Luke 16:2 - Chishemanituu Utayimuwin: Kaa Uskaach Testament

² Ekw kaa wiishaamikut, kaa itikut, ‘Nipehten e itaachimikuyin nitamukw e itaapachihtaayin nishuuliyaam. Mushe che wiihtaman taan nihaau kaa itaapachihtaayin. Shaash misuwaach namui chika uhchi ayaan an chitaapatisuwin.’

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐁᒄ ᑳ ᐐᔖᒥᑯᑦ, ᑳ ᐃᑎᑯᑦ, ᓂᐯᐦᑌᓐ ᐁ ᐃᑖᒋᒥᑯᔨᓐ ᓂᑕᒧᒄ ᐁ ᐃᑖᐸᒋᐦᑖᔨᓐ ᓂᔔᓕᔮᒻ᙮ ᒧᔐ ᒉ ᐐᐦᑕᒪᓐ ᑖᓐ ᓂᐦᐋᐤ ᑳ ᐃᑖᐸᒋᐦᑖᔨᓐ᙮ ᔖᔥ ᒥᓱᐙᒡ ᓇᒧᐃ ᒋᑲ ᐅᐦᒋ ᐊᔮᓐ ᐊᓐ ᒋᑖᐸᑎᓱᐎᓐ᙮

Luke 16:2 Iomraidhean Croise

Matthew 12:36

“Chiwiihtamaatinaawaau, cheshtinaash misiwe taan kaa ishi ayimit awen ekaa aapataniyich chika wiihtamuwaakanuu wiyaaskunicheu chiishikaayiche.

Matthew 20:8

“Iskutak maak wetaakusiyich, an uchimaau chii iteu aniyuu kaa naanaakachihaayich aniyuu kaa aapatisiitwaauh, ‘Wiisaamach anichii kaa aapachihiikwaau, misiwe che kachiishiihkuutwaau aniyuu kaa aapatisitwaau. Niishtam anichii maahchishtai kaa utaaskunaakanuutwaau chiishiihkuuch, ekw miin anichii kutakach taan mikw kaa ati itiskaatutwaau e utaaskunaakanuutwaau, che ati utihtahuutwaau anichii niishtam kaa utaaskunaakanuutwaau. Eukw uchii niishtam kaa utaaskunaakanuutwaau maahchishtai che chiishiihkuutwaau.’ ”

Luke 12:20

Ekw Chishemanituu kaa itikut, ‘Taapwe chiwiyeshimitisun, anuhchiish uu che tipiskaach chipimaatisiiwin chika utinikanuu. Awen maak che ayaat misiwe aniyuu kaa chiskashtamaasuyin chekwaayuu.’ ”

Luke 12:42

Utipeyihchikeu chii itweu, “Aapachihaakan kuiskw kaa ihtuutahk utaapatisuwin kaye kaa iipwaahkaat eukuu che wiyaapamikut uchimaam wiya chechii uchimaahkahtuwaat misiwe aniyuu kutak aapachihaakan kaye chechii naanaakachihtaawaat nihaau chechii ishi ashamaakanuyich iskutak utihchipayihche che ashamaakanuyich.

Luke 16:1

Jesus chii wiihtamuweu uchischinuhamuwaakan uyeyuu tipaachimuwin chiskutamaachewiniyuu, e itaat, “Chii ihtaau e miisitisiit naapeu e chii ayaawaat uchimaasha. An maak uchimaash chii nanaakatuweyihtamuweu misiwe taan kaa ishi ayaayich aniyuuh naapeuh. Chii pehtamiyuu maak aniyuu uchimaam nitamukw e chii itaapachihtaawaat ushuuliyaamiyuu.

Luke 16:3

An maak uchimaash chii maamituneyihtam, ‘Taan che ihtiyaan maak ekw chechii uhchi pimaachihiisuyaan, e iteyihtahk, shaash nitasaayaaskunikw nuuchimaam. Namui nimiskawiin e muunahiicheyaan chechii itaapatisiyaan kaye nishaakweyimun chechii naanitutamaayaan shuuliyaau.

Romans 14:12

Misiwe e tashiihkw chika waawiihtamuwaanuu Chishemanituu taan kaa ihtuuhkw kaye maak chekwaayuu aniyuu wehchii ihtuuhkw.

1 Corinthians 1:11

Niichishaanitikw, Chloe kaa ishinihkaasuyich iskweu e ihtaayich e uhtuhtetwaau awenichii nichii itaachimushtaakuch e mamachipayekw anit mekwesiinuu e ihtaayekw.

1 Corinthians 4:2

Peyakw chekwaayuu taapwe e ishi nituweyihtaakusitwaau chechii iteyihtaakusitwaau uchii uyuu kaa ishi miyaakanuutwaau chechii itaapatisitwaau eukw chechii cheshtinaateyihtaakusitwaau taapwe chechii ihtuutahkwaau taan e itashumikutwaau uchimaamuwaauh.

1 Corinthians 4:5

Eukw maak uu uhchi ekaawii chika uhchi wiyaaskunen chekwaan eshkw ekaa utihchipayihch chechii wiyaaskunikanuuhch. Wiya Utipeyihchikeu mushe chika nuukuhtaau misiwe chekwaayuu kaa kaataakanuyich. Mechim aniyuu taan nihaau kaa iteyihtamiyich aweyuuh. Ekw maak misiwe awen che wiihtamaakut Chishemanituu e naheyihtamiyich aniyuu taan kaa ishi miyutuutahk.

2 Corinthians 5:10

Wesh misiwe paahpeyakw e tashiihkw chika uhchishkuukaapuushtawaanuu Christ taanite e apit chechii wiyaaskunitahkw. Ekw maak misiwe paahpeyakw che miitahkw taan an e iteyihtaakuhch chechii miikuwaauhkupane mikw taan kaa ihtiwaauhkwe mekwaach utah aschiihch kaa pimaatisiihkw, kaa miyu ihtiwaauhkwe maak ekaa uhchi miyu ihtiwaauhkwe.

1 Timothy 4:14

Muush aapachihtaah an ahchaahkw miiwewin e ishi ayaan chechii atushkuwat Chishemanituu. Wesh eukw uu miiwewin kaa miikuyin chischiwehiichewinihch uhchi, kaa saaminiskwaau e ayimiheshtamaaskwaau anichii kaa niikaanishkaakahkwaau ayimiheukamikuyuu.

1 Timothy 5:24

Pasch awenich umachihtwaawinawaauh tiiwehch miyu nisituunaakuniyuuh eshkw ekaa mechim wiyaaskunaakanuutwaau. Kutakach maak namui tiiwehch chischeyihtaakuniyuuh umachihtwaawinawaauh.

1 Peter 4:10

Misiwe paahpeyakw awen ihtakuniyuu taan e ishi miikut Chishemanituu kaschihuwiniyuu. Eukw maak uyuu kaschihuwiniyuu chipaa aapachihtaau e waawiichihaat kutak aweyuuh, e aashuu miyaat aweyuuh Chishemanituuh ushaweyihchichewiniyuu.

1 Peter 4:5

Peyakwaau maak e chiishikaayich chika uhchishkuukaapuushtaweuch Chishemanituu e wiihtahkwaau taan kaa ishi pechi pimaatisiitwaau. Eukw wesh uu Chishemanituu che wiyaaskunaat misiwe aniyuu kaa nipiitwaauh kaye aniyuu kaa pimaatisiitwaauh.

Revelation 20:12

Nichii waapamaauch maak misiwe anichii awenichii kaa nipuwaakupanenich. Misiwe kaa chisteyihtaakusitwaau kaye anichii ekaa kaa chisteyihtaakusitwaau nichii waapamaauch. Chii uhchishkuukaapushtamuch aniyuu chisheuchimaau tehtapuwiniyuu. Chii ihtakun maak masinahiikanh e aapahiikanuuhkwaauh. Miin maak kutach masinahiikan chii aapahiikanuu. Uu maak masinahiikan ekut mesinaasutwaau anichii awenichii che ayaatwaau kaachiche pimaatisiiwiniyuu. Anichii maak kaa nipitwaau chii wiyaaskunaakanuuch mikw taan kaa ihtiwaakupanenich. Misiwe taan kaa ihtitwaau chii masinaateyuu anit aniyuuh masinahiikanh.