Luke 17:25 - Chishemanituu Utayimuwin: Kaa Uskaach Testament

²⁵ Mikw maak eshkw ekaa utihchipayihche uu anichii awenichii mekwaach anuhchiish kaa pimaatisiitwaau naashch nika wiisacheyihtamihiikuuch kaye nika aatuweyimikuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᒥᒄ ᒫᒃ ᐁᔥᒄ ᐁᑳ ᐅᑎᐦᒋᐸᔨᐦᒉ ᐆ ᐊᓂᒌ ᐊᐌᓂᒌ ᒣᒀᒡ ᐊᓄᐦᒌᔥ ᑳ ᐱᒫᑎᓰᑣᐤ ᓈᔥᒡ ᓂᑲ ᐐᓯᒉᔨᐦᑕᒥᐦᐄᑰᒡ ᑲᔦ ᓂᑲ ᐋᑐᐌᔨᒥᑯᒡ᙮

Luke 17:25 Iomraidhean Croise

Matthew 16:21

Iskutak maak uyuu kaa ishi ayimihaat aniyuu uchischinuhamuwaakanh Jesus ekw kaa chihchi wiihtamuwaat e piyekastaakusit e itaat, “Nika ituhten anite Jerusalemihch, ekute maak anite che mistawaawiisacheyihtamihiitwaau anichii kaa niikaanishkuwaatwaau aniyuuh iinuuh, kaye anichii niikaanayimiheuchimaauch, kaye maak anichii kaa chiskutamaachetwaau wiishuwewiniyuu. Ekw maak che nipahiikuyaan, nishtu chiishikaau maak miin nika pimaatisiin.”

Matthew 21:42

Ekw Jesus kaa itaat, “Namui aa kuuhchi ayimihtaanaawaau kaa itashtech anite Chishemanituu utayimuwinihch, Chii aataweyimeuch kaa waaskaahiikanihchetwaau aniyuu asinii chihchiwe e aapatisiyich e chiihcheyaayich. Eukw uyuu Utipeyihchikeu utaihtuwin, nuwach miskaasinaakuniyuu e kanawaapahtaakanuyich.”

Mark 10:33

“Nituhtamukw maa,” chii iteu, “Jerusalemihch chitituhtenaanuu, ekute ute che maakunaakanuut Iinuu Ukusisa anite chechii ishi pachishtinaakanuut kaa niikaanapiyitwaauh ayimiheuchimaauh e ihtaayich kaye wiishuwewiniyuu kaa chiskutamaacheyitwaauh e ihtaayich chechii wiyaaskunikut. Eukw uchii che itashuwetwaau chechii nipahaakanuyich kaye anite aniyuu ekaa Jewa kaa itiskaanesiyich e ihtaayich ekute che ishi pachishtinaatwaau.

Mark 12:10

Namui aa kuuhchi ayimihtaanaawaau anit Chishemanituu utayimuwinihch kaa itashtech, Chii aataweyimeuch kaa waaskaahiikanihchetwaau aniyuu asinii chihchiwe e aapatisiyich e chiihcheyaayich.

Mark 8:31

Ekw Jesus kaa chihchi chischinuhamuwaat uchischinuhamuwaakanh e itaat, “Nituweyihtaakuniyuu Iinuu Ukusisa chechii mista wiisacheyihtamihaakanuyich kaye namui chika uhchi aapateyimikuu aniyuu Jewa iinuuh kaa niikaanishkuwaayich kaye aniyuuh kaa niikaanapiyich ayimiheuchimaauh kaye aniyuuh wiishuwewiniyuu kaa chischinuhamaacheyitwaauh. Kata nipahaakanuu, mikw maak iskutak nishtu chiishikaau utihchipayihche kata wanishkaau nipuwinihch uhchi.”

Mark 9:31

wesh mekwaach chii chiskutamuweu uchischinuhamuwaakanh. Chii iteu, “Naapeuh e ihtaayich kata ishi pachishtinaakanuu Iinuu Ukusisa chechii nipahiikut. Mikw maak nishtu chiishikaau ishpish ekw che wanishkaat nipuwinihch uhchi.”

Luke 18:31

Ekw Jesus kaa chistuhtahaat aniyuu kaa niishushaapuyich uchischinuhamuwaakan taanite pahkaan chechii ihtaawaakupanenich, ekw kaa itaat, “Jerusalemihch chika ituhtenaanuu. ekute anite misiwe che tipipayihch an kaa ishi aayimaakanuut che ispayit Iinuu Ukusisa aniyuu taan kaa ishi masinahamuwaakupanenich aniyehkaanaanich uchischiwehiichesuuch.

Luke 18:33

Kaye chechii pishishtehwaatwaau, kaye che nipahaatwaau. Mikw maak chii nishtuchiishikaayiche miin kaau chika wanishkaau.”

Luke 24:46

E itaat, “Itashteu Christ yaaitei che wiisacheyihtamukupane, ekw maak kaau che wanishkaat nipuwinihch uhchi chii nishtuchiishikaayiche.

Luke 9:22

Ekw kaa itaat, “Iinuu Ukusisa iteyihtaakuniyuu chechii mistawaawiisacheyihtamiyich kaye chechii aatuweyimikuyich aniyuuh kaa niikaanapiitwaauh ayimiheuchimaauh, kaye aniyuuh kaa niikaanishkuwaayich iinuuh, kaye maak aniyuuh kaa chiskutamaacheyitwaauh wiishuwewiniyuu. Kata nipahaakanuu kaye, mikw maak nishtu chiishikaau ishpish kaau kata pimaatisiyuu.”

John 1:11

Kaa takushinit utah aschiihch wiya tipiiwe utiiniimh chii pechi nituwaapameu, mikw maak namui uhchi aapateyimikuu.

John 12:38

Eukun taapwe kaa ispayihch taan kaa ishi niikaan wiihtamukupane aniyaa uchischiwehiichesuu Isaiah e chii itwekupane, Utipeyihchikeu, awen tiyaapwehtaakuyaahch taan kaa ishi wiihtamaahch. Aweyuu kaa waapahtiyaat Utipeyihchikeu usuuhkaatisiiwin.