Luke 18:4 - Chishemanituu Utayimuwin: Kaa Uskaach Testament

⁴ Chineush maak an wiyaaskunichesuu namui uhchi wii naatamuweu aniyuu iskweu. Ekw chek kaa ishi maamituneyihtahk, ‘Namui nanihchiishtuwaau Chishemanituu kaye namui nitaapateyimaauch iinuuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᒋᓀᐅᔥ ᒫᒃ ᐊᓐ ᐎᔮᔅᑯᓂᒉᓲ ᓇᒧᐃ ᐅᐦᒋ ᐐ ᓈᑕᒧᐌᐤ ᐊᓂᔫ ᐃᔅᑴᐤ᙮ ᐁᒄ ᒉᒃ ᑳ ᐃᔑ ᒫᒥᑐᓀᔨᐦᑕᐦᒃ, ᓇᒧᐃ ᓂᓇᓂᐦᒌᔥᑐᐙᐤ ᒋᔐᒪᓂᑑ ᑲᔦ ᓇᒧᐃ ᓂᑖᐸᑌᔨᒫᐅᒡ ᐄᓅᒡ᙮

Luke 18:4 Iomraidhean Croise

Luke 12:17

Ekw kaa iteyihtahk, ‘Shaash namui nitepishchinitaan taanite misiwe che chiskashtaayaan uyuu kaa nihtaauchihtaayaan nihtaauchihchikan. Ekw kaa maamituneyihtamihiikut taan che ihtit.

Luke 16:3

An maak uchimaash chii maamituneyihtam, ‘Taan che ihtiyaan maak ekw chechii uhchi pimaachihiisuyaan, e iteyihtahk, shaash nitasaayaaskunikw nuuchimaam. Namui nimiskawiin e muunahiicheyaan chechii itaapatisiyaan kaye nishaakweyimun chechii naanitutamaayaan shuuliyaau.

Luke 18:2

Chii iteu, “Chii ihtaau wiyaaskunichesuu ihtaawinihch ekaa uhchi nanihchiishtuwaat Chishemanituu kaye ekaa uhchi aapateyimaat iinuuh.

Luke 18:3

Anit maak an ihtaawin chii ihtaau e peyakut iskweu. Muush maak chii nituwaapameu aniyuu wiyaaskunichesuu e itaat, ‘Chinitutamaatin chechii wiichihiyin kuiskw chechii ishi wiyaaskunaakanuut an kaa pechi wanituutaut.’

Luke 20:13

Ekw an kaa tipiyeusiit aniyuu nihtaauchihchikan aschiiyuu chii maamituneyihtam taan chipaa chii ihtuu. Chek kaa iteyihtahk, ‘Nika itishahwaau niya tipiiwe nikus kaa saachihak. Chika chisteyimeuch waapamaatwaawenich.’

Hebrews 12:9

Kaye maak, eshkw e chii awaashiiwiihkw, Chuuhtaawiinuuch chichii kuiskunikunuuch yaapach maak chichii chisteyimaanuuch. Ishinaakun maak Chishemanituu etituu chechii chisteyimahkw ishpish wii Kuuhtaawiinuuch. Ekw maak chihchiwe pimaatisiiwin che ayaayihkw.