Luke 18:9 - Chishemanituu Utayimuwin: Kaa Uskaach Testament

⁹ Jesus miin kaa ishi wiihtamuwaat uyuu chischinuhamaacheu tipaachimuwiniyuu aniyuuh kaa maamishiitutaasuyich nikuiskutaatisiinaan e iteyimisuyich mikw maak kaa macheyimaayich kutak aweyuu. Eukw uyuuh Jesus kaa itaat,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᒌᓴᔅ ᒦᓐ ᑳ ᐃᔑ ᐐᐦᑕᒧᐙᑦ ᐅᔫ ᒋᔅᒋᓄᐦᐊᒫᒉᐤ ᑎᐹᒋᒧᐎᓂᔫ ᐊᓂᔫᐦ ᑳ ᒫᒥᔒᑐᑖᓱᔨᒡ ᓂᑯᐃᔅᑯᑖᑎᓰᓈᓐ ᐁ ᐃᑌᔨᒥᓱᔨᒡ ᒥᒄ ᒫᒃ ᑳ ᒪᒉᔨᒫᔨᒡ ᑯᑕᒃ ᐊᐌᔫ᙮ ᐁᐅᒄ ᐅᔫᐦ ᒌᓴᔅ ᑳ ᐃᑖᑦ,

Luke 18:9 Iomraidhean Croise

Luke 10:29

Naashch maak muyaam e miyutuutahk chii wii itihtaakuhiisuu e ishi kakwechimaat Jesus e itaat, “Awen an niichiinuu nipaa saachihaau muyaam niya e ishpish saachihiisuyaan.”

Luke 15:2

Phariseech, ekw maak anichii kaa chiskutamaachetwaau wiishuwewiniyuu chii aayimuumeuch Jesus e itwetwaau, “Uu naapeu wiichewaakanitutaweu aniyuu kaa machaatisiyich kaye wiichimiichisuumeu.”

Luke 16:15

Jesus maak chii iteu, “Chitishinaakuhiisunaawaau muyaam e kuiskutaatisiyekw anite uhchishkuu iinuuch e ihtaatwaau, mikw maak Chishemanituu chischeyihtam taan chihchiwe e iteyihtaakusiyekw. Wesh aniyuuh chekwaayuuh chihchiwe kaa iteyihtamihiikutwaau awenichii Chishemanituu uhkaatam aniyuuh.”

Luke 18:11

Ekw an Pharisee chii peyakukaapuu e ishi ayimihaat, ‘Chishemanituu, chinanaaskumitin ekaa ishinaakusiyaan kutakach e ishinaakusitwaau awenichii kaye ekaa mistamaauchihtamaasuyaan shuuliyaau kaye ekaa nitamukw ihtuutuukwaau awenichii kaye ekaa pisikwaatisiyaan. Chinanaaskumitin ekaa ishinaakusiyaan taan e ishinaakusit anaah kaa maamuushtinahk chisheuchimaau shuuliyaayuu kaa itaapatisit.

Luke 19:7

Misiwe maak anichii iinuuch kaa waapamaatwaau Jesus e piihtakahiikuyich Zacchaeus memehch chii iteuch e itwetwaau, “Uu naapeu e nituu ihtaat anite umachihtwaau uwaaskaahiikanimiihch.”

Luke 7:39

An maak Pharisee kaa wiishaamaat Jesus, iskutak wiyaapamaat aniyuu iskweu aniyuu e ihtiyich chii iteyimeu, “Chipaa chischeyimeu uyuu iskweu e ishpish machaatisiyich kaa taahtinikut taapwe e uchischiwehiichesuukwe.”

John 8:48

Anichii maak Jewa iinuuch chii iteuch aniyuu Jesus, “Nichii taapwenaan kaa itweyaahch Samaria e uhchiyin kaye e piihchishkaask machiahchaahkw.”

John 9:28

Ekw kaa maayeyimaatwaau aniyuu naapeu e itaatwaau, “Eukw chiya peyakw uchischinuhamuwaakanh an naapeu, niyaan wii Moses eukw weuchischinuhamuwaakanitutaakuyaahch.

John 9:34

Ekw anichii kaa niikaanishkuwaatwaau Jewa iinuuh kaa nishkweushihaatwaau aniyuu naapeu e itaatwaau, “Machaatisiiwinihch chichii uhchi pimaatisiin kaye anite machaatisiiwinihch ekute kaa ishi nihtaauchinikuyin, e iteyihtaman maak yaapach chechii chiskutamuuyaahch.” Ekw kaa wiiwiitishihwaatwaau chihchiwe anit ayimiheukamikuhch aniyuu naapeu.

ᐊᐸᔅᑕᓚᒡ 22:21

Ekw kaa iishit Utipeyihchikeu, ‘Maachiih yaapach wesh waahyuu chika itishahuutin anite anichii ekaa Jewa kaa itiskaanesitwaau e ihtaatwaau.’ ”

Romans 10:3

Ekaa uhchi chischeyihtahkwaau taanite kuiskutaatisiiwinihch wechi ishi kanawaapamikuyich aweyuuh Chishemanituuh ekw wiyawaau tipaan kaa kuchihtaatwaau chechii kuiskunaakuhiisutwaau Chishemanituu ishi e ihtaayich. Ekw maak namui pachishteyimitisuustamuch aniyuu taan kaa itashtaayich Chishemanituuh che ihtiyich aweyuuh ukuiskutaatisiiu chechii ishi kanawaapamaakanuyich.

Romans 14:10

Chiya maak wii. Chekwaan wehchi wii wiyaaskunit chiichishaan. Chekwaayuu wehchi aatuweyimat. Wesh misiwe chika uhchishkuukaapuushtawaanuu Chishemanituu chechii wiyaaskunitahkw.

Romans 14:3

An awen ekaa mitun wiyesh kaa iteyihtamihiikut mikw e ishinaakuniyich chekwaayuu e miichit ekaawii chika uhchi aatuweyimeu aniyuuh ekaa mikw e ishinaakuniyich chekwaayuu kaa miichiich. Kaye maak an awen ekaa mikw e ishinaakuniyich chekwaayuu kaa miichit ekaawii chika uhchi wiyaaskuneu aniyuuh aweyuuh mikw e ishinaakuniyich chekwaayuu kaa miichiihch. Wesh Chishemanituuh namui aatuweyimikuyuuh.

Romans 7:9

Utaahch nichii ishi pimaatisiin ekaa chischeyihtamaan taan e itashuwemakahch wiishuwewin. Iskutak maak kaa chischeyihtamaan itashuwewin taan itwemakahch, ekut kaa uhchi chischeyihtamaan e machaatisiyaan kaye muyaam e nipiyaan e ishinaakusiyaan.