Luke 17:20 - Chishemanituu Utayimuwin: Kaa Uskaach Testament

²⁰ Peyakwaau Phariseech chii kakwechimeuch Jesus e itaatwaau, “Taaishpish che nuukuniyich Chishemanituu uchisheuchimaawin.” Ekw Jesus kaa itaat, “Chishemanituu uchisheuchimaawin namui mushe nuukuniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᐯᔭᒀᐤ ᕓᕆᓰᒡ ᒌ ᑲᑴᒋᒣᐅᒡ ᒌᓴᔅ ᐁ ᐃᑖᑣᐤ, ᑖᐃᔥᐱᔥ ᒉ ᓅᑯᓂᔨᒡ ᒋᔐᒪᓂᑑ ᐅᒋᔐᐅᒋᒫᐎᓐ᙮ ᐁᒄ ᒌᓴᔅ ᑳ ᐃᑖᑦ, ᒋᔐᒪᓂᑑ ᐅᒋᔐᐅᒋᒫᐎᓐ ᓇᒧᐃ ᒧᔐ ᓅᑯᓂᔫ᙮

Luke 17:20 Iomraidhean Croise

Luke 10:11

‘Tekash nikaasiihtitaanaan nisitinaanh taan kaa ishpish papaamuhteyaahch utah chitihtaawiniwaahch. Eukw uu e nuukuhtaayaahch e chii aatuweyihtamuwekw Chishemanituu uchisheuchimaawin. Mikw maak chiwii wiihtamaatinaan cheshtinaash chechii nisituhtamekw e chii peshunaakuniyich Chishemanituu uchisheuchimaawin anit e ihtaayekw.’ ”

Luke 14:1

Peyakwaau maak e Jewa ayimiheuchiishikaayich Jesus chii ituhteu chechii nituu miichisuwaat anite wiichiihch aniyuu peyakw kaa niikaaneyihtaakusiyich Pharisee. Ekw maak chii ihtaauch anit iinuuch naashch e naanaakachihaatwaau Jesus che ihtiyikwen.

Luke 16:16

“Eshkw ekaa uhchi takushihk John siikahaahtaacheu mikw aniyuu Moses kaa masinahahk Chishemanituu uwiishuwewiniyuu kaye aniyuu taan kaa ishi wiihtamaatahkwaau aniyehkaa uchischiwehiichesuuch eukun aniyuuh mikw kaa aapatahkwaau e chiskutamaachaanuuhch. Ekw maak kaa ishpish ihtaat John ekw miywaachimuwin kaa waawiihtaakanuuhch Chishemanituu uchisheuchimaawin e aayimuutaakanuyich. Suuhk maak mihchetu awen aayihkam wii piihcheu Chishemanituu uchisheuchimaawiniihch.

Luke 19:11

Wetaach maak chii ati peshuwaapahtamuch Jerusalemiyuu anichii iinuuch e nuushuushkuwaatwaau Jesus. Aniyuu maak taan kaa ishi waawiihtamaakutwaau Jesus chii iteyihtamuch taapwe shaash tiiwehch che nuukuniyich Chishemanituu uchisheuchimaawiniyuu. Ekw maak Jesus uyuu chischinuhamaacheu tipaachimuwiniyuu kaa wiihtamuwaat mekwaach e ati pimuhtetwaau. Chii itweu maak,

John 18:36

Ekw Jesus kaa itwet, “Namui utah aschiihch uhchipayuu nuuchimaawin. Utah chii uchiimakanikupane nuuchimaawin anichii nitaapachihaakanich suuhk chipaa maasihtaauch ekaa chechii pachishtinikuyaan anite Jewa iinuuch e ihtaatwaau. Namui utah aschiihch uhchipayuu nuuchimaawin.”