Luke 19:5 - Chishemanituu Utayimuwin: Kaa Uskaach Testament

⁵ Iskutak maak Jesus wetihtaat aniyuu mistikw chii tastasaapuu kaa itaat aniyuu Zacchaeus, “Chiipiih pechi niihtaahtawii Zacchaeus, e ihtaayin nika ihtaan anuhchiish che chiishikaach.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᐃᔅᑯᑕᒃ ᒫᒃ ᒌᓴᔅ ᐌᑎᐦᑖᑦ ᐊᓂᔫ ᒥᔅᑎᒄ ᒌ ᑕᔅᑕᓵᐴ ᑳ ᐃᑖᑦ ᐊᓂᔫ ᓵᑭᔭᔅ, ᒌᐲᐦ ᐯᒋ ᓃᐦᑖᐦᑕᐐ ᓵᑭᔭᔅ, ᐁ ᐃᐦᑖᔨᓐ ᓂᑲ ᐃᐦᑖᓐ ᐊᓄᐦᒌᔥ ᒉ ᒌᔑᑳᒡ᙮

Luke 19:5 Iomraidhean Croise

Luke 19:10

Iinuu Ukusisa chii pechi takushin chechii naanituwaapamaat kaye chechii pimaachihaat aniyuuh iinuuh kaa wanishiniitwaau.”

Luke 19:2

Chii ihtaau maak naapeu anit ihtaawinihch, Zacchaeus e ishinihkaasut. Chii niikaanishkaweu kaa maamuushtinamiyich chisheuchimaau shuuliyaayuu kaa itaapatisitwaau. Naashch maak chii miisitisiyuu uu naapeu.

Luke 19:4

Ekw kaa niikaanipahtaat kaa iskwaahtawiit mistikw, chechii waapamaat Jesus iskutak pimuhteyichen.

Luke 19:6

Zacchaeus maak tiiwehch chii ati niihtaahtawiipahtaau e miyeyihtahk che piihtakahaat Jesus. Naashch chii miywaatam e ituhtahaat anite wiichihch.

John 1:48

Nathanael maak chii iteu, “Taanite kaa uhchi chischeyimiyin.” Ekw Jesus kaa ishi nishkuushihaat, “Chichii waapamitin e apiyin shiipaa misishuuminaahtikuhch eshkw ekaa uhchi nituwaapamisk Philip.”

John 14:23

Jesus chii nishkweushiheu e itaat, “An awen kaa saachihiit kata nanihiihtam nitayimuwiniyuu. Nuuhtaawii chika saachihiikuu. Taapishkun Nuuhtaawii ekw maak niya nika nituwaapamaanaan ekw maak che wiichimachiht.

2 Corinthians 6:1

An maak e maamuu atushkuwachiht Chishemanituu Chinitutamaatinaan ekaa chechii ishinaakusiyekw ekaa e aapateyihtamekw taan e ishi chishewaatutaataakw Chishemanituu.

Ephesians 3:17

Kaye maak nitayimihaan, Christ chechii ihtaat chipimaatisiiwiniwaahch an uhchi e taapwehtamekw. Kaye maak an e ati yaaichinihtaauchiyekw kaye e ati yaaichikaapuuyekw saachihiiwewinihch ishi, nitayimihaan

Hebrews 13:2

Chischisikw, muush chechii ayeskuwiyekw chechii piihtakahekuch maaniteuch chiichiwaawaahch. Pasch awenichii shaash chii piihtakaheuch maaniteuh anite e ihtaatwaau, namui maak uhchi chischeyimeuch pasch aniyuu maaniteuh kaa piihtakahaatwaau e chii enchiluuwiikupanen.

Revelation 3:20

Nituhtamukw. Niniipuun ishkwaahtemihch e paahpawahiicheyaan. An awen che pehtuukwe piihtakahiite maak nika piihchewaan anite e ihtaat ekw maak che wiich miichisuumituyaahch.