Luke 17:30 - Chishemanituu Utayimuwin: Kaa Uskaach Testament

³⁰ Ekw Jesus kaa itwet, “Ekun taapishkuuch che itaatisiinaanuuhch an e chiishikaach pechi nuukusite Iinuu Ukusisaan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁰ ᐁᒄ ᒌᓴᔅ ᑳ ᐃᑗᑦ, ᐁᑯᓐ ᑖᐱᔥᑰᒡ ᒉ ᐃᑖᑎᓰᓈᓅᐦᒡ ᐊᓐ ᐁ ᒌᔑᑳᒡ ᐯᒋ ᓅᑯᓯᑌ ᐄᓅ ᐅᑯᓯᓵᓐ᙮

Luke 17:30 Iomraidhean Croise

Matthew 16:27

Wesh Iinuu Ukusisah chika takushiniyuuh Uhtaawiimaau uchisteyihtaakusuwiniihch kaye enchilh e pechi wiicheukut, ekw maak che tipahamuwaat misiwe aweyuu taan kaa ishi ihtuutaamiyich.

Matthew 24:3

Mekwaach maak Jesus e apit anit e iipetaauhkaayich aniyuu wachiyuu Olives kaa ishinihkaateyich, iskutak ekaa kaa ihtaayich aniyuu iinuu, chii pechi nituwaapamikuu uchischinuhamuwaakanh ekw kaa itikut, “Pechi wiihtamuunaan aahch taaishpish che ispayihkwaau uyuu chekwaayuu. Taanite che uhchi chischeyihtamaahch utihchipayihche miin che takushiniyin. Ekw maak taanite che uhchi chischeyihtamaahch che iskwaapayihch aschii.”

Matthew 24:37

Mwehch maak taan kaa iteyihtaakuniyich anit mekwaach kaa pimaatisiit aniyaa Noah, ekun che iteyihtaakuhch miin takushihke Iinuu Ukusisa.

Matthew 24:39

Namui maak uhchi chischeyihtamuch taan che ispayiyich paatish kaa aschiputeyich aschiiyuu, misiwe maak chii wanaachihuuch. Ekun maak mwehch che ispayihch iskutak pechi nuukusite Iinuu Ukusisa.

Matthew 26:64

Jesus chii iteu, “Ekun e itweyin. Mikw maak chiwiihtamaatinaawaau chika waapamaawaau Iinuu Ukusisa e apit anite Kaa Suuhkaatisiyich unihiiwiniihch itehche e ihtaayich. Kaye chika waapamaawaau pechi takushinite kihchikiishikw kaskawanishkuhch e uhchi nuukusit.”

Mark 13:26

Ekw maak che waapamaakanuut Iinuu Ukusisa e pechi asiit kaskawanishkuhch, mitun e nuukuniyich usuuhkaatisiiwin kaye uchisteyihtaakusuwin.

Luke 17:24

Wesh Iinuu Ukusisa an chiishikaache kaau che takushiniyich taapishkuuch e waashtepayihch kaa chii ishinaakuhch misiwe kaa chii waashtuwech chiishikw, ekun mwehch che ishinaakuhch.

Luke 17:29

Aniyeyuu e chiishikaayich che nakatahk Lot aniyeyuu utenaayuu Sodom kaa ishinihkaateyich, chii chimuunipahchishtin ishkuteu kaye e ishkuteutwaau asiniich chii paahpahchishinuuch. Ekw maak misiwe awenichii anit aniyuu utenaayuu kaa ihtaatwaau chii nishuuwanaachihiikuuch uyeyuu kaa ispayich.”

Luke 21:22

Eukw maak uu che utihchipayihch iinuuch che waweshihaakanuutwaau aniyuu kaa ishi machituutahkwaau wesh eukuu kaa ishi niikaan wiihtaakuhch che ishi tipipayihch.

Luke 21:27

Ekw maak che waapamaakanuut Iinuu Ukusisa e pechi asiit kaskawanishkuhch, tekash e nuukuniyich usuuhkaatisiiwin kaye uchisteyihtaakusuwin.

1 Corinthians 1:7

Ekw maak namui mitun chinuuhtepayinaawaau ahchaahkw miiwewinh mekwaach e ashuwaapamekw che ishpish takushinit Chitipeyichikeminuu Jesus Christ.

1 Corinthians 1:8

Wiya chika wiichihiikuwaau muush chechii suuhchikaapuwekw taapwehtamuwinihch ekw maak namui chika uhchi ihtakun taan che ishi ataameyihtaakusiyekw iskutak utihchipayiche aniyuu e chiishikaayich che takushihk Utipeyihchikeu Jesus Christ.

Colossians 3:4

Christ e wiichewekw chihchiwe pimaatisiiwin chitayaanaawaau. Kaau maak takushihke utah aschiihch ekut kaye chiyawaau che asich nuukuhiikuyekw kaye che asich chisteyihtaakuhiikuyekw chisteyihtaakuhaakanuute.

2 Thessalonians 1:7

Ekw chiyawaau kaa nanehkaateyimuyekw chika ihtuutaakuwaau Chishemanituu chechii puuni nanehkaateyimuwekw kaye maak niyaan eukun che ishi wiichihiikuyaahch. Iskutak pechi nuukusite Utipeyihchikeu Jesus anite kihchikiishikuhch uhchi e pechi wiichewaat utenchilam kaa suuhkaatisiyich ekut che ihtuutahk uyuu.

1 Peter 1:13

Suuhk maak muush wii ayeskuweyihtamukw taan mikw che ati ispayikwe chekwaan kaye suuhk nanaakatuweyimisukw taan e ihtiyekw. Tekash mitun aspeyimututamukw an chishewaatisiiwin che miikuyekw iskutak miin takushihke Jesus Christ.

1 Peter 1:7

Wesh e nachishkamekw chekwaayuu e aayimihkwaau ekut wehchi chischeyihtaakuhch taan nihaau e iteyihtaakuhch chitaapwehtamuwinawaau. Waawaach ushaaushuuliyaanaapiskw, e ishinaakusit chechii wanaachihaakanuut, nituu chischeyimaakanuu ishkutehch taapwe e ushaaushuuliyaanaapiskuukwe, chitaapwehtamuwinawaau maak uste iteyihtaakun e iteyihtaakusit ushaaushuuliyaanaapiskw, iteyihtaakun chechii nituu chischeyihtaakunuuhch taan nihaau e iteyihtaakuhch. Taapwe maak e iteyihtaakunikwe taan chipaa iteyihtaakun chika miywaachimikunaawaau, kaye chika chisteyihtaakuhiikunaawaau kaye chika chishtaachimikunaawaau miin takushihke Jesus Christ.

1 Peter 4:13

Teyakuch chipaa miywaatenaawaau e wiichihiiweyekw taan kaa ishi waawiisacheyihtamihaakanuut Christ, ekw maak che saakaschineshkaakuyekw miywaatamuwin iskutak pechi nuukuhtaakanuyiche uchisteyihtaakusuwin.

1 John 2:28

Awaashitikw, muush wiichewaahkw Jesus. Ekw maak che cheshtinaateyimuyekw pechi nuukusite kaye namui chika uhchi pimaameyimunaawaau takushihke.

1 John 3:2

Niichishaanitikw kaa saachihiitakuch, kuutawaashiimitutaakunuu Chishemanituu anuhchiish, mikw maak eshkw namui nuukun taan che iteyihtaakusiihkw, mikw chichischeyihtenaanuu iskutak takushihke mwehch wiya kaa iteyihtaakusit ekun che iteyihtaakusiihkw. Wesh chika waapamaanuu taan nihaau e iteyihtaakusit.

Revelation 1:7

Iitaapikw maa. Pechi takushinuu kaskawanishkuhch e pechi aasiit. Misiwe aweyuuh chika waapamikuu, mechim aniyuuh kaa tahkamikut. Misiwe e itiskaanesiyich aweyuuh chika mista maatuuyuuh waapamikute. Cheshtinaash chika ispayuu uu. Amen.