Luke 19:37 - Chishemanituu Utayimuwin: Kaa Uskaach Testament

³⁷ Iskutak maak piyeshuwaapahtahk Jerusalemiyuu Jesus, e ati niihchichuwetwaau aniyuu wachiyuu Olives kaa ishinihkaateyich meskanaahch e pimuhtetwaau, misiwe aniyuu aweyuu kaa nuushuushkaakut chii uhchi maamihchimeuch Chishemanituu e chishewetwaau kaye e muuchicheyihtamihiikutwaau misiwe aniyuu taan kaa ishi waapahtahkwaau Jesus e maamishkaachihtiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁷ ᐃᔅᑯᑕᒃ ᒫᒃ ᐱᔦᔓᐙᐸᐦᑕᐦᒃ ᒉᕉᓴᓚᒥᔫ ᒌᓴᔅ, ᐁ ᐊᑎ ᓃᐦᒋᒍᐌᑣᐤ ᐊᓂᔫ ᐗᒋᔫ ᐊᓕᕕᔅ ᑳ ᐃᔑᓂᐦᑳᑌᔨᒡ ᒣᔅᑲᓈᐦᒡ ᐁ ᐱᒧᐦᑌᑣᐤ, ᒥᓯᐌ ᐊᓂᔫ ᐊᐌᔫ ᑳ ᓅᔔᔥᑳᑯᑦ ᒌ ᐅᐦᒋ ᒫᒥᐦᒋᒣᐅᒡ ᒋᔐᒪᓂᑑ ᐁ ᒋᔐᐌᑣᐤ ᑲᔦ ᐁ ᒨᒋᒉᔨᐦᑕᒥᐦᐄᑯᑣᐤ ᒥᓯᐌ ᐊᓂᔫ ᑖᓐ ᑳ ᐃᔑ ᐙᐸᐦᑕᐦᒀᐤ ᒌᓴᔅ ᐁ ᒫᒥᔥᑳᒋᐦᑎᔨᒡ᙮

Luke 19:37 Iomraidhean Croise

Matthew 21:1

Jesus ekw maak aniyuu uchischinuhamuwaakan anite Jerusalemihch chii wii ituhteuch. Iskutak e ati peshuwaapahtahkwaau chii utihtamuch aniyuu ihtaawiniyuu Bethphage kaa ishinihkaateyich. Anite wachii Olives kaa ishinihkaatech ekute kaa ihtakuhch uu ihtaawin. Ekut maak utah Jesus kaa niikaanitishihwaat niishu uchischinuhamuwaakanh e itaat,

Mark 13:3

Mekwaach maak e apit anite Olives wachiihch tipiskuuch anit aniyuu chisheayimiheukamikuyuu kaa ihtakuniyich, chii naatikuu Peter, James, John ekw maak Andrew chechii kakwechimikut mekwaach mikw wiyawaau e ihtaatwaau.

Mark 14:26

Iskutak maak kaa nikamutwaau ayimiheu nikamuwiniyuu ekw anite aniyuu wachiyuu Olives kaa ishinihkaateyich kaa ituhtetwaau.

Luke 18:43

Tiiwehch maak mitun chii waapahtam, kaa ati nuushuushkuwaat Jesus e maamihchimaat Chishemanituu. Iskutak maak misiwe awen wiyaapahtahk uyuu e ispayiyich, kaye wiyawaau chii maamihchimeuch Chishemanituu.

Luke 19:20

“Ekw miin kutak aapachihaakan kaa takushihk ekw kaa itwet, ‘Maau shuuliyaaunaapiskw, nichii maahkupitaau machunishihch.

Luke 19:29

Iskutak maak piyeshuwaapahtahkwaau aniyuuh ihtaawinh Bethphage ekw maak Bethany kaa ishinihkaateyikwaauh anite wachiyuu Olives kaa ishinihkaateyich kaa ihtakuniyikwaauh ekw kaa niikaanitishihwaat niishu uchischinuhamuwaakan e itaat,

Luke 19:36

Iskutak maak pemuhtahiikut Jesus aniyuu uhkaanisha muyaam kaapalakaskweu kaa ishinaakusiyich chii tashwekashtaauch anichii iinuuch utakuhpiwaauh anit che pimuhtahiikuyich Jesus aniyuu uhkaan.

Luke 7:16

Misiwe maak anit kaa tashitwaau awenichii chii sechisuuch ekw kaa chishtaachimaatwaau Chishemanituu e itwetwaau, “Chichii utihtikunuu e chisteyihtaakusit uchischiwehiichesuu. Kaye maak chii itweuch, Chishemanituu pechi wiichiheu utiiniim.”

John 12:18

Eukw maak aniyuu wehchi nituu nachihaatwaau Jesus mihchetu awenichii iskutak tekushiniyich anite Jerusalemihch, aniyuu e chii pehtahkwaau taan kaa ishi maamishkaach ihtiyich.