Luke 2:14 - Chishemanituu Utayimuwin: Kaa Uskaach Testament

¹⁴ “Chisteyimaahkw Chishemanituu maauch ishpimihch kaa ihtaat. Chika miyaakanuuch chiyaameyihtamuwiniyuu anichii kaa naniheyihtamihaatwaau Chishemanituu utah aschiihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᒋᔅᑌᔨᒫᐦᒄ ᒋᔐᒪᓂᑑ ᒫᐅᒡ ᐃᔥᐱᒥᐦᒡ ᑳ ᐃᐦᑖᑦ᙮ ᒋᑲ ᒥᔮᑲᓅᒡ ᒋᔮᒣᔨᐦᑕᒧᐎᓂᔫ ᐊᓂᒌ ᑳ ᓇᓂᐦᐁᔨᐦᑕᒥᐦᐋᑣᐤ ᒋᔐᒪᓂᑑ ᐅᑕᐦ ᐊᔅᒌᐦᒡ᙮

Luke 2:14 Iomraidhean Croise

Matthew 21:9

Anichii maak iinuuch anite niikaanaanihch kaa pimuhtetwaau aniyuu Jesus e ihtaayich kaye anichii anite utaahch kaa pimuhtewaatwaau chii chihchi maamihchimeuch Chishemanituu e chishewetwaau e itwetwaau, “Chisteyihtaakuhaahkw an kaa ukusitutaakuut David, shaweyihtaakusuu uu kaa pechi itishahukut Utipeyihchikeuh. Maamihchimaataau Chishemanituu wiya maauch e chisteyihtaakusit.”

Luke 1:79

Ekw maak waashtewin kata uhchi chihkaashteu kihchikiishikuhch anite ishi wanitipiskusiiwinihch kaa ihtaatwaau kaye anichii kaa sechiskaakutwaau nipuwiniyuu. Eukw an waashtewin che chischinuhtahiikuyihkw chiyaameyihtamuwinihch chechii ishi pimaatisiihkw.” Eukw maak uyuu misiwe Zechariah kaa itwet.

Luke 19:38

Eukw maak uyuu kaa itwetwaau e maamihchimaatwaau Chishemanituu, “Shaweyihtaakusuu uu chisheuchimaau kaa pechi itishahukut Utipeyihchikeu, chechii ihtuutahk aniyuu kaa itashumaakanuut. Ihtakun chiyaameyihtamuwin kihchikiishikuhch. Kaye maak kata wii maamihchimaakanuu Chishemanituu maauch kaa chisteyihtaakusit.”

Luke 2:13

Sischikuuch maak chii uhchi mihchetuuch kutakach enchilich kihchikiishikuhch e uhchi nuukusitwaau e maamihchimaatwaau Chishemanituu e itwetwaau,

Luke 2:15

Iskutak maak anichii enchilich kaa uhpiskaatwaau kihchikiishikuhch ishi, anichii maanishchaanishuiinuuch chii itituuch, “Ituhtetaau Bethlehemihch, che waapahtamuhkw taan kaa ispayihch taan kaa ishi pechi wiihtamaatahkw Utipeyihchikeu utenchilam.”

Luke 3:22

Kaa payehchisiyich Ahchaahkw kaa uhchi aashiitutaakut Jesus mwehch umiimiiu e ishinaakusiyich. Ekw kaa uhchi pehtaakusit awen anite uhchi kihchikiishikuhch e itwet, “Eukw uu chii Nikus kaa saachihiitaan kaye naashch kaa naniheyihtamihiyin.”

John 14:27

“Chinakatamaatinaawaau chiyaameyihtamuwin. Niya nichiyaameyihtamuwin chimiitinaawaau. Namui utah aschiihch e iteyihtaakuhch chiyaameyihtamuwin chimiitinaawaau. Ekaawii maak mukushkaateyihtamukw kaye ekaawii kushtaachikw.

John 17:4

Nichii waapahtiiwen utah aschiihch taan e ishpish chisteyihtaakusiyin, e chii chiishihtaayaan an atushchewin kaa pechi miyin che ihtuutamaan.

John 3:16

Wesh Chishemanituu e ishpish chii saachihaat misiwe aweyuu utah aschiihch chii miiweu kaa peyakushiyich Ukusisa, misiwe aweyuuh kaa taapweyimaayich ekaa chechii nishuunaatisiyich maak chechii ayaayich kaachiche pimaatisiiwiniyuu.

ᐊᐸᔅᑕᓚᒡ 10:36

Chichischeyihtenaawaau Chishemanituu e chii ihtakuniyich taan kaa ishi ayimihaat Israel iinuuh, e chii wiihtamuwaat miywaachimuwiniyuu anit chechii uhchi ayaayich chiyaameyihtamuwiniyuu Jesus e ihtaayich uhchi. Wesh wiya Jesus misiwe ayaau tipeyihchichewiniyuu.

Romans 5:1

Ekw maak kuiskutaatisiiwinihch ekw e ishi kanawaapamitahkw Chishemanituu aniyuu e taapweyimahkw. Ekw kaye meyuu wiicheuhkw Chishemanituu aniyuu uhchi taan kaa ihtuutamaatahkw Chitipeyihchikeminuu Jesus Christ.

Ephesians 1:6

Iteyihtaakuniyuu maak chechii maamihchimaakanuut e chisteyihtaakuniyich taan e ishpish shaweyimitahkw. Maamihchimaataau sehchei e chii miitahkw Ukusisa naashch kaa saachihaat.

Ephesians 1:9

Chii ihtuutam Chishemanituu aniyuu kaa wii ihtuutahk, chichii miikunuu chechii chischeyihtamuhkw aniyuu taan shaash kaa ishi wiyeyihtahk ekaa uhchi chischeyihtamiyich aweyuuh. Kata ihtuutam maak aniyuu taan waa ihtuutahk Christ e ihtaayich uhchi.

Ephesians 2:4

Mikw maak aniyuu naashch e mishaayich Chishemanituu uchishewaatisiiwin, kaye maak aniyuu e ishpish mista saachihiitahkw,

Ephesians 2:7

anite niishtaamihch chechii nuukuhtaat e ishpish naashch mishaayich ushaweyihchichewin e miyutuutamaatahkw Christ Jesus uhchi.

Philippians 2:11

Misiwe awen chika itweu, Jesus eukw Utipeyihchikeu, e maamihchimaat Chishemanituu, Uhtaawiimaau.

Philippians 2:13

Wesh Chishemanituu muush aapatisiihkahtam chipimaatisiiwinuuh. Chitihtuutaakunuu chechii naniheyihtamihiihkw kaye chiwiichihiikunuu chechii ihtuutamukw aniyuu e ishi naheyihtahk.

Colossians 1:20

Kaye maak chii iteyihtam aniyuu Ukusisa uhchi chechii ihtuutahk kaau wiya e ihtaat chechii ihtakuniyich misiwe chekwaayuu kaye kaau wiya e ihtaat chechii ihtaayich misiwe aweyuuh, wesh misiwe chekwaan kaye misiwe awen utah aschiihch kaye kihchikiishikuhch chii pahkaanihiisuumakan Chishemanituu uhchi e ihtaat. Aniyuu maak e chii pachishtinisuyich Ukusisa chechii nipahaakanuyich aashiteyaahtikuhch ekut kaa uhchi ihtuutahk Chishemanituu kaau chechii miyu wiicheutunaanuyich wiya ishi e ihtaat, kaau wiya e ihtaat chechii ihtakuniyich misiwe chekwaayuu kaye misiwe aweyuu utah aschiihch kaye kihchikiishikuhch.

2 Thessalonians 2:16

Chishemanituu Kuuhtaawiinuu neshta Chitipeyihchikeminuu Jesus Christ chisaachihiikunuuch kaye chichii miikunuuch kaachiche kaachiichihiiwewiniyuu kaye aspeyimuwiniyuu shaweyihchichewinihch uhchi.

Revelation 5:13

Ekw kaa pehtuukwaau misiwe awenich anite kihchikiishikuhch kaye misiwe awenich kaye awesiishach aschiihch kaye anite nipiihch kaye misiwe e ispichiskamikaayich aschiihch kaa ihtaatwaau e nikamutwaau, uyuu e itwetwaau, “An awen kaa apit anit chisheuchimaau tehtapuwinihch kaye an Maanishchaanish kaachiche chika shaweyimaakanuuch kaye chika chishtaachimaakanuuch kaye chika chisteyihtaakuhaakanuuch kaye chika suuhkaatisiyuuch kaachiche kaye kaachiche.”