Luke 2:11 - Chishemanituu Utayimuwin: Kaa Uskaach Testament

¹¹ Anite ihtaawinihch kaa uhchiit aniyaa chisheuchimaau David, chiyawaau chipimaatisiistamaakunaawaau awaash, eukun Utipeyihchikeu Christ.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐊᓂᑌ ᐃᐦᑖᐎᓂᐦᒡ ᑳ ᐅᐦᒌᑦ ᐊᓂᔮ ᒋᔐᐅᒋᒫᐤ ᑌᐱᑦ, ᒋᔭᐙᐤ ᒋᐱᒫᑎᓰᔅᑕᒫᑯᓈᐙᐤ ᐊᐙᔥ, ᐁᐅᑯᓐ ᐅᑎᐯᔨᐦᒋᑫᐤ ᙭᙮

Luke 2:11 Iomraidhean Croise

Matthew 1:16

Jacob maak Joseph chii ishinihkaasuyuuh ukusisa, eukw maak uyuuh Mary kaa unaapemit. Eukw uyuuh Mary kaa ukaawiyit Jesus an Christ kaa ishinihkaataakanuut.

Matthew 1:21

Kata naapeshiiwiyuuh aniyuuh utawaashiimh, Jesus chika ishinihkaataawaau, wesh eukw uu che pimaachihaat aweyuu umachaatisiiwiniihch uhchi.” Eukw uyuu kaa itikut Joseph aniyuu enchila.

Matthew 16:16

Ekw Simon Peter kaa ishi nishkweushihaat, “Eukw chiya Christ, an Chishemanituu kaa pimaatisiit Ukusisa.”

Matthew 16:20

Ekw kaa itashumaat uchischinuhamuwaakan ekaa chechii wiihtamuwaayich kutak aweyuu e aawit wiya Christ.

Luke 1:43

Nimiskaateyihten maak chekwaan niya wehchi pechi chiiutamiyich Nitipeyihchikem ukaawii.

Luke 1:69

Chishemanituu chii pechi itishahweu e suuhcheyihtaakusiyich upimaachihiiweu aniyaa utaapachihaakan David e ihtaayich e uhchiyich.

Luke 2:26

Chii itikuukupane maak kaa payehchisiyich ahchaahkwa ekaa che uhchi nipit paatish chii waapamaate uyeyuu Chishemanituu kaa pechi itishahwaayich, aniyuu kaa wiyaapamaat Utipeyihchikeu, Christ che itapiyich.

Luke 2:4

Joseph maak anite chii uhchi chistuhteu Nazareth kaa ishinihkaateyich ihtaawiniyuu anite Galilee aschiihch kaa ihtakuniyich, Bethlehemihch kaa ituhtet, anite Judea aschiihch. Wesh eukw uyuu ihtaawiniyuu ekute kaa pimaatisiikupanen aniyaa utaanische umushuum chisheuchimaau David kaa ishinihkaasuyich.

John 1:41

Tiiwehch maak Andrew chii nituu naanituweyimeu aniyuu wiichishaanh Simon ekw kaa itaat, “Nichii miskuwaanaan aahchin Messiah.” Messiah e iinaanuuhch Christ iinaanuu e itweshtamuwaataakanuuhch.

John 1:45

Philip maak chii naanituwaapameu Nathanael ekw kaa itaat iskutak kaa miskuwaat, “Nichii miskuwaanaan aniyuu Moses kaa aayimuumaat anite wiishuwewinihch, kaye anichii uchischiwehiichesuuch kaa aayimuumaatwaau. Eukuu Jesus, Joseph ukusisa, anite Nazareth kaa uhchiit.”

John 11:27

“Ehe, Utipeyihchikeu,” chii iteu Martha. “Nitaapwehten chiya e aawiyin aniyuu Chishemanituu kaa pechi itishahwaat, kaye chiya e aawiyin Chishemanituu Ukusisa, aniyuu kaa itwet cheshtinaash che takushiniyich utah aschiihch.”

John 20:31

Eukw uyuuh kaa masinahiikanuukwaau chechii taapwehtamekw eukw uyuuh Jesus Chishemanituu Ukusisa ekw maak taapweyimekwen che ayaayekw pimaatisiiwin.

John 4:25

Ekw an iskweu kaa itaat aniyuuh Jesus, “Nichischeyihten aniyuuh Chishemanituu che pechi itishahwaat che takushiniyich. Christ ishinihkaasuyuuh. Takushihke maak misiwe chekwaayuu chika wiihtamaakunuu.”

John 4:42

Kaa itaatwaau aniyuu iskweu, “Ekw maak tiyaapwehtuwachiht, niyaan wechiihch e chii pehtawachiht, namui mikw chiya e chii itweyin. Ekw maak chiyeshtinaateyihtamaahch wiya eukw chechii pimaachihaat misiwe aweyuuh.”

John 6:69

Nitaapwehtenaan maak kaye nichischeyihtenaan chiya e aawiyin kaa payehchisiit, an kaa pechi itishahukut Chishemanituu.”

John 7:41

Kutakach maak chii iteuch, “Eukw uu Christ.” Kutakach chii iteuch, “Namiyewiiche uu Christ, wesh namui anite Galileehch chipaa uhchi uhchiyuu an Christ.

ᐊᐸᔅᑕᓚᒡ 10:36

Chichischeyihtenaawaau Chishemanituu e chii ihtakuniyich taan kaa ishi ayimihaat Israel iinuuh, e chii wiihtamuwaat miywaachimuwiniyuu anit chechii uhchi ayaayich chiyaameyihtamuwiniyuu Jesus e ihtaayich uhchi. Wesh wiya Jesus misiwe ayaau tipeyihchichewiniyuu.

ᐊᐸᔅᑕᓚᒡ 13:23

Chishemanituu maak kaye chii itweu che pechi itishahwaat aweyuu David e ihtaayich e uhchiyich chechii pimaachihaat Israel iinuuh eukw maak uyuu Jesus, aniyuu kaa itwet cheshtinaash che pechi itishahwaat.

ᐊᐸᔅᑕᓚᒡ 17:3

E itashteyich yaaitei e chii nituweyihtaakusiyich chechii nanehkachihaakanuyich Christ, kaye kaau chechii wanishkaayich nipuwinihch uhchi. Chii iteu maak aniyuu iinuuh, “Uu Jesus kaa aayimuumak, eukw uu Christ, Chishemanituu kaa pechi itishahukut.”

ᐊᐸᔅᑕᓚᒡ 2:36

Kaa ati itwet miin Peter, “Misiwe chiyawaau iinuuch utah Israelihch chika cheshtinaahunaawaau uu Jesus kaa chiistaaskuhwekw aashiteyaahtikuhch eukw uyuu Chishemanituu kaa wiyaapamaat chechii utipeyihchichewiyich kaye Christ chechii itapiyich.”

ᐊᐸᔅᑕᓚᒡ 5:31

Chishemanituu maak chii chisteyihtaakuheu Jesus unihiiwinihch itehche e chii apihaat, chechii uchimaawiyich kaye chechii pimaachihiiweyich, kaye chechii ihtuutawaat Israel iinuuh chechii kweskaatisiyich kaye chechii wepeyihtamuwaakanuyich umachihtwaawiniyuuh.

1 Corinthians 15:47

An niishtam naapeu Adam, iskutak kaa usihiikut Chishemanituuh sischuuhch chii uhchi usihiikuu. Christ maak kihchikiishikuhch chii uhtuhteu wiya.

Philippians 2:11

Misiwe awen chika itweu, Jesus eukw Utipeyihchikeu, e maamihchimaat Chishemanituu, Uhtaawiimaau.

Philippians 3:8

Namui maak mikw aniyuuh chekwaayuuh kaa aayimuutamaan nuuhchi wepinen. Misiwe kutach chekwaan namui mitun nitaapateyihtamihiikun e ishpish etituu iteyihtaakuhch e chischeyimak Christ Jesus taapwe e Utipeyihchikemiyaan. Wiya uhchi eukuu wehchii pachishteyihtamihiikuyaan misiwe uyuuh chekwaayuu, wepinaasun nititeyihtamihiikun uyuuh chekwaayuuh, wiya chechii wiicheuk,

Colossians 2:6

Shaash e chii pachishteyimitisuuyekw Utipeyihchikeu Christ chechii tipeyimitaakw suuhk kata wii nisituunaakun taapwe e wiichewekw.

1 John 4:14

Nichii waapahtamuwaanaan Chishemanituu kaa pechi itishahwaat Ukusisa chechii pimaachihaayich aweyuuh utah aschiihch kaye eukw uyuu e ishi wiihtamuchihtwaau awenichii.

1 John 5:1

Misiwe awen kaa taapwehtahk Jesus e aawiyich Christ Chishemanituuh utawaashiimitutaakuu. E saachihiihkw maak uhtaawiimaau kaye aniyuuh utawaashiimh chisaachihaanuyuuh.