Luke 19:3 - Chishemanituu Utayimuwin: Kaa Uskaach Testament

³ Chii wii waapameu maak aweyuu aniyuu Jesus kaa ishinihkaasuyich. Mikw maak chii tahkukaapuu ekw namui uhchii waapameu, kaye chii mihchetiyuu aweyuu e aakuushkaakut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒌ ᐐ ᐙᐸᒣᐤ ᒫᒃ ᐊᐌᔫ ᐊᓂᔫ ᒌᓴᔅ ᑳ ᐃᔑᓂᐦᑳᓱᔨᒡ᙮ ᒥᒄ ᒫᒃ ᒌ ᑕᐦᑯᑳᐴ ᐁᒄ ᓇᒧᐃ ᐅᐦᒌ ᐙᐸᒣᐤ, ᑲᔦ ᒌ ᒥᐦᒉᑎᔫ ᐊᐌᔫ ᐁ ᐋᑰᔥᑳᑯᑦ᙮

Luke 19:3 Iomraidhean Croise

Mark 15:40

Chii ihtaauch kaye iskweuch nete waahiyuushiish e uhchi kanawaapitwaau. Eukw uchii Mary Magdalene, kaye Mary, James kaa awaashiyuut ekw maak Joses ukaawaauh, ekw maak Salome.

Luke 12:25

Chekwaan wehchi naashch aayimeyihtamihiikuyekw chekwaan ekaa maak etituu chii chinuhtaayekw chipimaatisiiwinawaau.

Luke 19:2

Chii ihtaau maak naapeu anit ihtaawinihch, Zacchaeus e ishinihkaasut. Chii niikaanishkaweu kaa maamuushtinamiyich chisheuchimaau shuuliyaayuu kaa itaapatisitwaau. Naashch maak chii miisitisiyuu uu naapeu.

Luke 19:4

Ekw kaa niikaanipahtaat kaa iskwaahtawiit mistikw, chechii waapamaat Jesus iskutak pimuhteyichen.

Luke 23:8

Iskutak maak Herod wiyaapamaat Jesus naashch taapwe chii sichiyesuu wesh chii pehtam nanaahkuu e ishi tipaachimaakanuyich kaye shaash naashch taapwe weskach chiwii waapamekupane. Chii pukuseyihtam kaye chechii waapamaat Jesus e ihtuutamiyich maamishkaach chekwaayuuh.

John 12:21

Eukw maak uchii kaa pechi nituwaapamaatwaau Philip, aniyuu anite Bethsaida kaa ishinihkaateyich ihtaawiniyuu kaa uhchiyich anite Galilee aschiihch kaa ihtakuniich, ekw kaa itaatwaau, “Niwii waapamaanaan Jesus.”