Luke 17:6 - Chishemanituu Utayimuwin: Kaa Uskaach Testament

⁶ Ekw Utipeyihchikeu kaa itaat, “Aat naashch apishaashiche chitaapwehtamuwinawaau taapishkuuch maauch kaa aapishiishit shuumin kaa ispichishtit ishpishaache, mistikw chika chii itaau, ‘Wiihkuhuuh anit kaa nihtaauchiyin ekw anite che ishi wepinisuyin chihchikamiihch,’ chika pishichihiikw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᒄ ᐅᑎᐯᔨᐦᒋᑫᐤ ᑳ ᐃᑖᑦ, ᐋᑦ ᓈᔥᒡ ᐊᐱᔖᔑᒉ ᒋᑖᐺᐦᑕᒧᐎᓇᐙᐤ ᑖᐱᔥᑰᒡ ᒫᐅᒡ ᑳ ᐋᐱᔒᔑᑦ ᔔᒥᓐ ᑳ ᐃᔅᐱᒋᔥᑎᑦ ᐃᔥᐱᔖᒉ, ᒥᔅᑎᒄ ᒋᑲ ᒌ ᐃᑖᐤ, ᐐᐦᑯᐦᐆᐦ ᐊᓂᑦ ᑳ ᓂᐦᑖᐅᒋᔨᓐ ᐁᒄ ᐊᓂᑌ ᒉ ᐃᔑ ᐌᐱᓂᓱᔨᓐ ᒋᐦᒋᑲᒦᐦᒡ, ᒋᑲ ᐱᔑᒋᐦᐄᒄ᙮

Luke 17:6 Iomraidhean Croise

Matthew 14:29

Ekw Jesus kaa itaat, “Aashtam.” Ekw Peter kaa kapaat che nituwaapamaat aniyuu Jesus nipiihch e pimuhtet.

Matthew 17:20

Ekw Jesus kaa itaat, “Kiipaa an ekaa ishpishaach chitaapwehtamuwinawaau. Taapwe chititinaawaau aat mikw apishaashiche chitaapwehtamuwin muyaam e ishpish apishiishit shuumin mastart kaa ishinihkaasut ishpishaache, wachii chika chii itashuwaaten, ‘Nete ishi aahchikaapuu.’ Chika pishichihiikuun maak. Mikw chekwaan waa ihtuutaman chika chii ihtuuten ayaayine taapwehtamuwin.

Matthew 21:21

Ekw Jesus kaa itaat, “Chiwiihtamaatinaawaau, ekaa mitun che uhchi aanuwehtamuwekwe mitun che taapwehtamuwekwe, chika chii ihtuutawaawaau kaye chiyawaau taan kaa ihtuutuuk uu misishuuminaahtikw. Namayeu mikw an chekwaan chechii ihtuutamekw kaye chika chii itashuwaaten wachii, ‘Ishiwepinisuh anite chihchikamiihch.’ Chika pishichihiikuun maak.

Mark 4:31

Mwehch an shuumin maauch kaa apishiishiit utah aschiihch mastart kaa ishinihkaataakanuut ekun e ishinaakuhch kihchikiishikw uchimaawin. Naapeu utineu uyuuh shuuminh ekw aschiihch e aaihwaat chechii nihtaauchiyich.

Mark 9:23

Chii iteu maak Jesus, “Chekwaan wehchi itweyin chechii wii wiichihiiwaahche. Wesh awen kaa taapwehtahk misiwe taan waa ihtit chika chii ihtuutam.”

Luke 13:19

Mwehch an shuumin kaa apishiishiit mastart kaa ishinihkaataakanuut ekun e ishinaakuhch kihchikiishikw uchimaawin. Eukw uyuuh shuumin wetinaat naapeu e aihwaat anite unihtaauchihchikan aschiihch. Chek nehtaauchiyich, mistikw niyaanikutehch nuwach piikwenihtaauchiyuu anit an shuumin uhchi. Piyeshiishach maak ekute wechistunihkaasutwaau anit e watihkunuyich aniyuu mistikw.”

Luke 17:7

Jesus miin kaa ati itwet, “Mwehch aahch anite aapachihaakan e nihtaauchihchet maak maanishchaanisha naanaakachihaat, iskutak maak chii chiiwete e chiish aapatisit chika itikuu aa uchimaam, ‘Aashtam, pechi piihche, pechi miichisuu.’

Luke 19:4

Ekw kaa niikaanipahtaat kaa iskwaahtawiit mistikw, chechii waapamaat Jesus iskutak pimuhteyichen.

Luke 7:13

Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”

Luke 7:19

Kaa itishahwaat uyuu chechii ishi kakwechimaayich Utipeyihchikeu, “Eukw aa chiya Christ an chipaa takushinikupane maak eshkw che ashuwaapamaauchihtipane kutak chechii takushihk.”

1 Corinthians 13:2

Kaye maak aat miikuyaan chechii kaschihuyaan e chischiwehiicheyaan, kaye maak aat misiwe chischeyihtamaan niya taan e ishi ekaa chischeyihtahkwaau kutakach awenich, kaye aat miikuyaan misiwe chechii chischeyihtamaan chekwaan ekaa uhchi chischeyihtamihiiwaanuuhch anite utaahch kaye maak aat ayaayaan taapwehtamuwin chechii aahtinamaan wachiih ekaa maak ayaayaan saachihiiwewin yaapach namui mitun chekwaan nipaa uhchi iteyihtaakusin.