Luke 2:27 - Chishemanituu Utayimuwin: Kaa Uskaach Testament

²⁷ Kaa payehchisiyich Ahchaahkwa maak chii ati chischinuhtahiikuu Simeon chechii piihchet anite chisheayimiheukamikuhch. Jesus maak uniichihiikw chii peshiikuu anite aniyuu chisheayimiheukamikuyuu. Wesh chii wii ihtuutamuch taan kaa ishi wiishteyich ayimihewin wiishuweusinahiikanihch an chipaa ihtuutaakanuukupane.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᑳ ᐸᔦᐦᒋᓯᔨᒡ ᐊᐦᒑᐦᑾ ᒫᒃ ᒌ ᐊᑎ ᒋᔅᒋᓄᐦᑕᐦᐄᑰ ᓯᒥᔭᓐ ᒉᒌ ᐲᐦᒉᑦ ᐊᓂᑌ ᒋᔐᐊᔨᒥᐦᐁᐅᑲᒥᑯᐦᒡ᙮ ᒌᓴᔅ ᒫᒃ ᐅᓃᒋᐦᐄᒄ ᒌ ᐯᔒᑰ ᐊᓂᑌ ᐊᓂᔫ ᒋᔐᐊᔨᒥᐦᐁᐅᑲᒥᑯᔫ᙮ ᐌᔥ ᒌ ᐐ ᐃᐦᑑᑕᒧᒡ ᑖᓐ ᑳ ᐃᔑ ᐐᔥᑌᔨᒡ ᐊᔨᒥᐦᐁᐎᓐ ᐐᔓᐌᐅᓯᓇᐦᐄᑲᓂᐦᒡ ᐊᓐ ᒋᐹ ᐃᐦᑑᑖᑲᓅᑯᐸᓀ᙮

Luke 2:27 Iomraidhean Croise

Matthew 4:1

Ekw Kaa payehchisiyich Ahchaahkwa kaa ituhtahiikut Jesus anite pakwaatiskamikaahch chechii kakwechihiikuyich machimanituu.

Luke 2:22

Iskutak maak wetihchipayiyich chechii payehchihaakanuyich Jesus uniichihiikw, anite Jerusalemihch chii ituhteuch wesh eukw uyuu kaa ishi wiishtaayich Moses anite ayimihewin wiishuweusinahiikanihch che ihtinaanuyikupane. Kaye chii peshuweuch Jesus anite chisheayimiheukamikuhch, Utipeyihchikeu e ihtaayich chechii ishi chischinuwaachishwaakanuwiyich.

Luke 2:28

Simeon maak chii utineu aniyuu awaasha kaa tahkunaat ekw kaa maamihchimaat Chishemanituu, e itwet,

Luke 2:41

Eshikum pipunh Jesus uniichihiikuh chii ituhteyuuh Jerusalemihch iskutak wetihchipayihch miyaaskaacheu makushewin kaa ishinihkaateyich.

Luke 2:48

Aniyuuh maak uniichihiikw kaa waapamikut chii kushkupayuu anite e miskaakut. Aniyuu maak ukaawii chii itikuu, “Nikus, chekwaan wehchi naashch aayimeyihtamihiyaahch, pisikw chichii naanituweyimitinaan kuuhtaawii e niishiyaahch.”

Luke 2:51

Ekw kaa wiichewaat e chiiweyich anite Nazareth, chii pishichiheu maak chekwaayuu e itashumikut. Ukaawii maak chii kanuweyihtamiyuu utehiihch misiwe taan kaa ispayiyich.

Luke 4:1

Anite maak Jesus kaa uhtuhtet Jordan siipiihch, chii saakaschineshkaakuu Kaa payehchisiyich Ahchaahkw, ekw kaa ituhtahiikut anite pakwaatiskamikaahch.

ᐊᐸᔅᑕᓚᒡ 10:19

Peter maak eshkw mekwaach chii maamituneyihtam taan chipaa chii ishi wiihtamaachemakaniyich aniyuu kaa waapahtiyaakanuut. Ekw kaa itikut Kaa payehchisiyich Ahchaahkwa, “Nituhta maa, nishtuuch utah naapeuch e pechi naanituweyimiskwaau.

ᐊᐸᔅᑕᓚᒡ 11:12

Kaa payehchisiit Ahchaahkw nichii itikw chechii wiicheumach uyuu naapeu kaye ekaa chechii nakaawiyaan chechii wiicheukwaau mikw aniyuu uhchi ekaa Jewa itiskaanesitwaau. Ekw maak kaa wiicheukwaau. Kaye maak kaye uchii kutwaashch kutakach chiichishaanuuch kaa taapwehtahkwaau Joppahch kaa uhchiitwaau nichii wiicheukuch anite Caesareahch e ituhteuch. Misiwe maak nichii piihchenaan anite Cornelius wiichihch.

ᐊᐸᔅᑕᓚᒡ 16:7

Iskutak wetihtahkwaau Mysia aschiiyuu, chii wii piihcheuch Bithynia aschiihch mikw maak Jesus Utahchaahkuyuu chii nakaanikuuch chechii ituhtetwaau anite.

ᐊᐸᔅᑕᓚᒡ 8:29

Ekw maak Kaa payehchisiyich Ahchaahkw kaa itaat aniyuu Philip, “Peshuch naash an tihtipitaapaanaaskuhch kaa pimipayit.”

Galatians 4:4

Iskutak maak taapwe wetihchipayiyich anit kaa iteyihtamikupane Chishemanituu chechii pechi itishahwaat Ukusisa, chii pechi itishahweu utah aschiihch. Iskweu e ihtaayich chii uhchi pimaatisiyuu. Jewa chii itiskaanesuu ekw maak kaa nituweyihtaakusit chechii nanihiihtahk Jewa ayimiheu wiishuwewinh.

Revelation 1:10

Peyakwaau maak e ayimiheuchiishikaach, Kaa payehchisiit Ahchaahkw nichii saakaschineshkaakw. Anite maak nispiskunihch nichii uhchi pehten pehtaakusuwin e chishewet awen e ayimit. Muyaam puutaachikan e ishpish chishewemakahch ekun kaa ishpish chishewet e ayimit.

Revelation 17:3

Ekw Kaa payehchisiit Ahchaahkw kaa pechi piihchishkuut. Ekw an enchil anite pakwaatiskamikaahch kaa pechi ituhtahiit. Nichii waapamaau maak anite iskweu e tehtapit machi aweshiisa e mihkusiyich. Uu maak machi awesiis ishinihkaasuwiniyuu e maayeyimikuyich Chishemanituuh chii masinaateyuuh anit e ihtaat. Niishwaashch chii tahtiniyuu ustikwaan. Chii mitaahtashiyuuh uteskanh.