Luke 2:10 - Chishemanituu Utayimuwin: Kaa Uskaach Testament

¹⁰ Ekw kaa itikutwaau aniyuu enchil, “Ekaawii sechisikw. Wesh chiwii wiihtamaatinaawaau miywaachimuwin, misiwe awen pehtahke chechii miyeyihtahk.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᐁᒄ ᑳ ᐃᑎᑯᑣᐤ ᐊᓂᔫ ᐁᓐᒋᓪ, ᐁᑳᐐ ᓭᒋᓯᒄ᙮ ᐌᔥ ᒋᐐ ᐐᐦᑕᒫᑎᓈᐙᐤ ᒥᔻᒋᒧᐎᓐ, ᒥᓯᐌ ᐊᐌᓐ ᐯᐦᑕᐦᑫ ᒉᒌ ᒥᔦᔨᐦᑕᐦᒃ᙮

Luke 2:10 Iomraidhean Croise

Matthew 14:27

Mikw maak tiiwehch Jesus chii ayimiheu e itaat, “Chiyaameyihtamukw, eukw wesin niya, ekaawii kushtaachikw.”

Matthew 28:18

Ekw kaa naatikutwaau Jesus kaa itikutwaau, “Nichii miikuun niya tekash chechii uchimaahkahtamaan kihchikiishikw nesht aschii.

Matthew 28:5

Ekw an enchil kaa itaat aniyuu iskweu, “Ekaawii kushtaachikw, chichischeyimitinaawaau e naanituuweyimekw Jesus an kaa chiistaaskuhwaakanuut.

Mark 1:15

Chii papaa iteu, “Ekw wetihchipayihch an e chiishikaach e peshunaakuniyich Chishemanituu uchisheuchimaawin. Kweskaatisiikw, nakatamukw chimachihtwaawinawaauh, taapwehtamukw miywaachimuwin.”

Mark 16:15

Ekw kaa itaat, “Maachiikw misiwe e ispichiskamikaach uu aschii che kacheskweyekw e waawiihtamekw uu miywaachimuwin misiwe awen chechii pehtahk.

Luke 1:13

Ekw kaa itikut aniyuu enchil, “Ekaawii sechisi, Zechariah, wesh chichii pehtaakw Chishemanituu taan kaa ishi nitutamuut. Chiichiskweu Elizabeth chika ayaaweu awaasha, chika naapeshiiwiyuu. John maak chika ishinihkaataau an awaash.

Luke 1:19

Ekw aniyuu enchil kaa nishkweushihiikut, e itikut, “Eukw niya Gabriel, uhchishkuu Chishemanituu e ihtaat niniipuun e atushkuuk. Nichii pechi itishahuukw chechii wiihtamaataan uu miywaachimuwin.

Luke 1:30

Chii itikuu aniyuu enchil, “Ekaawii sechisi Mary, wesh Chishemanituu nuwach chishaweyimukw.

Luke 2:11

Anite ihtaawinihch kaa uhchiit aniyaa chisheuchimaau David, chiyawaau chipimaatisiistamaakunaawaau awaash, eukun Utipeyihchikeu Christ.

Luke 24:47

Ekw maak chipaa waawiihtamuwaakanuuch misiwe e itiskaanesitwaau awenichii chechii kweskaatisiitwaau kaye chechii wepeyihtamuwaakanuutwaau umachihtwaawinawaauh niya pechi naashitwaawenich. Jerusalemihch maak niishtam chika uhchi mishihtepayuu uu che ishi waawiihtaakanuuhch.

Luke 8:1

Iskutak maak kaa chiishipayiyich uyuu ekw Jesus kaa papaaituhtet anite nanaahkuu ihtaawinihch e waawiihtahk miywaachimuwiniyuu e tipaatutahk Chishemanituu uchisheuchimaawiniyuu che utihchipayiyich. Chii wiicheukuu aniyuuh niishushaap uchischinuhamuwaakanh.

ᐊᐸᔅᑕᓚᒡ 13:32

“Niyaan maak chipechi tipaachimushtaatinaan miywaachimuwin eukw uu shaash e tipipayiyich aniyuu Chishemanituu taan kaa itaat aniyehkaanaan chiwaahkumaakanuu cheshtinaash che ihtuutahk.

Romans 10:15

Taanite chechii uhchi kacheskwetwaau awenichii ekaa chihchitishahwaakanuutwaawenich. Wesh itashteu Chishemanituu utayimuwinihch, Nuwach miyeyihtaakuniyuu tekushihkwaauh uchii miywaachimuwiniyuu kaa petaatwaau.

Ephesians 3:8

Aat maak niya maauch nuuhtaash e iteyihtaakusiyaan e iteyihtaakusitwaau kaa taapwehtahkwaau, yaapach niya nichii shaweyimikw Chishemanituu e chii miit chechii waawiihtamuumach aniyuuh ekaa Jewa kaa itiskaanesiitwaauh taan e ishpish naaspich weyuutaniyich kaye e ishpish ekaa nihtaa puunipayiyich taan waa ishi shaweyimitahkw Chishemanituu Christ e ihtaayich uhchi.

Colossians 1:23

Chinituweyihtaakusinaawaau yaaitei chechii kanuweyihtamekw taan e ishi taapwehtamekw uu miywaachimuwin, wesh ekut uu wehchi cheshtinaachikaapuyekw. Ekaawii maak chika uhchi ishinaakusinaawaau chechii ati waanihtaayekw an aspeyimuwin kaa ayaayekw iskunaak kaa pehtamekw miywaachimuwin. Wesh shaash mistahii mishihte chii ituhtataakanuu. Kaye niya Paul niwiichihiiwen e papaamuhtataakanuuhch uu miywaachimuwin.