Luke 19:22 - Chishemanituu Utayimuwin: Kaa Uskaach Testament

²² Ekw aniyuu uchimaam chii itikuu, ‘Chiya kaa machikuuhpaanewiyin, nika aapachihtaan an kaa itweyin e nishuuwanaachimitaan. Chititeyimin e machihtwaayaan, e utinamaan chekwaan ekaa tipiyeusiyaan kaye e maamuushtinamaan chekwaan ekaa niya uhchi nihtaauchihtaayaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᐁᒄ ᐊᓂᔫ ᐅᒋᒫᒻ ᒌ ᐃᑎᑰ᙮ ᒋᔭ ᑳ ᒪᒋᑰᐦᐹᓀᐎᔨᓐ, ᓂᑲ ᐋᐸᒋᐦᑖᓐ ᐊᓐ ᑳ ᐃᑗᔨᓐ ᐁ ᓂᔔᓈᒋᒥᑖᓐ᙮ ᒋᑎᑌᔨᒥᓐ ᐁ ᒪᒋᐦᑣᔮᓐ, ᐁ ᐅᑎᓇᒫᓐ ᒉᒀᓐ ᐁᑳ ᑎᐱᔦᐅᓯᔮᓐ ᑲᔦ ᐁ ᒫᒨᔥᑎᓇᒫᓐ ᒉᒀᓐ ᐁᑳ ᓂᔭ ᐅᐦᒋ ᓂᐦᑖᐅᒋᐦᑖᔮᓐ᙮

Luke 19:22 Iomraidhean Croise

Matthew 12:37

An taan e ishi ayimiyekw eukw an che aapatahch wiyaaskunikuyekwe. An taan e ishi ayimiyekw ekut che uhchi chischeyihtaakusiyekw kuiskw kaa ihtuwekwe maak ekaa kuiskw uhchi ihtuwekwe.”

Matthew 22:12

Ekw kaa itaat aniyuu naapeu, ‘Niwiichewaakan taanite kaa uhchi piihcheyin utah uu e makusheyaan ekaa maak muyaam itaaspisuyin.’ Namui maak uhchii chistuu an naapeu.

Luke 19:21

Chikushtitin wesin, wesaa chimachihtwaan. Kuutinen chekwaan ekaa tipiyeusiyin kaye chimaamuushtinen nihtaauchihchikan ekaa chii uhchi nihtaauchihtaayin.’

Luke 19:23

E iteyimuune maak uu e iteyihtaakusiyaan, chekwaan wehchi ekaa uhchi ashtaayin nishuuliyaam anite shuuliyaaukamikuhch chechii ushihuumakahch. Ekw maak an tekushiniyaan nipaa misken taan kaa ishpish ushihuumakanikupane.’ ”

Romans 3:19

Chichischeyihtenaanuu anichii kaa miyaakanuutwaau uyuu wiishuwewiniyuu chipaa nanihiihtamuch misiwe taan e itashuwemakaniyich. Eukw maak uu che uhchi ekaa mitun chii itwet awen ekaa uhchi chischeyihtahk e chii machituutahk kaye maak ekun wehchi misiwe awen utah aschiihch ishinaakuniyich chechii wiyaaskunikut Chishemanituuh.