Luke 18:7 - Chishemanituu Utayimuwin: Kaa Uskaach Testament

⁷ Namui aa maak etituu Chishemanituu suuhk kata wiichiheu aniyuu utiiniim kanawaach kaa ayimihaayich e chiishikaayich kaye e tipiskaayich e nitutamaakut chechii naatamuwaat. Taapaa kata uhchi pwaashtawiyuu chechii naatamuwaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᓇᒧᐃ ᐋ ᒫᒃ ᐁᑎᑑ ᒋᔐᒪᓂᑑ ᓲᐦᒃ ᑲᑕ ᐐᒋᐦᐁᐤ ᐊᓂᔫ ᐅᑏᓃᒻ ᑲᓇᐙᒡ ᑳ ᐊᔨᒥᐦᐋᔨᒡ ᐁ ᒌᔑᑳᔨᒡ ᑲᔦ ᐁ ᑎᐱᔅᑳᔨᒡ ᐁ ᓂᑐᑕᒫᑯᑦ ᒉᒌ ᓈᑕᒧᐙᑦ᙮ ᑖᐹ ᑲᑕ ᐅᐦᒋ ᑆᔥᑕᐎᔫ ᒉᒌ ᓈᑕᒧᐙᑦ᙮

Luke 18:7 Iomraidhean Croise

Matthew 24:22

Chishemanituu maak chii wiyeyihtam che achuunahk aniyuu e chiishikaayikwaauh anit chipaa nanehkaateyimunaanuuyuu. Ekaa uhchi ihtuutamukupane uyuu namui awen chipaa uhchii shaapushkam. Mikw maak e chischisiitutawaat aniyuu kaa wiyaapamaat utiiniim Chishemanituu eukun aniyu che uhchi achuunahk aniyuuh e chiishikaayikwaauh.”

Matthew 24:24

Kata ihtaauch awenichii e wiyeshihiiwetwaau e itwetwaau niya Christ. Kata ihtaauch kaye machi uchischiwehiichesuuch. Eukunich maak uchii nanaahkuu maamishkaach waapahtiiwewinh che waapahtiiwetwaau kaye kata ihtuutamuch e maamishkaateyihtaakuniyikwaauh chekwaayuuh. Ekut maak che uhchi wiyeshihaatwaau aweyuu nitamukw chechii ishi taapwehtamiyich. Aniyuuh maak Chishemanituu kaa wiyaapamaayich aweyuuh eukunh aniyuuh che wii wiyeshihaatwaau.

Matthew 7:11

Aat e ishpish machaatisiyekw eyuwehch chichischeyihtenaawaau chechii miyu miyekuch chitawaashiimuwaauch chekwaayuu. Etituu maak Kuuhtaawaau kihchikiishikuhch kaa ihtaat chika miyu miiweu taan e ishi nituweyihtamuwaakanuut.”

Luke 11:13

Aat e machaatisiyekw yaapach chichischeyihtenaawaau chechii miyu miyekuch chitawaashiimuwaauch. Etituu maak Kuuhtaawaau kihchikiishikuhch kaa ihtaat chischeyihtam chechii miyu miiwet. Miyeyihtam e miyaat aweyuu Kaa payehchisiyich Ahchaahkwa aniyuu kaa nitutamaakut.”

Luke 2:37

Muush maak chii ihtaau anit chisheayimiheukamikuhch e chiishikaayich kaye e tipiskaayich, e ayimihaat ekaa meshikum miichisut.

Luke 21:28

Iskutak maak chihchipayihche e ispayihkwaau uyuu chekwaayuu, suuhk ishpimihch iitaapikw, wesh shaash peshunaakun che pimaachihiikuyekw.”

Romans 8:33

Awen chechii mamishimaat Chishemanituuh uwiyaapimaakaniyuuh. Wiya Chishemanituu ukuiskutaatisiiuch ishi kanawaapameu aniyuu kaa wiyaapamaat.

Colossians 3:12

Chiyawaau Chishemanituu kaa wiyaapamitaakw kaa payehchisiyich utiiniimh kaye kaa saachihaat, chishewaatisiikw, chistimaacheyimaahkuhch awenichii, tipihteyimisukw, yuuspaatisiikw kaye siipiiwesiikw.

1 Thessalonians 3:10

Kanawaach nitutamuwaanaan Chishemanituu chechii waapamitaahch miin chechii ihtaayaahch anit e ihtaayekw ekw maak chechii wiichihiitaach taan eshkw e ishi nuuhtepayiyekw taapwe chechii taapweyimekw Christ taan chipaa ishi taapweyimaawaau.

2 Thessalonians 1:6

Chishemanituu kuiskw ihtuu. Chika ihtuutuweu chechii nanehkaateyimuyich aniyuu aweyuu kaa nanehkaateyimuhiitaakw.

1 Timothy 5:5

Iskweu maak mitun e peyakut ekaa mitun ihtaayich aweyuu chechii wiichihiikut mikw Chishemanituu aspeyimututaweu. Muush kanawach ayimihaau e chiishikaayich kaye e tipiskaayich e nitutamuwaat Chishemanituu chechii wiichihiikut.

2 Timothy 1:3

Ninanaaskumaau Chishemanituu e cheshtinaateyimuyaan e kuiskupimaatisiyaan e atushkuuk, mwehch aniyehkaanaanich aanische niwaahkumaakanich kaa ishi atushkuwaatwaau. Kaye maak ninanaaskumaau Chishemanituu e chischisiitutaataan tahtwaau e ayimihaayaanh e chiishikaach kaye e tipiskaach.

2 Timothy 2:10

Ekw maak e suuhchipayihch misiwe chekwaan chechii shaakuuchihtaayaan taan che ishi nanehkaachihiikuwaane, e pukuseyimuyaan aniyuuh Chishemanituu kaa wiyaapamaat che utiiniimit che ayaayich pimaachihiikusiiwiniyuu kaye kaachiche chisteyihtaakusuwiniyuu Christ Jesus e ihtaayich kaa uhchipayiyich.

Titus 1:1

Niya, Paul, kaa masinahamaataan. Niya Chishemanituu utaapachihaakan kaye Jesus Christ utapastalimh. Nichii itishahukuun chechii wiichihiimach aniyuuh iinuuh Chishemanituu kaa wiyaapamaat chechii taapweyimaayich Jesus. Nichii itishahukuun kaye chechii chiskutamuukwaau chechii chischeyihtahkwaau taapwewiniyuu ekw maak chechii itaatisiitwaau taan e ishi nituweyimikutwaau Chishemanituu chechii itaatisiitwaau.

1 Peter 1:1

Niya Peter. Jesus Christ nichii wiyaapamukw kaye maak wiya nichii itishahuukw Apastal chechii ishi atushkuuk. Chiyawaau Chishemanituu utiiniimh chi masinahamaatinaawaau, chiyawaau paahpiiwe kaa ihtaayekw anite aniyuu aschiih Pontus, Galatia, Cappadocia, Asia ekw maak Bithynia kaa ishinihkaatekwaauh.

2 Peter 3:9

Taapaa pwaashtawiyuu Utipeyihchikeu chechii ihtuutahk taan aniyuuh kaa itwet che ihtuutahk. Pwaashtawiyuu iteyimeuch maak kutakach awenichii. Chisiipiiwesiistaakuwaau wesin, ekaa waachi peyakw aweyuu nitaweyimaat chechii wanaatisiyich, wesh misiwe aweyuuh nituweyimeu chechii nakatamiyich umachaatisiiwiniyuu.

Revelation 18:20

Chiyawaau kihchikiishikuhch kaa ihtaayekw, miywaatamukw e chii wanaachihtaakanuuhch an ihtaawin. Chiyawaau kaa taapwehtamekw, kaye chiyawaau apastalach, ekw maak chiyawaau kaa uchischiwehiichesuyekw, miywaatamukw. Wesh Chishemanituu chii wiyaaskuneu aniyuuh anit kaa ihtaayich taan kaa ihtuutaakuwekw.

Revelation 6:10

Chii chisheweuch maak e tepwetwaau, “Nitipeyihchikeminaan kaa suuhkaatisiyin, kaa payehchisiyin, kaa tepicheyihtaakusiyin chechii taapweucheyimikuyin. Taaishpish che wiyaaskunitwaau anichii anite aschiihch kaa ihtaatwaau kaa nipahiyiamihtwaau. Taaishpish che taapishtuutwaau anichii kaa nipahiyiamihtwaau.”

Revelation 7:15

Eukw maak uyuu wehchi uhchishkuukaapuushtamuwaatwaau Chishemanituuh uchisheuchimaau tehtapuwiniyuu kaye wehchi tasine atushkuwaatwaau anite uchisheayimiheukamikuwiihch. An maak kaa apit anit chisheuchimaau tehtapuwinihch kata akuniskuweu e miyu kanuweyimaat.