Luke 18:14 - Chishemanituu Utayimuwin: Kaa Uskaach Testament

¹⁴ Chiwiihtamaatinaawaau maak, uu naapeu chii chiiweu taapwe e kuiskunaakusit Chishemanituu e kanawaapamikut. Namui wii an Pharisee. An awen mistahii kaa iteyimisut kata tipihteyihtaakuhiikuu Chishemanituu ekw an kaa tipihteyimitisut awen eukw che chisteyihtaakuhaakanuut.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᒋᐐᐦᑕᒫᑎᓈᐙᐤ ᒫᒃ, ᐆ ᓈᐯᐤ ᒌ ᒌᐌᐤ ᑖᐺ ᐁ ᑯᐃᔅᑯᓈᑯᓯᑦ ᒋᔐᒪᓂᑑ ᐁ ᑲᓇᐙᐸᒥᑯᑦ᙮ ᓇᒧᐃ ᐐ ᐊᓐ ᕓᕆᓰ᙮ ᐊᓐ ᐊᐌᓐ ᒥᔅᑕᐦᐄ ᑳ ᐃᑌᔨᒥᓱᑦ ᑲᑕ ᑎᐱᐦᑌᔨᐦᑖᑯᐦᐄᑰ ᒋᔐᒪᓂᑑ ᐁᒄ ᐊᓐ ᑳ ᑎᐱᐦᑌᔨᒥᑎᓱᑦ ᐊᐌᓐ ᐁᐅᒄ ᒉ ᒋᔅᑌᔨᐦᑖᑯᐦᐋᑲᓅᑦ᙮

Luke 18:14 Iomraidhean Croise

Matthew 23:12

Wesh awen mistahii kaa wii iteyimikusiit kata ihtakuniyuu taan che ihtuutawaakanuut anit chechii uhchi niihteyimitisuut. An maak kaa tipihteyimitisut eukun an mistahii che iteyihtaakuhiikut Chishemanituu.”

Matthew 5:3

“Shaweyihtaakusuuch anichii kaa chistimaatisiitwaau anite ahchaahkuwinihch, wesh wiyawaau tipiyeusiyuuch kihchikiishikw chisheuchimaawiniyuu.

Luke 1:52

Utapuwiniihch chii uhchi niihtineu aniyuu naashch kaa uchimaaweyihtaakusiyich chisheuchimaau ekw kaa chisteyihtaakuhaat aniyuu kaa tipihteyihtaakusiyich.

Luke 10:29

Naashch maak muyaam e miyutuutahk chii wii itihtaakuhiisuu e ishi kakwechimaat Jesus e itaat, “Awen an niichiinuu nipaa saachihaau muyaam niya e ishpish saachihiisuyaan.”

Luke 14:11

Wesh awen mistahii kaa wii iteyimikusiit Chishemanituu chika tipihteyimuhiikuu. An maak kaa tipihteyimitisut eukw an che chisteyihtaakuhiikut Chishemanituu.”

Luke 16:15

Jesus maak chii iteu, “Chitishinaakuhiisunaawaau muyaam e kuiskutaatisiyekw anite uhchishkuu iinuuch e ihtaatwaau, mikw maak Chishemanituu chischeyihtam taan chihchiwe e iteyihtaakusiyekw. Wesh aniyuuh chekwaayuuh chihchiwe kaa iteyihtamihiikutwaau awenichii Chishemanituu uhkaatam aniyuuh.”

Romans 3:20

Wesh taapaa awen chii kuiskunaakuhiisuu Chishemanituu ishi e ihtaayich mikw aniyuu e nanihiihtahk wiishuwewinh. Chichischeyihten aa taan e itaapatahkwaauh uyuuh wiishuwewinh. Chechii chischeyihtahk awen e machituutahk ekun e itaapatahkwaauh.

Romans 4:5

Maamituneyimaataau maa awen kaa machaatisiit. Aniyuu e miyutuutahk ekut aa wehchi kuiskutaatisiit. Namui, e taapweyimaat Chishemanituu ekut mikw chechii uhchi kuiskunaakusit Chishemanituu ishi e ihtaayich.

Romans 5:1

Ekw maak kuiskutaatisiiwinihch ekw e ishi kanawaapamitahkw Chishemanituu aniyuu e taapweyimahkw. Ekw kaye meyuu wiicheuhkw Chishemanituu aniyuu uhchi taan kaa ihtuutamaatahkw Chitipeyihchikeminuu Jesus Christ.

Romans 8:33

Awen chechii mamishimaat Chishemanituuh uwiyaapimaakaniyuuh. Wiya Chishemanituu ukuiskutaatisiiuch ishi kanawaapameu aniyuu kaa wiyaapamaat.

Galatians 2:16

Yaapach maak nichischeyihtenaan e taapweyimaat awen Jesus Christ ekut wehchi ukuiskutaatisiiu ishi kanawaapamikut Chishemanituuh, namui wii aniyuu uhchi e nanihiihtahk wiishuwewinh. Ekw maak kaye niyaan tiyaapweyimachiht Jesus Christ, e taapweyimachiht maak Christ ekut wehchi ukuiskutaatisiiuch ishi kanawaapamiyimiht Chishemanituu. Namui wii an e nanihiihtamaahch Jewa ayimiheu wiishuwewinh wehchi ishi kanawaapamayimiht. Taapaa awen ukuiskutaatisiiu chika uhchi ishi kanawaapamikuu Chishemanituuh mikw aniyuu e nanihiihtahk Jewa ayimiheu wiishuwewinh.

James 4:10

Tipihteyimitisuustuwaahkw Utipeyihchikeu ekw maak che uhpinitaakw.

James 4:6

Mikw maak Chishemanituu etituu mistahii miyeu shaweyihchichewiniyuu aniyuu aweyuu wiya e ihtaat kaa ishi pimaatisiyich. Wesh itashteu Chishemanituu utayimuwinihch, Chishemanituu nishkuushtuweu aniyuuh kaa chisteyimisuyitwaauh mikw maak shaweyihchichewiniyuu miyeu aniyuu kaa tipihteyimisuyitwaauh.