Luke 16:31 - Chishemanituu Utayimuwin: Kaa Uskaach Testament

³¹ Ekw maak Abraham kaa itaat, ‘Ekaa che uhchi ihtuutamuwaakwenich Moses maak aniyuu uchischiwehiichesuuh taan kaa ishi masinahamiyich namui kata uhchi kakweteyihtamihiikuuch chechii nituhtawaatwaau aweyuu pechi nituwaapamikutwaau aat chii wanishkaayich nipuwinihch uhchi.’ ”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³¹ ᐁᒄ ᒫᒃ ᐁᑉᕋᐦᐊᒻ ᑳ ᐃᑖᑦ, ᐁᑳ ᒉ ᐅᐦᒋ ᐃᐦᑑᑕᒧᐙᑴᓂᒡ ᒧᓯᔅ ᒫᒃ ᐊᓂᔫ ᐅᒋᔅᒋᐌᐦᐄᒉᓲᐦ ᑖᓐ ᑳ ᐃᔑ ᒪᓯᓇᐦᐊᒥᔨᒡ ᓇᒧᐃ ᑲᑕ ᐅᐦᒋ ᑲᑴᑌᔨᐦᑕᒥᐦᐄᑰᒡ ᒉᒌ ᓂᑐᐦᑕᐙᑣᐤ ᐊᐌᔫ ᐯᒋ ᓂᑐᐙᐸᒥᑯᑣᐤ ᐋᑦ ᒌ ᐗᓂᔥᑳᔨᒡ ᓂᐳᐎᓂᐦᒡ ᐅᐦᒋ᙮

Luke 16:31 Iomraidhean Croise

Luke 16:30

An maak kaa miisitisiit naapeu chii nishkweushiheu e itaat, ‘Namui kata uhchi taapwehtamuch paatishkaan aweyuuh kaau chii wanishkaayichen nipuwinihch uhchi, chechii nituwaapamikutwaau ati chechii uhchi kweskaatisiitwaau.’

Luke 17:1

Jesus chii iteu uchischinuhamuwaakan, “Muush taapwe chika ihtakuniyuu chekwaayuu che ihtuutaakutwaau iinuuch chechii machituutahkwaau. Mikw maak kata aahkwaachipayuuch anichii kaa ihtuutawaatwaau aweyuu chechii machituutamiyich.

John 5:47

Ekw maak ekaa tiyaapwehtamuwekwe aniyuu Moses kaa itisinahiichet, taanite chechii uhchi taapwehtamekw niya nitayimuwin.”

ᐊᐸᔅᑕᓚᒡ 19:8

Nishtu piisim maak chii ihtaau Paul anit Ephesus kaye muush chii piihcheu anite Jewa ayimiheukamikuhch, e ayimihaat aniyuu iinuu ekaa mitun kushtaachit, naashch e siihchimaat chechii taapwehtaakut aniyuu kaa itaatutahk Chishemanituu uchisheuchimaawiniyuu.

ᐊᐸᔅᑕᓚᒡ 26:28

Ekw Agrippa kaa itaat aniyuu Paul, “Uu ishpish weipishchiish chititeyihten aa shaash chechii shaakuuchimiin chechii kweskaatisiyaan.”

ᐊᐸᔅᑕᓚᒡ 28:23

Ekw anichii Jewa iinuuch kaa wiishtuwaatwaau aniyuu Paul anit e chiishikaayich chechii nishtuwiitwaau chechii nituhtawaatwaau taan che itweyich. Wetihchipayiyich maak aniyuu e chiishikaayich anit kaa niskumutwaau chechii nishtuwiitwaau mihchetu awenichii chii takushinuuch anit Paul e ihtaayich. E chechishepaayaayich piihiim e ati tipiskaayich, Paul chii waawiihtamuweu aniyuu Jewa iinuuh taan e iteyihtaakuniyich Chishemanituu uchisheuchimaawiniyuu. Kaye chii kacheschimeu e wii siihchimaat chechii taapwehtamiyich Jesus e aawiyich Christ an kaa aayimuumaakanuut anite Moses uwiishuwewinihch kaye aniyehkaanaan uchischiwehiichesuuh umasinahiikaniihch.

2 Corinthians 4:3

Ihtaauch awenichii e iteyihtahkwaau ekaa misiwe chekwaayuu wiihtamuchiht e waawiihtamuchiht uyuu miywaachimuwiniyuu ekw maak namui chii nisituhtamuch. Wanishinuuch anichii awenichii ekun maak wehchi ekaa chii nisitutahkwaau.

2 Corinthians 5:11

E chischeyihtamaahch maak Chishemanituu e kushtaatikusiit eukuu wehchi cheshtinaachimachistwaau awenichii e taapwemakaniyich e ishi aayimuutamuchihtwaau Utipeyihchikeuh. Wesh tekash nichischeyimakunaan Chishemanituu taan e iteyihtaakusuwachiht. Nipukuseyihtenaan maak kaye chiyawaau chechii chischeyimiyaahch taan nihaau e iteyihtaakusiyaahch.