Luke 19:17 - Chishemanituu Utayimuwin: Kaa Uskaach Testament

¹⁷ ‘Chimiyutuuten, chimiywaapatisin,’ chii itikuu uchimaam. ‘E chii nuukuhtaayin e taapweucheyihtaakusiyin kuiskw chechii ishi aapatisiihkahtaman chekwaan e apishaashich miiskuch chika miikuun mitaahtu ihtaawinh chechii niikaanishkaman.’

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᒋᒥᔪᑑᑌᓐ, ᒋᒥᔻᐸᑎᓯᓐ, ᒌ ᐃᑎᑰ ᐅᒋᒫᒻ᙮ ᐁ ᒌ ᓅᑯᐦᑖᔨᓐ ᐁ ᑖᐺᐅᒉᔨᐦᑖᑯᓯᔨᓐ ᑯᐃᔅᒄ ᒉᒌ ᐃᔑ ᐋᐸᑎᓰᐦᑲᐦᑕᒪᓐ ᒉᒀᓐ ᐁ ᐊᐱᔖᔑᒡ ᒦᔅᑯᒡ ᒋᑲ ᒦᑰᓐ ᒥᑖᐦᑐ ᐃᐦᑖᐎᓐᐦ ᒉᒌ ᓃᑳᓂᔥᑲᒪᓐ᙮

Luke 19:17 Iomraidhean Croise

Matthew 25:21

‘Taapwe chimiyutuuten kaye taapwe chimiywaapatisin,’ chii itikuu aniyuu uchimaam. ‘Kuiskw e chii ishi aapatisiihkahtaman an e apishaashich taan kaa ishi pukuseyimikuyin ekw etituu e mishaakwaau chekwaayuu che pachishtinamaakuyin chechii uchimaahkahtaman. Aashtam pechi piihche, che pechi wiichihiyin taan e ishi miywaatamaan.’

Luke 16:10

Awen kaa taapweucheyihtaakusit kuiskw chechii ishi naanaakachihtaat e apishaashiyich chekwaayuu chika taapweucheyihtaakusuu chechii miyunaanaakachihtaat e mishaayich chekwaayuu. Ekw maak awen ekaa kuiskw ihtuutahke aniyuu e naanaakachihtaat maauch e apishaashiyich chekwaayuu, namui kuiskw chika chii ihtuutam e naanaakachihtaat chekwaayuu e mishaayich.

Luke 19:16

An niishtam kaa takushinit naapeu chii iteu, ‘Nuuchimaam, peyakw chichii pechi miyin shuuliyaaunaapiskw ekw maak mitaahtu shuuliyaaunaapiskuch nichii uhchisiin anit uhchi.’

Luke 19:18

Miin kutak kaa takushihk kaa itwet, ‘Nuuchimaam, chichii pechi miyin peyakw shuuliyaaunaapiskw ekw maak niyaayin shuuliyaaunaapiskuch e ayaaukwaau.’

Luke 22:30

chechii wiichimiichisuumiyekw kaye chechii wiichiminihkwemiyekw nimiichisuunaahtikuhch anite nuuchimaawinihch. Chika apinaawaau kaye chiyawaau chisheuchimaau tehtapuwinh ati che uhchi wiyaaskunekuch kaa niishushaap kaa itiskaanesitwaau Israel iinuuch.”

Romans 2:29

An awen chihchiwe Jewa kaa ihtaat nuukuniyuu anite piihch upimaatisiiwinihch taapwe Jewa e ihtaat. Wesh Kaa payehchisiit Ahchaahkw eukuu e chischinuwaachishukuyihkw chitehiinaahch, eukw maak uu chihchiwe chischinuwaachishuwewin, namayeu wii wiishuwewin e nanihiihtamuhkw chika chii chischinuwaachishukunaanuu chitehiinaahch. Eukw maak uu awen chihchiwe Jewa kaa ihtaat Chishemanituuh eukw che nituweyimaat chechii mamiywaachimikut namui wii naapeuh.

1 Corinthians 4:5

Eukw maak uu uhchi ekaawii chika uhchi wiyaaskunen chekwaan eshkw ekaa utihchipayihch chechii wiyaaskunikanuuhch. Wiya Utipeyihchikeu mushe chika nuukuhtaau misiwe chekwaayuu kaa kaataakanuyich. Mechim aniyuu taan nihaau kaa iteyihtamiyich aweyuuh. Ekw maak misiwe awen che wiihtamaakut Chishemanituu e naheyihtamiyich aniyuu taan kaa ishi miyutuutahk.

2 Timothy 2:10

Ekw maak e suuhchipayihch misiwe chekwaan chechii shaakuuchihtaayaan taan che ishi nanehkaachihiikuwaane, e pukuseyimuyaan aniyuuh Chishemanituu kaa wiyaapamaat che utiiniimit che ayaayich pimaachihiikusiiwiniyuu kaye kaachiche chisteyihtaakusuwiniyuu Christ Jesus e ihtaayich kaa uhchipayiyich.

1 Peter 1:7

Wesh e nachishkamekw chekwaayuu e aayimihkwaau ekut wehchi chischeyihtaakuhch taan nihaau e iteyihtaakuhch chitaapwehtamuwinawaau. Waawaach ushaaushuuliyaanaapiskw, e ishinaakusit chechii wanaachihaakanuut, nituu chischeyimaakanuu ishkutehch taapwe e ushaaushuuliyaanaapiskuukwe, chitaapwehtamuwinawaau maak uste iteyihtaakun e iteyihtaakusit ushaaushuuliyaanaapiskw, iteyihtaakun chechii nituu chischeyihtaakunuuhch taan nihaau e iteyihtaakuhch. Taapwe maak e iteyihtaakunikwe taan chipaa iteyihtaakun chika miywaachimikunaawaau, kaye chika chisteyihtaakuhiikunaawaau kaye chika chishtaachimikunaawaau miin takushihke Jesus Christ.

1 Peter 5:4

Ekw maak iskutak pechi nuukusite an maauch kaa niikaaneyihtaakusit maanishchaanishuiinuu che miikuyekw an maauch e chisteyihtaakuhch kaaniyuwin an ekaa wiiskach che uhchi paasikunaakuhch.