Luke 19:47 - Chishemanituu Utayimuwin: Kaa Uskaach Testament

⁴⁷ Meshikum chiishikaau maak chii chischinuhamaacheu Jesus anite chisheayimiheukamikuhch. Aniyuuh maak kaa niikaanapiitwaauh ayimiheuchimaauh kaye aniyuuh kaa chiskutamaacheyitwaauh wiishuwewiniyuu kaye aniyuu kaa niikaanishkuwaayich iinuu chii wii nipahiikuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁷ ᒣᔑᑯᒻ ᒌᔑᑳᐤ ᒫᒃ ᒌ ᒋᔅᒋᓄᐦᐊᒫᒉᐤ ᒌᓴᔅ ᐊᓂᑌ ᒋᔐᐊᔨᒥᐦᐁᐅᑲᒥᑯᐦᒡ᙮ ᐊᓂᔫᐦ ᒫᒃ ᑳ ᓃᑳᓇᐲᑣᐤᐦ ᐊᔨᒥᐦᐁᐅᒋᒫᐤᐦ ᑲᔦ ᐊᓂᔫᐦ ᑳ ᒋᔅᑯᑕᒫᒉᔨᑣᐤᐦ ᐐᔓᐌᐎᓂᔫ ᑲᔦ ᐊᓂᔫ ᑳ ᓃᑳᓂᔥᑯᐙᔨᒡ ᐄᓅ ᒌ ᐐ ᓂᐸᐦᐄᑰ᙮

Luke 19:47 Iomraidhean Croise

Matthew 21:23

Iskutak maak Jesus kaa piihchet aniyuu Jewa chisheayimiheukamikuyuu, mekwaach maak e Chiskutamaachet, aniyuuh kaa niikaanapiyich ayimiheuchimaauh ekw maak aniyuu iinuu kaa niikaanishkuwaayich chii itikuu, “Awen kaa miisk chechii ihtuutaman uu. Awen kaa itashumisk uyuu chechii ihtuutamut.”

Matthew 26:55

Ekw Jesus kaa itaat aniyuu iinuu, “Muyaam taapwe kaa aahkwaatisiit chimutisk e ihtuutuuyekw e pechi nituwaapamiyekw e tahkunamekw shimaakanishiyuu muuhkumaan kaye utaamahiikanaahtikw. Wesh shaash chipaahchii maakunaawaau anite chisheayimiheukamikuhch kaa chii ihtaayihkw eshikum chiishikaau e chiskutamaacheyaan, namui maak nihtaa kuuhchi kakweteyihtenaawaau chechii maakuniyekw.”

Mark 11:18

Anichii maak kaa niikaanapitwaau ayimiheuchimaauch nesht anichii wiishuwewiniyuu kaa chischinuhamaachetwaau chii pehtamuch uyuu e chii itweyikupanenh. Aniyuu maak misiwe aweyuu e miskaashtamiyich taan kaa ishi chiskutamaacheyich Jesus chii sechisuuch uchii chisheayimiheuchimaauch kaye anichii masinahiichesuuch ekw kaa naanituu chischeyihtahkwaau taan chechii ihtitwaau chechii nipahaakanuyich Jesus.

Mark 12:12

Aniyuu maak aweyuu kaa ayimihaat Jesus chii wii maakunikuu wesh chii chischeyimikuu wiyawaau e wii kaahchitahukutwaau wehchi wiihtamiyich uyuu tipaachimuwiniyuu. Mikw maak chii kushteuch aniyuuh iinuuh anit kaa ihtaayich wesh chii mihchetiyuu. Ekw nitawaach kaa chistuhtetwaau.

Mark 14:1

Niishu chiishikaau chii ishpishinaakun che miichinaanuuhch an makushaan Miyaaskaacheu makushaan kaa ishinihkaataakanuuhch kaye che chihchipayihch aaihkunaau ekaa uhpisut kaa chii muwaakanuut. Anichii maak kaa niikaanapitwaau ayimiheuchimaauch kaye maak anichii wiishuwewiniyuu kaa chiskutamaachetwaau chii wii naanituu miskamuch taanite chechii uhchi chiimuut maakunaatwaau Jesus chechii nipahaatwaau.

Mark 14:49

Meshikum chiishikaau nichii ihtaan anite mekwesiin e ihtaayekw e chiskutamaacheyaan anite chisheayimiheukamikuhch, namui maak kuuhchi pischeyiminaawaau. Mikw maak iteyihtaakun taan e itashtech Chishemanituu utayimuwinihch che tipipayihch.”

Luke 19:48

Mikw maak namui uhchii chischeyihtamuch taan che ihtitwaau chechii nipahaatwaau wesh misiwe aniyuu iinuu naashch yaakwaau chii nituhtaweyuu misiwe e chii wii pehtamiyich taan e itweyich.

Luke 20:19

Anichii maak kaa chiskutamaachetwaau wiishuwewiniyuu ekw maak anichii kaa niikaanapitwaau ayimiheuchimaauch tiiwehch chii wii maakuneuch Jesus. Wesh chii chischeyimeuch wiyawaau e chii aayimuumikutwaau kaa wiihtamiyich aniyuu chischinuhamaacheu tipaachimuwiniyuu. Mikw maak namui uhchi maakuneuch e chii kushtaatwaau aniyuu iinuuh.

John 10:39

Iskutak maak kaa itwet Jesus uyuu ekw miin kaa wii maakunikut aniyuu Jewa iinuuh, mikw maak shaash chii chistuhteu.

John 18:20

Ekw Jesus kaa itaat, “Misiwe taan kaa itweyaan chii pehtamuch awenich. An maak taan kaa ishi chiskutamaacheyaan anite ayimiheukamikuhch kaye chisheayimiheukamikuhch anite misiwe Jewa iinuuch kaa chii pechi nishtuwiitwaau, namui nihtaa nuhchi kaataan chekwaan e itweyaan.

John 7:19

Namui aa Moses kuuhchi miikuwaau aniyuu wiishuwewiniyuu kaa ayaawekw. Namui maak waachipeyakw anit e tashiyekw chinanihiihtenaawaau an wiishuwewin. Chekwaan maak wehchi wii pechi nipihiyekw.”

John 7:44

Pasch awenichii chii wii maakuneuch mikw namui awen uhchi pischeyimeu.