Luke 19:15 - Chishemanituu Utayimuwin: Kaa Uskaach Testament

¹⁵ Mikw maak yaapach chii chisheuchimaauhaakanuu ekw miin kaau kaa chiiwet. Ekw kaa wiishaamaat aniyuu utaapachihaakanh e nituu chischeyimaat taan kaa ishpish uhchisiyich aniyuu shuuliyaayuu kaa miyaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᒥᒄ ᒫᒃ ᔮᐸᒡ ᒌ ᒋᔐᐅᒋᒫᐅᐦᐋᑲᓅ ᐁᒄ ᒦᓐ ᑳᐤ ᑳ ᒌᐌᑦ᙮ ᐁᒄ ᑳ ᐐᔖᒫᑦ ᐊᓂᔫ ᐅᑖᐸᒋᐦᐋᑲᓐᐦ ᐁ ᓂᑑ ᒋᔅᒉᔨᒫᑦ ᑖᓐ ᑳ ᐃᔥᐱᔥ ᐅᐦᒋᓯᔨᒡ ᐊᓂᔫ ᔔᓕᔮᔫ ᑳ ᒥᔮᑦ᙮

Luke 19:15 Iomraidhean Croise

Matthew 25:19

“Chineush maak namui uhchi ihtaayuuh aniyuu uchimaamuwaauh anichii aapachihaakanich chek kaa pechi chiiweyich ekw kaa kakwechimukutwaau taan kaa ihtuutahkwaau aniyuu shuuliyaayuu kaa miikutwaau.

Luke 12:48

Ekw an aapachihaakan ekaa kaa chischeyihtahk taan nihaau kaa ishi nituweyimikut uchimaam chechii ishi ihtuutahk ekw maak e ishi ihtuutahk chekwaayuu aniyuu ekaa chipaa ishi ihtuutamukupane kata waweshihaakanuu kaye wiya, mikw maak apishiish mikw kata pishishtehwaakanuu. Wesh chii wanipayuu ekaa uhchi chischeyihtahk e chii wanipayit. An awen mistahii kaa miyaakanuut, mistahii chika nituweyihtamaakuu Chishemanituu ekw maak an etituu mistahii kaa miyaakanuut etituu mistahii chika nituweyihtamaakuu Chishemanituu chechii ihtuutahk.”

Luke 19:14

“Aniyuuh maak iinuuh kaa uchimaahkahtuwaat chii uhkaatikuu. Iskutak kaa chistuhtet, aniyuu utiiniim chii itishahweyuu aweyuu chechii nituu pukunuumikut anite aniyuu che ituhtet chechii nituu itweyich ekaa nituweyimaatwaau chechii chisheuchimaauhaakanuyich.

Luke 19:16

An niishtam kaa takushinit naapeu chii iteu, ‘Nuuchimaam, peyakw chichii pechi miyin shuuliyaaunaapiskw ekw maak mitaahtu shuuliyaaunaapiskuch nichii uhchisiin anit uhchi.’