑦᓖᐦᐁᒥᐦᒡ ᑳ ᐃᑐᐦᑌᑦ, ᐊᓂᑌ ᒎᑎᔭ ᐊᔅᒌᐦᒡ᙮ ᐌᔥ ᐁᐅᒄ ᐅᔫ ᐃᐦᑖᐎᓂᔫ ᐁᑯᑌ ᑳ ᐱᒫᑎᓰᑯᐸᓀᓐ ᐊᓂᔮ ᐅᑖᓂᔅᒉ ᐅᒧᔔᒻ ᒋᔐᐅᒋᒫᐤ ᑌᐱᑦ ᑳ ᐃᔑᓂᐦᑳᓱᔨᒡ᙮

Luke 2:4 Iomraidhean Croise

Matthew 1:20

Mekwaach uyuu e maamituneyihtahk, iskutak maak nepaat, Utipeyihchikeu utenichilamiyuuh chii nuukushiishtaakuu upuwaamuwinihch e itikut, “Joseph, chiya aniyaa David aanische ukusisa, ekaawii kushtaach chechii wiichimat Mary wesh Kaa payehchisiyich Ahchaahkwa chii ihtuutaakuu chechii ayaawaat aniyuu awaasha.

Matthew 2:23

Ekw anite Nazareth kaa ishinihkaateyich ihtaawiniyuu ekute kaa wiichitwaau. Ekw maak kaa taapwemakaniyich weskach taan kaa itwetwaau aniyehkaanaanich uchischiwehiichesuuch kaa itwetwaau, “Nazareth kaa uhchiit chika ishinihkaataakanuu.”

Luke 2:3

Misiwe maak awenichii chii ituhteuch anite utihtaawiniwaahch taanite kaa pimaatisiyich uniichihiikuwaau kaye maak uwaahkumaakanawaau chechii masinahwaakanuutwaau.

Luke 2:5

Joseph maak chii wiicheukuu Mary aniyuu che wiichiskweut, chechii masinahwaakanuutwaau. Mekwaach maak chii kanuweyimaausuu Mary.

Luke 4:16

Ekw Jesus kaa utihtahk aniyuu ihtaawiniyuu Nazareth kaa ishinihkaateyich anit kaa nihtaauchinaakanuut. Aniyuu maak Jewa ayimiheukamikuyuu kaa chii ituhtet maan e Jewa ayimiheuchiishikaayich, ekute kaa piihchet. Chii pisikuu chechii ayimihtaat masinahiikaniyuu.

John 1:46

Ekw Nathanael kaa itaat, “Chika chii uhchiyuu aa awen e chisteyihtaakusit anite Nazareth.” Ekw Philip kaa itaat, “Aashtam pechi nituwaapam.”

John 7:42

Itashteu Chishemanituu utayimuwinihch, ‘Anite David e ihtaayich chika uhchi aanische pimaatisiyuu an Christ, anite maak Bethlehemihch aniyaanaa David kaa uhchiit ekute chipaa pimaatisiyuu.’ ”