Luke 2:15 - Chishemanituu Utayimuwin: Kaa Uskaach Testament

¹⁵ Iskutak maak anichii enchilich kaa uhpiskaatwaau kihchikiishikuhch ishi, anichii maanishchaanishuiinuuch chii itituuch, “Ituhtetaau Bethlehemihch, che waapahtamuhkw taan kaa ispayihch taan kaa ishi pechi wiihtamaatahkw Utipeyihchikeu utenchilam.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐃᔅᑯᑕᒃ ᒫᒃ ᐊᓂᒌ ᐁᓐᒋᓕᒡ ᑳ ᐅᐦᐱᔅᑳᑣᐤ ᑭᐦᒋᑮᔑᑯᐦᒡ ᐃᔑ, ᐊᓂᒌ ᒫᓂᔥᒑᓂᔓᐄᓅᒡ ᒌ ᐃᑎᑑᒡ, ᐃᑐᐦᑌᑖᐤ ᐯᑦᓖᐦᐁᒥᐦᒡ, ᒉ ᐙᐸᐦᑕᒧᐦᒄ ᑖᓐ ᑳ ᐃᔅᐸᔨᐦᒡ ᑖᓐ ᑳ ᐃᔑ ᐯᒋ ᐐᐦᑕᒫᑕᐦᒄ ᐅᑎᐯᔨᐦᒋᑫᐤ ᐅᑌᓐᒋᓚᒻ᙮

Luke 2:15 Iomraidhean Croise

Matthew 12:42

Iskutak maak wiyaaskunicheu chiishikaau utihchipayihche, aniyaa chisheuchimaaskweu shaawinuutaahch kaa tipeyihchichekupane chika uhchi pisikuu che nishuuwanaachimaat aniyuu aweyuuh anuhchiish kaa pimaatisiitwaau. Wesh wiya naashch taapwe waahyuu chii uhtuhteu mikw chechii nituu nituhtamuwaat aniyaa chisheuchimaau Solomon ukachehtaaweyihtamuwiniyuu. Ihtaau maak utah awen uste e iteyihtaakusit ishpishaat Solomon, namui maak aapatihtawaakanuu.”

Luke 2:14

“Chisteyimaahkw Chishemanituu maauch ishpimihch kaa ihtaat. Chika miyaakanuuch chiyaameyihtamuwiniyuu anichii kaa naniheyihtamihaatwaau Chishemanituu utah aschiihch.”

Luke 2:16

Chii wii chishipayuuch Bethlehemihch e ituhtetwaau, ekut maak kaa miskawaatwaau Mary ekw maak Joseph kaye aniyuu apishtawaasha. An maak apishtawaash chii pimishin anite uhkaanh kaa chii uhchi miichisuyitwaau.

Luke 24:51

Eshkw maak mekwaach e shaweyimaat ekut kaa uhchi nakataat, kihchikiishikuhch kaa ishi uhpiskaat.

1 Peter 3:22

Eukw uu Christ kihchikiishikuhch kaa ishi uhpiskaat kaye kaa waaweyipahiikut Chishemanituu unihiiwiniihch itehche anit maauch e chisteyihtaakuniyich chechii apit awen. Ekut maak kaa miyaakanuut chechii uchimaahkahtuwaat misiwe enchil kaye chechii tipeyihtahk misiwe kihchikiishikw tipeyihchewiniyuu kaye misiwe suuhkaatisiiwiniyuu.