Luke 2:1 - Chishemanituu Utayimuwin: Kaa Uskaach Testament

¹ Mekwaach maak Caesar Augustus e chii chisheuchimaaut, chii itashuweu misiwe iinuuh anit Rome aschiihch kaa ihtaayich chechii tipachimaakanuyich kaye chechii masinahwaakanuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒣᒀᒡ ᒫᒃ ᓰᓴᕐ ᐊᑲᔅᑕᔅ ᐁ ᒌ ᒋᔐᐅᒋᒫᐅᑦ, ᒌ ᐃᑕᔓᐌᐤ ᒥᓯᐌ ᐄᓅᐦ ᐊᓂᑦ ᕎᒻ ᐊᔅᒌᐦᒡ ᑳ ᐃᐦᑖᔨᒡ ᒉᒌ ᑎᐸᒋᒫᑲᓄᔨᒡ ᑲᔦ ᒉᒌ ᒪᓯᓇᐦᐙᑲᓄᔨᒡ᙮

Luke 2:1 Iomraidhean Croise

Matthew 22:17

Ekw maak netuweyimitaahch chechii wiihtamuyaahch, itashteu aa wiishuwewinihch Rome chisheuchimaau chechii miyaakanuut aniyuu shuuliyaayuu kaa chiishiihkamiyich aweyuu.”

Matthew 24:14

Uu maak miywaachimuwin Chishemanituu uchisheuchimaawin kaa tipaatuteyich chika kacheskwaanuu utah misiwe aschiihch misiwe awen chechii pehtahk, ekw maak yaakw che iskwaapayihch.”

Mark 14:9

Chihchiwe chititinaawaau, taanite mikw che kacheskwaanuukwe e waawiihtaakanuuhch miywaachimuwin misiwe e ispichiskamikaach uu aschii kata wiihtaakanuuyuu uyuu taan kaa ihtit e chischisiitutuwaakanuut uu iskweu.”

Mark 16:15

Ekw kaa itaat, “Maachiikw misiwe e ispichiskamikaach uu aschii che kacheskweyekw e waawiihtamekw uu miywaachimuwin misiwe awen chechii pehtahk.

Luke 2:3

Misiwe maak awenichii chii ituhteuch anite utihtaawiniwaahch taanite kaa pimaatisiyich uniichihiikuwaau kaye maak uwaahkumaakanawaau chechii masinahwaakanuutwaau.

Luke 2:5

Joseph maak chii wiicheukuu Mary aniyuu che wiichiskweut, chechii masinahwaakanuutwaau. Mekwaach maak chii kanuweyimaausuu Mary.

Luke 3:1

Aniyuu pepuniyich niyaayinushaap pipunh kaa ishpish chisheuchimaaut Tiberius kaa ishinihkaasut, Pontius Pilate mekwaach chii niikaanishkaacheu anite Judea aschiihch ekw Herod anite Galilee aschiihch kaa niikaanishkaachet ekw wiichishaan Herod, Philip kaa ishinihkaasuyich anite chii niikaanishkaacheyuu Iturea kaye Trachonitis kaa ishinihkaatekwaauh aschii. Ekw Lysanias kaa niikaanishkaachet anite Abilene kaa ishinihkaateyich aschiiyuu.

ᐊᐸᔅᑕᓚᒡ 11:28

Peyakw maak an Agabus e ishinihkaasut, chii pisikuu e miikut Kaa payehchisiyich Ahchaahkwa chechii ishi niikaan wiihtahk che pimipayiyich e kauhkataanuyich misiwe e ispichiskamikaayich aschiiyuu. Ekun maak taapwe kaa ispayiyich mekwaach Claudius kaa chisheuchimaawiyich.

ᐊᐸᔅᑕᓚᒡ 25:11

Taapwe maak e ihtakunikwe e chii wanituutamaan e iteyihtaakunikwe maak chechii nipahiikuyaan an uhchi, kiipaa pechishtinisuyaan chechii nipahiikuyaan. Mikw maak chiishpin ekaa tiyaapwewaakwenich uyuu taan e ishi mamishimitwaau uchii Jewa iinuuch namui iteyihtaakun wiyawaau e ihtaatwaau chechii ishi pachishtinikuuch. Caesar e ihtaat ekute e nituweyihtamaan chechii wiyaaskunikuyaan.”

ᐊᐸᔅᑕᓚᒡ 25:21

Chii nituweyihtam maak yaapach anit chipahutuukamikuhch chechii kanuweyimaakanuut pitamaa. Caesar chii nituweyimeu chechii wiyeyihtamiyich taan che ihtuutawaakanuut. Ekw maak kaa itashuweuch anite chipahutuukamikuhch pitamaa chechii kanuweyimaakanuut paatish chii itishahuke nete Caesar e ihtaayich.”

Romans 1:8

Niishtam chekwaan waa itweyaan. Nanaaskumaau Nichishemanituum Jesus Christ uhchi iskutak cheschisiitutaatakuch misiwe e tashiyekw wesh misiwe utah aschiihch aayimuutaakanuu chitaapwehtamuwinawaau.

Philippians 4:22

Misiwe anichii kaa taapwehtahkwaau chiwaachiyemikuwaauch, kaye anichii kaa aapatisitwaau chisheuchimaau Caesar e ihtaayich.