Luke 18:16 - Chishemanituu Utayimuwin: Kaa Uskaach Testament

¹⁶ Jesus chii wiishaameu awaasha e itwet, “Pachishtinaahkuch awaashach chechii pechi naasitwaau, ekaawii uhchi chistahamuwaahkuch, wesh uyuu kaa iteyihtaakusitwaau awenich Chishemanituu uchisheuchimaawiniihch ishi tipeyihtaakusuuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᒌᓴᔅ ᒌ ᐐᔖᒣᐤ ᐊᐙᔕ ᐁ ᐃᑗᑦ, ᐸᒋᔥᑎᓈᐦᑯᒡ ᐊᐙᔕᒡ ᒉᒌ ᐯᒋ ᓈᓯᑣᐤ, ᐁᑳᐐ ᐅᐦᒋ ᒋᔅᑕᐦᐊᒧᐙᐦᑯᒡ, ᐌᔥ ᐅᔫ ᑳ ᐃᑌᔨᐦᑖᑯᓯᑣᐤ ᐊᐌᓂᒡ ᒋᔐᒪᓂᑑ ᐅᒋᔐᐅᒫᐎᓃᐦᒡ ᐃᔑ ᑎᐯᔨᐦᑖᑯᓲᒡ᙮

Luke 18:16 Iomraidhean Croise

Matthew 19:14

Ekw Jesus kaa itaat, “Pachishtinaahkuch awaashach chechii pechi naasitwaau ekaawii uhchi chistahamuwaahkuch, wesh uyuu kaa iteyihtaakusitwaau awenich kihchikiishikw uchimaawinihch ishi tipeyihtaakusuuch.”

Luke 18:15

Chii petaweuch maak awenichii Jesus kaa apishiishiitwaau utawaashiimuwaau, e chii nituweyimaatwaau chechii saaminaayich. Ekw anichii chischinuhamuwaakanich iskutak wiyaapamaatwaau uyuu e ihtiyich chii chistahamuweuch.

Luke 18:17

Taapwe chiwiihtamaatinaawaau, mwehch e ishi taapwehtahk awaash taan e ishi wiihtamuwaakanuut eukun kaye chiyawaau chipaa ishi taapwehtenaawaau taan e ishi wiihtamaakuyekw Chishemanituu chisheuchimaawin ekw maak chechii piihcheyekw anite.”

ᐊᐸᔅᑕᓚᒡ 2:39

Wesh uyuuh Chishemanituu kaa itwet cheshtinaash che miiwet chiyawaau chichii iteyimikuwaau chechii ayaaumekw kaye chitawaashiimuwaauh chechii ayaawaayich kaye misiwe aniyuuh aweyuuh waahyuu kaa ihtaayich. Misiwe anichii che tepwaatikutwaau Utipeyihchikeu Chishemanituu chika miyaakanuuch uyuu miiwewiniyuu.”

1 Corinthians 14:20

Niichishaanitikw, ekaawii awaashiyuu maamituneyihtamukw. Mwehch apishtawaashach e iteyihtaakusitwaau ekaa chischeyihtahkwaau e iteyihtaakuniyich machituutamuwiniyuu ekun mwehch kaye chiyawaau chipaa iteyihtaakusinaawaau. Mwehch awen shaash e chiishi nihtaauchit ekun chipaa ishi maamituneyihtenaawaau.

1 Corinthians 7:14

Wesh naapeu ekaa kaa taapwehtahk payehchihiikuu wiichiskweuh aniyuu uhchi e taapwehtamiyich. Kaye maak iskweu ekaa kaa taapwehtahk payehchihiikuu aniyuuh uhchi e taapwehtamiyich unaapem. Ekaa maak tiyaapwemakanikwe uu kaa itweyaan kiipaa mwehch ekaa payehchisiitwaau chipaa ishi kanawaapameu Chishemanituu chitawaashiimuwauh. Anuhchiish maak e payehchisiyich chitawaashiimh ishi kanawaapameu Chishemanituu.

1 Peter 2:2

Muush etituu chipaa nitaweyihtamuwaanaawaau Chishemanituu utayimuwin. Wesh naashch taapwe payehcheyihtaakuniyuu. Kaye maak ekut che uhchi miyu nihtaauchiyekw kaye eukun che kanuweyimikuyekw e pimaachihuyekw. Muyaam awaash e uschinihtaauchit muush e nituweyimaat chuuchuushinaapui chechii uhchi nihtaauchit ekun chipaa ishinaakusinaawaau e nituweyihtamuwekw Chishemanituu utayimuwin chechii uhchi nihtaauchiyekw anite chitahchaahkuwaahch.