Luke 16:3 - Chishemanituu Utayimuwin: Kaa Uskaach Testament

³ An maak uchimaash chii maamituneyihtam, ‘Taan che ihtiyaan maak ekw chechii uhchi pimaachihiisuyaan, e iteyihtahk, shaash nitasaayaaskunikw nuuchimaam. Namui nimiskawiin e muunahiicheyaan chechii itaapatisiyaan kaye nishaakweyimun chechii naanitutamaayaan shuuliyaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐊᓐ ᒫᒃ ᐅᒋᒫᔥ ᒌ ᒫᒥᑐᓀᔨᐦᑕᒻ, ᑖᓐ ᒉ ᐃᐦᑎᔮᓐ ᒫᒃ ᐁᒄ ᒉᒌ ᐅᐦᒋ ᐱᒫᒋᐦᐄᓱᔮᓐ, ᐁ ᐃᑌᔨᐦᑕᐦᒃ, ᔖᔥ ᓂᑕᓵᔮᔅᑯᓂᒄ ᓅᒋᒫᒻ᙮ ᓇᒧᐃ ᓂᒥᔅᑲᐐᓐ ᐁ ᒨᓇᐦᐄᒉᔮᓐ ᒉᒌ ᐃᑖᐸᑎᓯᔮᓐ ᑲᔦ ᓂᔖᑴᔨᒧᓐ ᒉᒌ ᓈᓂᑐᑕᒫᔮᓐ ᔔᓕᔮᐤ᙮

Luke 16:3 Iomraidhean Croise

Matthew 20:8

“Iskutak maak wetaakusiyich, an uchimaau chii iteu aniyuu kaa naanaakachihaayich aniyuu kaa aapatisiitwaauh, ‘Wiisaamach anichii kaa aapachihiikwaau, misiwe che kachiishiihkuutwaau aniyuu kaa aapatisitwaau. Niishtam anichii maahchishtai kaa utaaskunaakanuutwaau chiishiihkuuch, ekw miin anichii kutakach taan mikw kaa ati itiskaatutwaau e utaaskunaakanuutwaau, che ati utihtahuutwaau anichii niishtam kaa utaaskunaakanuutwaau. Eukw uchii niishtam kaa utaaskunaakanuutwaau maahchishtai che chiishiihkuutwaau.’ ”

Mark 10:46

Chii utihtamuch ihtaawiniyuu Jericho kaa ishinihkaateyich. Aniyuu maak e ati wiiwiitwaau aniyuu ihtaawiniyuu Jesus neshta uchischinuhamuwaakanh kaye maak kutakach awenich e mihchetitwaau, chii utihteuch naapeu anite patuteskanuu e apiyich. Uu maak naapeu namui uhchii waapahtam kaye maak chii nitutamaau shuuliyaayuu anit aniyuu e apit. Bartimaeus chii ishinihkaasuu. Timaeus chii ishinihkaasuyuuh uhtaawii.

Luke 12:17

Ekw kaa iteyihtahk, ‘Shaash namui nitepishchinitaan taanite misiwe che chiskashtaayaan uyuu kaa nihtaauchihtaayaan nihtaauchihchikan. Ekw kaa maamituneyihtamihiikut taan che ihtit.

Luke 16:2

Ekw kaa wiishaamikut, kaa itikut, ‘Nipehten e itaachimikuyin nitamukw e itaapachihtaayin nishuuliyaam. Mushe che wiihtaman taan nihaau kaa itaapachihtaayin. Shaash misuwaach namui chika uhchi ayaan an chitaapatisuwin.’

Luke 16:20

Chii ihtaau miin kutak naapeu Lazarus e chii ishinihkaasut naashch e chistimaatisiit pisikw e paahpakushihtwaat. Umichiiwiniyuu e chii ayaat misiwe e ispichishtit. Wiiwiitamihch maak anit uwaaskahiikanimiihch aniyuu kaa miisitisiyich naapeu ekut kaa pimishihk,

Luke 16:22

An kaa chistimaatisiit naapeu chek chii nipuu, chii pechi utinikuu enchil, anite maak uhpime Abraham e ihtaayich ekute kaa pachishtinikut. Chek kaye an kaa miisitisiit naapeu kaa nipit, chii nahiihkuwaakanuu maak.

Luke 16:4

Nichischeyihten taan che ihtiyaan chechii uhchi wiichewaakaniyaan. Ekw maak ekaa ayaayaane aapatisuwin wiyawaau che pechi naanaakachihiitwaau.’

Luke 18:4

Chineush maak an wiyaaskunichesuu namui uhchi wii naatamuweu aniyuu iskweu. Ekw chek kaa ishi maamituneyihtahk, ‘Namui nanihchiishtuwaau Chishemanituu kaye namui nitaapateyimaauch iinuuch.

John 9:8

Ekw kaa itweyich aniyuu iinuu kaa chischeyimakut ekw maak aniyuu kaa chii waapamikut e nitutamaat shuuliyaayuu, “Eukw aa uu naapeu kaa chii apit e nitutamaat shuuliyaayuu.”

ᐊᐸᔅᑕᓚᒡ 3:2

Naashch chii misichihtuu an chishtuhkan anit e uhchi piihtukaanuuhch an chisheayimiheukamikw kaa miywaashich ishkwaahtem chii ishinihkaataakanuu, ekut kaa apit naapeu ekaa uhchi nihtaauhtet. Meshikum chiishikaau e chii ituhtahaakanuut anite, chechii nitutamuwaat aweyuu shuuliyaayuu anite ayimiheukamikuhch e ituhteyich.

ᐊᐸᔅᑕᓚᒡ 9:6

Pisikuuh, che ituhteyin anite ihtaawinihch ekute che wiihtamaakuyin taan che ihtiyin.”

2 Thessalonians 3:11

Ekun uu wehchi ititaahch wesh nipehtenaan e ihtaatwaau anit e ihtaayekw pasch ekaa mitun wiyesh itaapatisitwaau mikw e ayimitutawaatwaau aweyuu.