Luke 16:20 - Chishemanituu Utayimuwin: Kaa Uskaach Testament

²⁰ Chii ihtaau miin kutak naapeu Lazarus e chii ishinihkaasut naashch e chistimaatisiit pisikw e paahpakushihtwaat. Umichiiwiniyuu e chii ayaat misiwe e ispichishtit. Wiiwiitamihch maak anit uwaaskahiikanimiihch aniyuu kaa miisitisiyich naapeu ekut kaa pimishihk,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᒌ ᐃᐦᑖᐤ ᒦᓐ ᑯᑕᒃ ᓈᐯᐤ ᓚᓴᕋᔅ ᐁ ᒌ ᐃᔑᓂᐦᑳᓱᑦ ᓈᔥᒡ ᐁ ᒋᔅᑎᒫᑎᓰᑦ ᐱᓯᒄ ᐁ ᐹᐦᐸᑯᔑᐦᑣᑦ᙮ ᐅᒥᒌᐎᓂᔫ ᐁ ᒌ ᐊᔮᑦ ᒥᓯᐌ ᐁ ᐃᔅᐱᒋᔥᑎᑦ᙮ ᐐᐐᑕᒥᐦᒡ ᒫᒃ ᐊᓂᑦ ᐅᐙᔅᑲᐦᐄᑲᓂᒦᐦᒡ ᐊᓂᔫ ᑳ ᒦᓯᑎᓯᔨᒡ ᓈᐯᐤ ᐁᑯᑦ ᑳ ᐱᒥᔑᐦᒃ

Luke 16:20 Iomraidhean Croise

Matthew 26:71

Ekw kaa ati wiiwiit anit e uhchi piihtukaanuyich anit aniyuu kaa ihtaanuyich. Ekw miin kutak kuuhpaaneskwesha kaa waapamikut, ekw an ishkwesh kaa itaat aniyuu naapeu anit kaa ihtaayich, “Uu naapeu kaye wiya chii papaawiicheweu Jesus, Nazareth ihtaawinihch kaa uhchiyich.”

Luke 16:19

Jesus chii wiihtam chischinuhamaacheu tipaachimuwiniyuu e itwet, “Peyakwaau chii ihtaau e miisitisiit naapeu naashch e shuuliyaaunaakuniyikwaau uchekwaanim, naashch e chii miisitisiyuupimaatisiit.

Luke 16:21

e pukuseyihtahk chechii uhchi tepimiichisuhiisut taan aniyuuh kaa ishi pinihtawaanuyich. Kaye waawaach atim chii takushiniyuu e pechi naanuuhkwaatamiyich aniyeyuu umichii.

John 11:1

Chii ihtaau naapeu Lazarus e ishinihkaasut, e chii mista aahkusit. Anite Bethany kaa ishinihkaateyich ihtaawiniyuu chii wiichuu. Uwiichisaaniskwem Mary ekw maak Martha chii wiichimikuu.

ᐊᐸᔅᑕᓚᒡ 3:2

Naashch chii misichihtuu an chishtuhkan anit e uhchi piihtukaanuuhch an chisheayimiheukamikw kaa miywaashich ishkwaahtem chii ishinihkaataakanuu, ekut kaa apit naapeu ekaa uhchi nihtaauhtet. Meshikum chiishikaau e chii ituhtahaakanuut anite, chechii nitutamuwaat aweyuu shuuliyaayuu anite ayimiheukamikuhch e ituhteyich.

James 1:9

Chiichishaanuu kaa chistimaatisiit chipaa miyeyihtam Chishemanituu e chisteyihtaakuhiikut.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.