Luke 17:33 - Chishemanituu Utayimuwin: Kaa Uskaach Testament

³³ Awen e wii kanuweyihtahk upimaatisiiwin chika wanihtaau. An maak awen kaa pachishteyihtahk upimaatisiiwin eukun an che kanuweyihtaakanuyich upimaatisiiwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³³ ᐊᐌᓐ ᐁ ᐐ ᑲᓄᐌᔨᐦᑕᐦᒃ ᐅᐱᒫᑎᓰᐎᓐ ᒋᑲ ᐗᓂᐦᑖᐤ᙮ ᐊᓐ ᒫᒃ ᐊᐌᓐ ᑳ ᐸᒋᔥᑌᔨᐦᑕᐦᒃ ᐅᐱᒫᑎᓰᐎᓐ ᐁᐅᑯᓐ ᐊᓐ ᒉ ᑲᓄᐌᔨᐦᑖᑲᓄᔨᒡ ᐅᐱᒫᑎᓰᐎᓐ᙮

Luke 17:33 Iomraidhean Croise

Matthew 10:39

An awen kaa wii kanuweyihtahk upimaatisiiwin mikw wiya e wii naniheyihtamihiisut kata wanihtaau ekw maak an awen kaa wanihtaat upimaatisiiwin niya uhchi kata miskam.”

Matthew 16:25

Awen kaa wii kanuweyihtamaasut upimaatisiiwin kata wanihtaau. An maak awen kaa wii pachishtinahk misiwe chekwaayuu taan kaa wii ihtuutahk mechim kaye upimaatisiiwin e wii pechi nuushuushkuut eukw an che miyaakanuut pimaatisiiwiniyuu.

Luke 17:34

Chiwiihtamaatinaawaau taan che ispayihch miin takushinite Iinuu Ukusisaan. An tipiskaache takushiniyaane kata niishwaapihcheshinuuch awenichii nipewinihch. Peyakw maak Chishemanituu chika utinikuu ekw an kutak che nakataakanuut.

John 12:25

An awen kaa saachihtaat upimaatisiiwin kata wanihtaau. An awen kaa uhkaatahk upimaatisiiwin utah aschiihch kaachiche pimaatisiiwiniyuu kata ayaau.

Revelation 2:10

Ekaawii kushtaachikw taan che ishi nanehkaateyimuyekw. Machimanituu chika kakwechihiikuwaau e ihtuutaataakw pasch chechii chipahukuwekw chipahutuukamikuhch. Mitaahtw chiishikaauh chika ishpish nanehkaateyimunaawaau. Ekaawii maak puuniikw e taapweyimiyekw aat wii nipahiikuyekwe. Ekw maak che kaaniyuwiyekw chisheuchimaau astutin eukuu kaachiche pimaatisiiwin.”