Luke 19:14 - Chishemanituu Utayimuwin: Kaa Uskaach Testament

¹⁴ “Aniyuuh maak iinuuh kaa uchimaahkahtuwaat chii uhkaatikuu. Iskutak kaa chistuhtet, aniyuu utiiniim chii itishahweyuu aweyuu chechii nituu pukunuumikut anite aniyuu che ituhtet chechii nituu itweyich ekaa nituweyimaatwaau chechii chisheuchimaauhaakanuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐊᓂᔫᐦ ᒫᒃ ᐄᓅᐦ ᑳ ᐅᒋᒫᐦᑲᐦᑐᐙᑦ ᒌ ᐅᐦᑳᑎᑰ᙮ ᐃᔅᑯᑕᒃ ᑳ ᒋᔅᑐᐦᑌᑦ, ᐊᓂᔫ ᐅᑏᓃᒻ ᒌ ᐃᑎᔕᐦᐌᔫ ᐊᐌᔫ ᒉᒌ ᓂᑑ ᐳᑯᓅᒥᑯᑦ ᐊᓂᑌ ᐊᓂᔫ ᒉ ᐃᑐᐦᑌᑦ ᒉᒌ ᓂᑑ ᐃᑗᔨᒡ ᐁᑳ ᓂᑐᐌᔨᒫᑣᐤ ᒉᒌ ᒋᔐᐅᒋᒫᐅᐦᐋᑲᓄᔨᒡ᙮

Luke 19:14 Iomraidhean Croise

Luke 14:32

E iteyihtamukwe maak che wanihtaahiikut aniyuu kutak chisheuchimaau kata itishahweu pasch naapeu chechii nituu nachishkawaayich aniyuu chisheuchimaau eshkw e ayaaunaakusiyich ekw che kakwechimaatwaau taanite chechii ihtitwaau ekaa chechii nitupayuuhkahtaatutwaau.

Luke 19:13

Mikw maak eshkw ekaa uhchi chistuhtet chii wiishaameu mitaahtu aniyuu utaapachihaakanh paahpeyakw kaa miyaat shuuliyaayuu ekw kaa itaat, ‘Tahkuhch wii ushihtaakw shuuliyaau uu uhchi shuuliyaau che ishpish itanihuyaan.’ ”

Luke 19:15

Mikw maak yaapach chii chisheuchimaauhaakanuu ekw miin kaau kaa chiiwet. Ekw kaa wiishaamaat aniyuu utaapachihaakanh e nituu chischeyimaat taan kaa ishpish uhchisiyich aniyuu shuuliyaayuu kaa miyaat.

Luke 19:27

Ekw maak peshuwaahkuch anichii kaa uhkaasitwaau anichii ekaa kaa nituweyimitwaau chechii chisheuchimaauch, chechii nipahaakanuutwaau utah e ihtaauch.’ ” Eukw uyuu chischinuhamaacheu tipaachimuwiniyuu Jesus kaa wiihtahk mekwaach e ati pimuhtetwaau Jerusalemihch ishi.

John 1:11

Kaa takushinit utah aschiihch wiya tipiiwe utiiniimh chii pechi nituwaapameu, mikw maak namui uhchi aapateyimikuu.

John 15:18

“Uhkaatitaakwaawenich anichii ekaa kaa wii nanihiihtuwaatwaau Chishemanituu che chischisiyekw niya niishtam e chii uhkaasitwaau eshkw ekaa chiyawaau uhchi uhkaatitaakuch.