Luke 19:7 - Chishemanituu Utayimuwin: Kaa Uskaach Testament

⁷ Misiwe maak anichii iinuuch kaa waapamaatwaau Jesus e piihtakahiikuyich Zacchaeus memehch chii iteuch e itwetwaau, “Uu naapeu e nituu ihtaat anite umachihtwaau uwaaskaahiikanimiihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᒥᓯᐌ ᒫᒃ ᐊᓂᒌ ᐄᓅᒡ ᑳ ᐙᐸᒫᑣᐤ ᒌᓴᔅ ᐁ ᐲᐦᑕᑲᐦᐄᑯᔨᒡ ᓵᑭᔭᔅ ᒣᒣᐦᒡ ᒌ ᐃᑌᐅᒡ ᐁ ᐃᑗᑣᐤ, ᐆ ᓈᐯᐤ ᐁ ᓂᑑ ᐃᐦᑖᑦ ᐊᓂᑌ ᐅᒪᒋᐦᑣᐤ ᐅᐙᔅᑳᐦᐄᑲᓂᒦᐦᒡ᙮

Luke 19:7 Iomraidhean Croise

Matthew 20:11

Chii utineuch kiipaa aniyuu shuuliyaanaapiskwa kaa miyaakanuutwaau, namui mikw naashch uhchiwii mamiyuusinahweuch taan kaa ishi ayimitutuwaatwaau aniyuu kaa tipiyeusiyich aniyuu nihtaauchihchikan aschiiyuu.

Matthew 20:4

Ekw kaa itaat, namui aa kaye chiyawaau chiwii aapatisinaawaau anite nishuuminaahtikw nihtaauchihchikan aschiihch. Misiwe wesh chika miyu chiishiihkaatinaawaau atushkuyekwe. Ekw maak kaa ituhteyich chechii nituu aapatisiyich anite unihtaauchihchikan aschiihch.”

Matthew 9:11

Pasch maak Phariseech chii waapameuch uyuuh ekw kaa itaatwaau aniyuu chischinuhamuwaakanh, “Chekwaan wehchi wiichimiichisuumaat chichiskutamaachesiimuwaau aniyuuh Chisheuchimaau shuuliyaayuu kaa maamuushtinamiyich kaye aniyuuh kutak kaa machaatisiyich.”

Luke 15:2

Phariseech, ekw maak anichii kaa chiskutamaachetwaau wiishuwewiniyuu chii aayimuumeuch Jesus e itwetwaau, “Uu naapeu wiichewaakanitutaweu aniyuu kaa machaatisiyich kaye wiichimiichisuumeu.”

Luke 19:6

Zacchaeus maak tiiwehch chii ati niihtaahtawiipahtaau e miyeyihtahk che piihtakahaat Jesus. Naashch chii miywaatam e ituhtahaat anite wiichihch.

Luke 19:8

Zacchaeus maak chii pisikuu ekw kaa itaat Utipeyihchikeu, “Nituhtuu maa Utipeyihchikeu. Aapihtuu e ishpish ayaayaan nika miyaauch anichii kaa chistimaatisiitwaau. Kaa chimutamuwaauche awen uste newaau nika taapimiyaau.”

Luke 5:30

Ekw maak Phariseech kaye anichii wiishuwewiniyuu kaa chiskutamaachetwaau kaa ayimihaatwaau Jesus uchischinuhamuwaakaniyuuh e itaatwaau, “Chekwaan wehchi wiichimiichisuumekuch anichii kaa maamushtinahkwaau chisheuchimaau shuuliyaayuu kaa itaapatisitwaau kaye anichii kutakach umachihtwaauch.”

Luke 7:34

Chii pechi takushinuu Iinuu Ukusisa e miichisut kaye e minihkwet. Chichii itwenaawaau maak, ‘Kanawaapamaahkw maa uu naapeu, nuwach kaa ukaasichimit kaye nuwach wiihchipeu, e uwiichewaakanit umachaatisiyuuh, kaye aniyuuh kaa maamuushtinamiyich Chisheuchimaau shuuliyaayuu kaa itaapatisitwaau.’

Luke 7:39

An maak Pharisee kaa wiishaamaat Jesus, iskutak wiyaapamaat aniyuu iskweu aniyuu e ihtiyich chii iteyimeu, “Chipaa chischeyimeu uyuu iskweu e ishpish machaatisiyich kaa taahtinikut taapwe e uchischiwehiichesuukwe.”