Luke 18:32 - Chishemanituu Utayimuwin: Kaa Uskaach Testament

³² Chika pachishtinamuwaakanuuch anichii iinuuch ekaa Jewa kaa itiskaanesitwaau, chechii maayeyimaatwaau kaye chechii wiyaahuwaachetwaau nitamukw e ishi chiishuwaataatwaau kaye chechii shihkwaataatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᒋᑲ ᐸᒋᔥᑎᓇᒧᐙᑲᓅᒡ ᐊᓂᒌ ᐄᓅᒡ ᐁᑳ ᒎᐗ ᑳ ᐃᑎᔅᑳᓀᓯᑣᐤ, ᒉᒌ ᒫᔦᔨᒫᑣᐤ ᑲᔦ ᒉᒌ ᐎᔮᐦᐅᐙᒉᑣᐤ ᓂᑕᒧᒄ ᐁ ᐃᔑ ᒌᔓᐙᑖᑣᐤ ᑲᔦ ᒉᒌ ᔑᐦᒀᑖᑣᐤ᙮

Luke 18:32 Iomraidhean Croise

Matthew 16:21

Iskutak maak uyuu kaa ishi ayimihaat aniyuu uchischinuhamuwaakanh Jesus ekw kaa chihchi wiihtamuwaat e piyekastaakusit e itaat, “Nika ituhten anite Jerusalemihch, ekute maak anite che mistawaawiisacheyihtamihiitwaau anichii kaa niikaanishkuwaatwaau aniyuuh iinuuh, kaye anichii niikaanayimiheuchimaauch, kaye maak anichii kaa chiskutamaachetwaau wiishuwewiniyuu. Ekw maak che nipahiikuyaan, nishtu chiishikaau maak miin nika pimaatisiin.”

Matthew 20:19

Ekw maak miin anite aniyuu ekaa Jewa kaa itiskaanesiyich e ihtaayich che ituhtahaatwaau chechii maayeyimaakanuyich kaye chechii pishishtehwaakanuyich kaye chechii chiistaaskuhwaakanuyich. Mikw maak chii nishtu chiishikaayiche kaau chika wanishkaau.”

Matthew 22:6

Ekw anichii kutakach kaa maakunaatwaau aniyuu utaapachihaakaniyuu aniyuu chisheuchimaau ekw kaa kusiihkuwaatwaau, kaa ati nipahaatwaau.

Matthew 26:67

Chii sihkwaateuch utaashtamihkuyich eyuu chii utaamuhweuch kaye chii utitaamuhkwehweuch,

Matthew 27:2

Iskutak maak kaa mamechimaapihkaatamuwaatwaauh utihchiiyuuh, ekw kaa chistuhtahaatwaau. Anite maak aniyuu Rome chisheuchimaau aapachihaakan Pilate kaa ishinihkaasuyich e ihtaayich ekute kaa ituhtahaatwaau.

Mark 14:65

Pasch maak chii shihkwaateuch kaye chii akunaahkwehweuch ekw kaa wautaamuhkwehwaatwaau e itaatwaau, “Awen kaa utaamuhuusk chititeyihten.” Mechim aniyuuh kaa maakunawesiyich kaa naanaakachihtaayich aniyuu waaskaahiikaniyuu chii utataamuhukuu aniyuu e ati chistuhtahiikut.

Mark 15:1

Wiipach wiyaapaniyich anichii kaa niikaanapitwaau ayimiheuchimaauch chii nishtuuneuch aniyuuh kaa niikaanishkawaayich iinuuh ekw maak aniyuuh wiishuwewiniyuu kaa chiskutamaacheyitwaauh ekw maak misiwe aniyuu kaa maamuupishtamiyich e wiyeyihtaakanuyich chekwaayuu ekw kaa wiyeyihtahkwaau taan che ihtitwaau. Chii maahkupiteuch Jesus ekw anite Pilate e ihtaayich kaa ituhtahaatwaau.

Luke 18:33

Kaye chechii pishishtehwaatwaau, kaye che nipahaatwaau. Mikw maak chii nishtuchiishikaayiche miin kaau chika wanishkaau.”

Luke 23:1

Misiwe maak maamuu e tashitwaau chii ituhtaheuch Jesus anite Rome chisheuchimaau e ihtaayich, Pilate kaa ishinihkaasuyich.

Luke 23:11

Ekw maak Herod kaye ushimaakanshiimh chii wiyaahuuch Jesus e maayeyimaatwaau kaye aayaahch e ihtuutawaatwaau e pushchishkamutiyaatwaau akuhpiyuu e miywaashiyich. Ekw maak Herod kaau kaa chiiwetishihwaat Jesus, Pilate e ihtaayich.

Luke 23:35

Chii naaniipuuch anite awenichii e kanawaapitwaau e maayeyimikuyich aniyuu Jewa iinuuh kaa niikaanishkuwaayich e itweyich, “Chii wiichiheu kutak aweyuuh, kata wiichihiisuu maak taapwe Christ e aawiikwe, aniyuu Chishemanituu kaa wiyaapamaat.”

John 18:22

Iskutak maak Jesus kaa itwet uyuu, peyakw aniyuu kaa maakunawesiyich chii utaamuhkwehukuu e itikut, “Namui chika chii ishi ayimihaau chisheayimiheuchimaau.”

John 18:28

Wiipach aniyuu kaa chechishepaayaayich anit Caiaphas e ihtaayich chii uhchi chistuhtahaakanuu Jesus, anite chisheuchimaaukuuhpaaneu wiichihch kaa ituhtahaakanuut. Pilate chii ishinihkaasuu an chisheuchimaaukuuhpaaneu. Anichii maak Jewa iinuuch namui uhchi wii piihcheuch wiyawaau anite wesh chii itashteyuu uchuuwa wiishuwewiniwaahch ekaa chechii piihchetwaau wiichiihch aweyuu ekaa Jewa itiskaanesiyich. Kaye namui chipaa uhchi miichuuch miyaaskacheu makushaaniyuu chii piicheuwaakupanenich anite chisheuchimaaukuuhpaaneu wiichiihch.

John 18:30

Kaa nishkweushihiikut e itikut, “Namui nipaa uhchi peshuwaanaan utah e ihtaayin ekaa uhchi machituutamukupane.”

John 18:32

Eukw maak uu wehchi ispayihch uu chechii tipipayiyich taan nihaau kaa ishi niikaan wiihtahk Jesus che ishi nipikupane.

John 18:35

Ekw Pilate kaa itaat, “Jewa aa niya chititeyimin. Chii tipiyeu chitiiniimach ekw maak anichii kaa niikaanapitwaau ayimiheuchimaauch chichii pechi itishahukuch. Taan maak kaa ishi wanituutamin.”

ᐊᐸᔅᑕᓚᒡ 2:23

Shaash anite chii wiyeyihtam Chishemanituu chiyawaau e ihtaawekw che ishi pachishtinaat Jesus, chiyawaau maak chichii nipahaawaau e chii pachishtinekuch naapeuch e machaatisiitwaau chechii chiistaaskuhwaatwaau aashiteyaahtikuhch.

ᐊᐸᔅᑕᓚᒡ 3:13

Aniyuuh Chishemanituuh kaa atushkuwaatwaau aniyehkaanaanich, Abraham, Isaac kaye Jacob kaye utaahch kuuhtaawiinuuch chisteyihtaakuheu aniyuu utaapachihaakanh, eukw uyuuh Jesus. Chiyawaau maak chichii ihtuutuwaawaau chechii pachishtinaakanuut anite Rome Chisheuchimaau e ihtaayich. E chii aatuwaahekw uhchishkuu Pilate e ihtaayich, aat iskutak Pilate kaa wii pachishtinaat.