Luke 17:16 - Chishemanituu Utayimuwin: Kaa Uskaach Testament

¹⁶ Iskutak maak tekushihk chii uchihchiihkunapayihuu uhchishkuu Jesus e ihtaayich e nanaaskumaat. Uu maak naapeu Samaria aschiihch chii uhchiyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐃᔅᑯᑕᒃ ᒫᒃ ᑌᑯᔑᐦᒃ ᒌ ᐅᒋᐦᒌᐦᑯᓇᐸᔨᐦᐆ ᐅᐦᒋᔥᑰ ᒌᓴᔅ ᐁ ᐃᐦᑖᔨᒡ ᐁ ᓇᓈᔅᑯᒫᑦ᙮ ᐆ ᒫᒃ ᓈᐯᐤ ᓴᒣᕆᔮ ᐊᔅᒌᐦᒡ ᒌ ᐅᐦᒋᔫ᙮

Luke 17:16 Iomraidhean Croise

Matthew 10:5

Ekw uchii niishushaap kaa chihchitishahukutwaau Jesus e itikutwaau, “Ekaawii ituhtekw anite iinuuch ekaa Jewa iinuuch kaa itiskaanesitwaau e ihtaatwaau kaye ekaawii ituhtekw anite ihtaawinh Samaria aschiihch kaa ihtakuhkwaauh.

Matthew 2:11

Ekw kaa piihchetwaau aniyuu waaskaahiikaniyuu anite kaa ihtaayich Mary, aniyuu maak utawaashiimiyuuh. Iskutak maak wiyaapamaatwaau aniyuu awaasha chii uchihchiihkunipayihuuch e nuuchiishtuwaatwaau. Ekw kaa kuikunahkwaau aniyuuh chekwaayuuh kaawii miyaatwaau aniyuu awaasha, shuuliyaanaapiskwa chii miyeuch, ekw maak aniyuu kaa chii ishkwaasiikanuyich kaa wiihchimaakusiyich kaye kaa shuuliyaauniyich tuuminikaniyuu kaa wiihchimaakusiyich.

Mark 5:33

Ekw maak an iskweu e chischeyihtahk taan kaa ihtuutamuwaakanuut, chii pechi utisipayihuu Jesus e ihtaayich e nanamipayit e ishpish sechisit. Ekw kaa wiihtamuwaat wiya e chii taahtinaat.

Luke 17:17

Jesus maak chii iteu, “Chii mitaahtashuuch anichii kaa miinuwaachihaakanuutwaau. Taanite niyehkaanaanich peyakushteu.

Luke 5:8

Iskutak maak Simon Peter wiyaapahtahk e ispayiyich chii uchihchiihkunipayihuu uhchishkuu Jesus e ihtaayich, e itwet, “Nakasi, Utipeyihchikeu, wesh nimachaatisiin.”

John 4:9

Naashch maak chii kushkupayuu an iskweu aniyuu kaa itikut Jesus ekw kaa itaat, “Jewa naapeu chiya. Niya maak Samaria iskweu niya. Chekwaan wehchi nituweyihtaman chechii minihiitaan.” Namui mitun uhchi papiskaateuch Jewa iinuuch aniyuu iinuuh anite Samaria aschiihch kaa uhchiyich, eukw uyuu wehchii itwet uyuu an iskweu.

John 5:23

Ekw maak misiwe awen che chisteyimaat Ukusisimaau muyaam e ishi chisteyimaat Uhtaawiimaau. An awen ekaa kaa chisteyimaat Ukusisimaau namui chisteyimeu kaye Uhtaawiimaau aniyuu kaa pechi itishahukuyich.”

John 8:48

Anichii maak Jewa iinuuch chii iteuch aniyuu Jesus, “Nichii taapwenaan kaa itweyaahch Samaria e uhchiyin kaye e piihchishkaask machiahchaahkw.”

ᐊᐸᔅᑕᓚᒡ 1:8

Chika saakaschineshkaakunaawaau suuhkaatisiiwin, iskutak Kaa payehchisiit Ahchaahkw chii utihtikuyekwe. Ekw maak che papaamaachimiyekw anite Jerusalemihch, misiwe Judea aschiihch, Samariahch kaye misiwe e ispichiskamikaach aschii.”

1 Corinthians 14:25

Chika nisituhtam taapwe e chischeyihtamiyich Chishemanituuh taan e iteyihtahk. Ekw maak che pahchishimipayihut e nuuchiishtuwaat Chishemanituu e itwet, “Cheshtinaash ihtaau Chishemanituu utah mekwesiin e ihtaayekw.”

Revelation 19:10

Nichii uchihchiihkunipayistwaau maak chechii nuuchiishtuuk uu enchil. Mikw maak nichii itikw, “Ekaa wii an ihtih. Wesh kaye niya nitatushkuwaau Chishemanituu muyaam chii ekw maak chiichishaanich e ihtiyekw, misiwe anichii kuiskw kaa ishi waawiihtahkwaau aniyuu taapwewiniyuu Jesus kaa waapahtiiweyich. Chishemanituu eukw nuuchiishtuu.” Ekun kaa iishit an enchil. Wesh aniyuu taapwewiniyuu Jesus kaa pechi waapahtiiwet eukw aniyuu kaa suuhcheyihtaakuhiikutwaau anichii uchischiwehiichesuuch taan kaa ishi ayimitwaau.

Revelation 4:10

anichii niistanuu neu kaa chisteyihtaakusitwaau chisheinuuch chii pahchishimipayihuuch anite ishi e ihtaayich aniyuuh kaa apiyich chisheuchimaau tehtapuwinihch, e nuuchiishtuwaatwaau aniyuu kaachiche kaa pimaatisiyich. Chii manamuch aniyuuh uchisheuchimaau astutinawaauh ekw uhchishkuu anit chisheuchimaau tehtapuwinihch kaa ishuwepinihkwaau, e itwetwaau,

Revelation 5:14

Ekw anichii neu kaa pimaatisiitwaau awenichii “Amen” kaa itwetwaau ekw anichii kaa chisheinuutwaau chii pahchishinuuch kaye chii nuuchiishtuweuch Chishemanituuh kaye aniyuuh Maanishchaanisha.