Luke 2:35 - Chishemanituu Utayimuwin: Kaa Uskaach Testament

³⁵ Ekut maak che nuukuniyich taan nihaau e ishinaakuniyikwaauh utaapwehtamuwinawaau awenichii. Ekw maak chiya Mary, mistahii chika misimeyihtamihiikuun che ihtuutawaakanuut, muyaam muuhkumaan e tahkamikuyin chitahchaahkuhch chika itamahchihun.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁵ ᐁᑯᑦ ᒫᒃ ᒉ ᓅᑯᓂᔨᒡ ᑖᓐ ᓂᐦᐋᐤ ᐁ ᐃᔑᓈᑯᓂᔨᒀᐤᐦ ᐅᑖᐺᐦᑕᒧᐎᓇᐙᐤ ᐊᐌᓂᒌ᙮ ᐁᒄ ᒫᒃ ᒋᔭ ᒣᕇ, ᒥᔅᑕᐦᐄ ᒋᑲ ᒥᓯᒣᔨᐦᑕᒥᐦᐄᑰᓐ ᒉ ᐃᐦᑑᑕᐙᑲᓅᑦ, ᒧᔮᒻ ᒨᐦᑯᒫᓐ ᐁ ᑕᐦᑲᒥᑯᔨᓐ ᒋᑕᐦᒑᐦᑯᐦᒡ ᒋᑲ ᐃᑕᒪᐦᒋᐦᐅᓐ᙮

Luke 2:35 Iomraidhean Croise

Luke 2:34

Ekw an chisheinuu Simeon misiwe kaa shaweyimaat ekw kaa itaat aniyuu Mary, Jesus ukaawiyuu, “Uu awaash chii wiyaapamikuu Chishemanituu, chika ihtuutaweu aniyuu Israel iinuuh chechii pahchishiniyich ekw aniyuuh kaa taapweyimikut kata uhpakaapuuheu. Uu awaash chika waapahtiiweu Chishemanituu upimaachihiikusiiwiniyuu mikw maak mihchetu aweyuu chika nishkuushihtaakuu.

Luke 2:36

Chii ihtaau anit ayimiheukamikuhch chisheishkwesh Anna e ishinihkaasut e chii uchischiwehiichesuut. Phanuel chii ishinihkaasuyuuh uhtaawii, Asher kaa itiskaanesiyich ekut kaa uhchiyich. Shaash maak naashch chii chisheishkweshuu Anna. Yaanaanemitanuu neu chii tahtupuneshuu. Mikw niishwaashch pipunh chii wiichimituyichenich uwiichimaakan ekw kaa puunipimaatisiyich. Namui maak miin uhchi unaapemuu.

John 19:25

Jesus maak ukaawii peshuch chii niipuuyuu anit Jesus utaashiteyaahtikumiihch kaye ukaawii wiichishaaniskwemiyuu ekut kaa niipuyich ekw maak Mary, Clopas wiichiskweu ekw maak Mary Magdalene.

1 Corinthians 11:19

Yaaitei puut nituweyihtaakuniyiche chechii ihtakuhch pahkaanipayihuwin yaakw chechii nisituunaakusitwaau taan anichii tiyaapwetwaau Chishemanituu ishi e ihtaayich.

1 John 2:19

Uchii maak awenichii namui chihchiwe chuuhchi wiicheukunuuch eukw maak uyuu wehchii nakatitahkwaau. Wesh taapwe chii wiicheutahkwaau eshkw chipaa wiicheukunuuch. Aniyuu maak kaa nakatitahkwaau ekut kaa uhchi miyu chischeyihtaakuniyich ekaa chihchiwe uhchi wiicheutahkwaau.