Luke 2:26 - Chishemanituu Utayimuwin: Kaa Uskaach Testament

²⁶ Chii itikuukupane maak kaa payehchisiyich ahchaahkwa ekaa che uhchi nipit paatish chii waapamaate uyeyuu Chishemanituu kaa pechi itishahwaayich, aniyuu kaa wiyaapamaat Utipeyihchikeu, Christ che itapiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁶ ᒌ ᐃᑎᑰᑯᐸᓀ ᒫᒃ ᑳ ᐸᔦᐦᒋᓯᔨᒡ ᐊᐦᒑᐦᑾ ᐁᑳ ᒉ ᐅᐦᒋ ᓂᐱᑦ ᐹᑎᔥ ᒌ ᐙᐸᒫᑌ ᐅᔦᔫ ᒋᔐᒪᓂᑑ ᑳ ᐯᒋ ᐃᑎᔕᐦᐙᔨᒡ, ᐊᓂᔫ ᑳ ᐎᔮᐸᒫᑦ ᐅᑎᐯᔨᐦᒋᑫᐤ, ᙭ ᒉ ᐃᑕᐱᔨᒡ᙮

Luke 2:26 Iomraidhean Croise

Matthew 2:12

Iskutak maak che chiiwetwaau namui anite Jerusalemihch itehche uhchi ishi chiiweuch chechii nituu wiihtamuwaatwaau Herod taanite e ihtaayich aniyuu awaasha. Wesh Chishemanituu chii ayaakwaamimikuuch upuwaamuwiniwaahch ekaa chechii kaau nituwaapamaatwaau Herod ekw maak aahchiiuh kaa ishi chiiwetwaau.

Luke 2:29

“Utipeyihchikeu, chichii ihtuuten taan e itashtech chitayimuwinihch ekw maak pachishtin uu chitaapachihaakan chiyaam chechii ishi nipit.

Luke 9:27

Chihchiwe chititinaawaau, taapwe e ihtaatwaau utah awenichii che waapahtahkwaau Chishemanituu uchisheuchimaawiniyuu mekwaach eshkw e pimaatisiitwaau utah aschiihch.”

John 1:41

Tiiwehch maak Andrew chii nituu naanituweyimeu aniyuu wiichishaanh Simon ekw kaa itaat, “Nichii miskuwaanaan aahchin Messiah.” Messiah e iinaanuuhch Christ iinaanuu e itweshtamuwaataakanuuhch.

John 20:31

Eukw uyuuh kaa masinahiikanuukwaau chechii taapwehtamekw eukw uyuuh Jesus Chishemanituu Ukusisa ekw maak taapweyimekwen che ayaayekw pimaatisiiwin.

John 4:29

“Aashtamukw. Che waapamekw an naapeu kaa pechi wiihtamuut misiwe taan kaa ihtuuch. Namayeu kaakaye eukuu Christ aniyuu chipaa pechi itishahweu Chishemanituu.”

John 8:51

Kuiskw chiwiihtamaatinaawaau, an awen che nanihiihtamukwe taan e iteuch namui wiiskaat kata uhchi nipuu.”

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 17:3

E itashteyich yaaitei e chii nituweyihtaakusiyich chechii nanehkachihaakanuyich Christ, kaye kaau chechii wanishkaayich nipuwinihch uhchi. Chii iteu maak aniyuu iinuuh, “Uu Jesus kaa aayimuumak, eukw uu Christ, Chishemanituu kaa pechi itishahukut.”

ᐊᐸᔅᑕᓚᒡ 2:36

Kaa ati itwet miin Peter, “Misiwe chiyawaau iinuuch utah Israelihch chika cheshtinaahunaawaau uu Jesus kaa chiistaaskuhwekw aashiteyaahtikuhch eukw uyuu Chishemanituu kaa wiyaapamaat chechii utipeyihchichewiyich kaye Christ chechii itapiyich.”

ᐊᐸᔅᑕᓚᒡ 9:20

Tiiwehch maak chii ituhteu anite nanaahkuu Jewa ayimiheukamikuhch, e kacheskwet e itwet, “Jesus, eukw Chishemanituu Ukusisa.”

Hebrews 11:5

Miin kutak naapeu Enoch chii ishinihkaasuu, kaye wiya chii taapweyimeu Chishemanituu. Chii itaakanuu e chii nihiiwehaat Chishemanituu, wesh chii taapweyimeu Chishemanituu kaa ishpish pimaatisiit. Eukw maak uyuu wehchii utinikut Chishemanituu kihchikiishikuhch ishi. Namui uhchi nipuu Enoch. Sischikuuch namui uhchi ihtaau anite mekwesiinuu kaye namui uhchii miskaakuu aweyuu wesh Chishemanituu chii pechi utinikuu kihchikiishikuhch ishi.