Luke 18:1 - Chishemanituu Utayimuwin: Kaa Uskaach Testament

¹ Jesus chii wiihtamuweu uchischinuhamuwaakan uyuu chischinuhamaacheu tipaachimuwiniyuu chechii uhchi chischeyihtamiyich muush chechii ayimihaayich, kaye ekaa chechii saskachiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒌᓴᔅ ᒌ ᐐᐦᑕᒧᐌᐤ ᐅᒋᔅᒋᓄᐦᐊᒧᐙᑲᓐ ᐅᔫ ᒋᔅᒋᓄᐦᐊᒫᒉᐤ ᑎᐹᒋᒧᐎᓂᔫ ᒉᒌ ᐅᐦᒋ ᒋᔅᒉᔨᐦᑕᒥᔨᒡ ᒨᔥ ᒉᒌ ᐊᔨᒥᐦᐋᔨᒡ, ᑲᔦ ᐁᑳ ᒉᒌ ᓴᔅᑲᒋᔨᒡ᙮

Luke 18:1 Iomraidhean Croise

Luke 11:10

Wesh tahtu awen kaa nitutamaat chika miyaakanuu. Kaye tahtu awen kaa naanituweyimaat Chishemanituu chika miskaweu, kaye tahtu awen kaa paapaawahiichet kata aapahamuwaakanuu.”

Luke 21:36

Yaakwaamiikw. Ekaawii puuniikw e ayimihaayekw e nitutamaayekw chechii yaaichikaapuyekw kaye chechii shaapushkamekw misiwe taan che ispayihch. Kaye maak ekaa chechii aatuweyimitaakw Iinuu Ukusisa iskutak uhchishkuukaapuushtawekwe.” Eukw maak uyuu kaa ishi wiihtamuwaat Jesus aniyuu uchischinuhamuwaakan.

Romans 12:12

Chitaspeyimututawaawaau Chishemanituu muush maak miywaatamukw. Suuhk siipiiwesikw nenehkaateyimuyekw. Muush kaye ayimihaakw.

2 Corinthians 4:1

Naashch taapwe nichii shaweyimikunaan Chishemanituu uyuu aapatisuwiniyuu e chii miiyimiht. Eukw maak wehchi ekaa wii puuniyaahch.

Galatians 6:9

Ekaawii chika uhchi saskachiinaanuu e miyutuutamuhkw. Wesh kata utihchipayuu taanite che miikuyihkw chitipahamaakusiiwinuu ekaa puuniikwe e miyutuutamuhkw.

Ephesians 6:18

Ahchaahkuwinihch muush ishi ayimihaataau nanaahkuu e ishi ayimihchikeyihkw kaye nanaahkuu e ishi nitutamaayihkw. Uu maak e ishi chischisiihkw ayeskuwiitaau kaye ekaawii puuniitaau e ayimihaayihkw, muush kaye ayimiheshtamuwaataawenich anichii kaa taapwehtahkwaau.

Philippians 4:6

Ekaawii chekwaan chika uhchi mukushkaateyihtamihiikunaawaau. Teyakuch misiwe taan che ati ispayiwekwe ayimihaakw, e waawiihtamuwekw Chishemanituu chekwaayuu e ishi nitaweyihtamuwekw. Kaye maak chipaa nanaaskumaawaau.

Colossians 4:12

Miin kutak awen e ihtaayekw e uhchiit chiwaachiyemikuwaau eukw uu Epaphras. Kaye wiya atushkuweu Christ Jesus. Muush suuhk chitayimiheshtamaakuwaau e nitutamuwaat Chishemanituuh chechii yaaichikaapuuhiitaakw tekash e nanihiihtamuwekw utiteyihtamuwiniyuu mwehch e ihtitwaau anichii kaa chiishi nihtaauchitwaau kaye tekash kaa taapweyimaatwaau Jesus.

Colossians 4:2

Tasine ayimihaahkw. E ayimihaayekw maak suuhk wii piyekascheyihtamukw kaye nanaaskumaahkw Chishemanituu.

1 Thessalonians 5:17

Muush ayimihaakw.